港楊回憶，樂趣無窮！

原來由年初三到今日年初八都無寫過日記，唉！晚上自由時間真係忙到“震”！因為有朋友介紹一個網上睇電影的網給我看，pps，點知，一係唔睇，一睇就晚晚都要睇，睇到唔相訓添，連以前我哋細個時的無線劇都有(不過係普通話，我都照睇！)，所以點會唔忙？(我依家好明小吉媽為何晚晚都咁忙！)

今日，係卓希的五歲生日，同佢一齊睇番以前d相，佢真係大過咗好多，求天父給他有愛神愛人的心，把眼光看得更遠及更清晰！

係教會囉咗個錢箱回來，是時候要教導佢儲錢的習慣，五歲人仔，就每星期入五元，每年遞增！妹妹見到哥哥入錢，佢又要入落自己個到(佢得一星期一元咋)！

小朋友們的興趣班開始了，大人們就更忙！今日下午本來是帶卓希去畫班，點知個鐘無人聽到，我哋以為今日無，就走咗，點知晚上打電話給frankie哥哥，原來佢哋係最入的房，聽唔到鐘聲的！唉！下星期又要skip一堂，因為我哋要去挪亞方舟！

跟著就去咗維園，因為老公下星期又學人跑馬拉松，今日要去攞資料，佢哋仲有一個嘉年華會，卓希玩得好開心，連妹妹都一齊跑mini馬拉松(我拖住的！)

卓希的號碼

婷婷的號碼

最失敗就係無相機係身，無影到佢哋有號碼係身時的樣，同埋老公一路排隊一路影卓希跑的短片，點知太遠及太快，影唔到！所以之後都只好用手機嚟影，用住先啦！

先幾天我們一家和mormor morfar佢哋去照相，未有到手，只有自己相機幾張相，但很開心，好好玩！

跟著又去咗太古城，睇夜上海的展覽，真係放假放得好開心！