港楊回憶，樂趣無窮！

今日我終於忍唔住啦，有一位同事成功地轉另一間特殊學校，GM位，佢係我識咗八年來好好的朋友，睇住我大肚， 睇住卓希出世，我又睇住佢結婚，知道後見到佢個樣，雙眼的淚水不自覺地流下！

其實我一直都知佢想走，但係由一間特殊學校轉到另一間特殊學校又有乜意思呢？就係因為個GM位，如果心光有新高中就好啦，可以有多D GM位留到一班好的同事！今日佢答咗對方的校長時，就SEND咗一個信息給我，個心真的UN住UN住，選擇唔去答任何嘢，係咁做嘢！但係我要去另一個特別室問其他同事嘢時，初時佢都唔係到，但係一見到佢入嚟，真係無鬼用，眼淚水不停咁流。佢都未見過我喊，我一路同自己講唔好喊，但係就眼淚水仲流得快D！我唔想個同事走得唔開心，但係就唔可以阻止到我的唔開心！

唉！之前無幾耐佢先答應我明年幫忙小學的團契仔，依家又走，真係基督徒走得的走啦！

咁！如果我出到去普通學校到，個巿價又會幾多呢？唔准諗住，今年一定唔可以走住，要幫得幾多就幫幾多！

依個教育局，回應得咁鬼鼠，依家唔單只講老師，仲有講復康訓練呀！http://www.edb.gov.hk/index.aspx?nodeID=7974&langno=2