今日又要返東區醫院，為的是到外科覆診。我都知衰啦，因為忘記咗1月11日要去照胃鏡，當時我的腦只係顧住13日要入院做手術，完全無咗回事。所以當我一坐下時，醫生就問我點解唔去照胃鏡，我話因為掛住要入院的嘢，忘記咗！

醫生問我近況，我話裏面的傷好時不時會有咭咭哋的感覺，跟著就無乜特別！咁醫生問我仲照唔照胃鏡？我話唔照啦，一嚟唔想請咁多假，二嚟近來個胃又無以前咁唔點，所以都係唔照！醫生話如果係咁，個膽又無咗，我又唔肯照胃鏡，咁就無乜嘢要跟，以後唔使覆診啦！

YEAH！好嘢！又少咗一樣嘢要覆診！

arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄