港楊回憶，樂趣無窮！

親愛的天父：

感謝祢，讓醫生幫助我，知道身體的需要及治療。天父，我真的不怕死亡，但今天才真正的想這個問題，那是因為老公和卓希有以下的對話：

情境：卓希要老公揹他，咁老公就問佢

老公道：你第時大個，爸爸大個時老咗的時候，你會唔會揹爸爸？

卓希道：你自己搵支柺杖嚟行啦！.........(中間唔知點解會講到嫲嫲)，你係嫲嫲個仔，我又係你個仔。到你大個老咗的時候，嫲嫲同爷爷都會死。到我大個咗之後，你同媽媽都會老到死，係咪呀？

老公道：係呀，人人都會係咁，你點知的？

卓希道：我自己諗的！(我猜是嫲嫲有時候同佢講的！)

天父，講真，我一直都無意識如何是死亡，但今天聽咗個仔咁講法時，我諗咗好多嘢！

第一、就係我都唔知自己有多少日子，可唔可以睇到佢哋長大，所以，當時個心係痛咗一下。但我知道，如果他們KEEP住返教會，多認識祢，就一定在天父的教導下成長。我何需擔心？只是貪心，想見多D，想知多D，想第時幫佢哋多D吧了！

第二、我係咁諗死時的情況是怎樣的呢？有過兩次全身麻醉的經驗，我相信就會好像臨麻醉前，個人好想清醒，但係望住D燈唔便五SECONDS就全黑，然後便沒有知覺。天父，我不想太貪心，只想死時不要太辛苦。因為經歷了身體上所有的病痛之後，真的體會到如何是“辛苦”，當時身體真的不是自己所能控制和掌握的。就像今次，只是一個小小的手術，但原來還有手尾要跟，以為自己已經叻叻做完手術後第二天便回家，別人要多一天，但原來傷口未埋，還有很多血塊在內。天父，求祢給我加添力量，好好照顧自己的身體，因為這是祢所給我的殿。

天父，我是否想得太多呢？今天腦海不停地轉，望住兩個小朋友也在想，還想了很多這兩年在醫院的經歷，真的很感恩！感謝祢在信徒箴言所給我的提醒：「我們若將起初確實的信心堅持到底，就在基督裏有分了。」希3：14

奉主名求！阿們！