港楊回憶，樂趣無窮！

我哋屋企有一個大衣櫃，本應係夠三個人的，但突然今個凍天唔夠放，因為多咗妹妹，而且兩個堂家姐過咗多衫仔俾妹妹，所以唔夠位！要預備添置多一個衣櫃時，一定要執執屋企，昨晚將兩張書枱放直，立即見到成間房的空間多咗好多。今晚就只係執咗兩行書架，因為我無乜力水！等我每日執少少，依幾日都會忙，所以都係等晚上兩個小朋友訓咗後才有時間與空間去執嘢，順便清一清我哋的嘢！

執好才影相！

回奶後記：自從我話要回奶後，共飲了五次回奶茶，一次羽鴿湯，開始無咁谷，真係比我想像中耐。而且初初嗰幾日，我堅持唔泵奶，點知痛到成塊石頭咁，唔泵又唔得。泵咗又俾身邊的人評擊話我一泵就會仲有奶。唉！咁痛到我c，唔泵吓舒緩吓佢的話，我怕會谷奶谷到乳線炎，然後發燒又入院就真係煩。所以佢一谷到好似豆頭咁時，我都會泵，不過泵少咗好多，所以依兩日都唔係太過谷，只係洗澡時郁到的話會滴奶！今日嫲嫲煲咗羽鴿湯過我飲，好難飲！唔知點解，上次姐姐幫我煲時我已經有咁的感覺，仲以為姐姐唔係好識得煲時就係咁難飲，點知今日嫲嫲煲嚟時，都係咁難飲。一d都唔似以前係心光飲的羽鴿湯咁的味(話時話，心光好耐都無煲羽鴿湯啦！)，也許是落咗好多生麥芽，所以難飲啦！希望快d回到奶，因為我預備下星期三返工，咁就無咁方便回奶啦！