今晚學會玩memor的老虎機,我成日都只係得5點,不過一到100點我又會立刻走人,唔想輸得咁快。同係唔想自己係咁沈迷落去,老虎機依家嘢真係會使人沈迷的,所以我會控制自己,唔准自己咁玩法。
 
 
今日下午同卓希爸及卓希去ikea睇書架的層板,依個卓希一見有爸爸係到就走圍走。我同卓希爸講悄悄話叫他走開,留心睇只得我同卓希時,佢的表現。初初卓希見爸爸唔見咗時〈我話佢知爸爸去咗買嘢〉,佢就好唔開心咁係咁咸。〈因為佢實在太鐘意爸爸啦!〉跟著有得玩後,佢又忘記咗,我仲同佢拉ikea嗰d車仔,叫佢負責要睇位同轉彎時要偷位,佢又識,真係無佢咐。
 
 
其實我覺得卓希爸都知道個仔成日都“蝦”佢,不過“一個願打,一個願挨”,形成化學作用,我都無辦法,只好自己同卓希時,教佢應有的禮貌同態度。
 
 
男人的嘢真的好奇怪,未有小朋友時,又話d小朋友煩,又話無哂時間,總之就有百幾個理由唔想要啦!但係小朋友出咗世後,覺得佢得意就係咁縱佢,氣c我啦!好似昨天係爺爺到返屋企時,卓希成日都持住爸爸係到,唔肯自己落地行,我已經用好多方法要佢行,點知佢一跪係到話:「好攰!」時,卓希爸又心軟,要抱佢,今次我直頭叫卓希爸自己行先,得我同卓希時,佢好少扭我抱的。一直行佢都係咁咸〈係無眼淚的!〉行到屋企樓下,個替工看更又八掛,話小朋友做乜咸得咁慘,我無答佢〈明眼人一睇都知佢扭計啦,廢問題!〉我都係咁e話佢扭計,正一八掛到c!返到屋企,我仲要卓希同爸爸講:對唔住!以後要自己行,爸爸唔好嬲啦!〈卓希爸都無嬲,不過係覺得我叫走佢多此一舉啫,個仔咸,佢心痛到c!〉
 
 
現在開始,我唔理的啦!為咗教好卓希,我會盡我所能!〈卓希都係一隻野蠻的老虎仔,被卓希爸縱壞哂!〉
arrow
arrow
    全站熱搜

    suklaic 發表在 痞客邦 留言(0) 人氣()