港楊回憶，樂趣無窮！

 今日哮喘科覆診，終於合格啦！醫生話其實我仲可以更好的，因為我今日吹氣時，第一次只得300度，醫生要我吹多次，第二次係350，醫生表示，以我的高度，應該可以去到400度的，要記得早晚吸藥。而且上次吹大大部電腦機的報告出咗啦，我係屬於有輕微哮喘的病況，所以要小心自己身體。另一方面，醫生話由於我四月要做手術，為咗確保我這段時間條氣要喺最fit的狀態，我每日吸藥的份量加咗。由每日吸兩次，每次吸兩吓，加到都係每日吸兩次，但每次要吸四吓！嘩！不過為咗身體，無法啦，醫生話我咁後生有依個病，一嚟也許係遺傳，二嚟也許是我太耐無理到自己的身體，所以攪到今日咁的地步！

思想的整理

做人年齡越大，記性便越差，尤其是生了兩個小朋友後，記性仲差過以前。有時諗好要將一些事情記下來，在腦海盤旋好了，晚上坐下時便全忘記了。所以從今天開始，盡量有本簿在手袋，有機會便紀錄下來，特別是有時內心裏有感動的祈禱，很想像大衛一樣遂一紀下來。不過，我可沒有木衛那樣寫詩叻叻，但我所寫的都是和他一樣，內心深處的感受與領會。

在家執手袋預備到醫院時，放本簿到手袋時，嘩！手袋好重呀，又多咗一個重担添！等我有機會買本輕又方便的簿先！

爬高又爬低的妹妹

今日姐姐同我講，兩日前妹妹已經識得爬上梳化。黃昏時，我攰到訓咗係梳化時，妹妹點都要爬上嚟癡住。食完飯，我為咗要影佢爬梳化，就用星星粒粒嚟引佢，超好笑！