乜嘢係一粒米,咪就係妹妹出牙仔囉!自我出院後,妹妹成個人都好忟,少少嘢都大大聲喊,只係嘈,但無眼淚(如果有眼淚的話,就一定係大鍋嘢)!
今日終於俾我見到佢d牙肉出咗一粒米的白色,係牙仔嚟的,唔怪之得佢咁忟啦!成日都罵姐姐!
不過我無相機係身,又依家做嘢要步步為營,唔想動作太快令到d內臟唔舒服,所以趕唔切影底佢,一有機會就影啦!
另外,今日我哋出走沙田屋企避難,原因係隔離屋裝修打地垃,那些天拿水的味令到我頭痛之餘,條氣管都唔舒服!大人都會有咁的感覺,更何況小朋友呢?所以我哋等卓希一放咗學之後,就出走,去咗沙田屋企成個下午!
全站熱搜
留言列表