我已經好耐都無同卓希去過公園到玩，一來要為了搬屋，二來我平時放工放得晏，要去都係卓希爸同佢去，跟著就嚟停車場接我。今日見天氣咁好，又想用下佢的精力，就同佢去公園到玩。而且好像自從暑假後都未有時間同卓希拍短片，就趁依個機會影多些。





大擔的卓希，乜鬼嘢都玩，仲係第一次咁樣玩吊住。




連卓希爸都怕的平衡木，卓希一於有理無理，係咁行！




卓希見乜都要爬，不過自己又唔出力，因為有個照顧週到的卓希爸係到！




有好的石春路又唔走，係要走亂石的石春路！




最鐘意就係咁跑，要俾人捉，又或者捉人！


晚上約了一班宿舍部的同事，一起去吃自助餐，慶祝崔姑娘結婚之喜。我帶埋卓希去(卓希爸自己又要去砍！)，隻豬仔勁，由頭帶到落尾係咁食(我哋大約6:40pm開始到9:00pm)，十四個大人都唔夠佢食得咁耐，我都只係食咗同平時食飯的份量咁多，但係卓希就食得好好好多。連甜品都係咁掃，佢又係生果怪(同佢亞媽我一樣)食咗三粒士多俾梨，同其他好好味的甜品。我都唔敢係咁食，怕佢要我碟上的食物。不過講真，香格利拉又真的好好味！好彩有同事有白金咭(嘩！要交好多年費，佢預先批俾我都無申請，年費咁貴！)，可以有discount，所以一人三百大元，我仲有jetso，因為卓希所食的份量係一個大人，所以我哋一人都係$150！哈哈哈！

卓希返到屋企仲飲得落奶！(好恐怖！)所以我都只係開五安給他，怕他會爆肚！
arrow
arrow
    全站熱搜

    suklaic 發表在 痞客邦 留言(1) 人氣()

    E-mail轉寄