今早同妹妹去咗郵局，返到麗晶時，人又暈一暈。話說依三日我時不時都暈一暈，好似上次耳水不平行的病徵，應該係我的感冒未清。咁我同妹妹就去咗商場到睇中醫，佢唔係最好的，但起碼佢會慢慢咁解釋給我聽。佢話我的五臟六腑全都壞哂，要好好咁調理吓，人又濕熱。唉，又要飲一個星期的苦茶！
妹妹成日都無去過街，隨咗同我出咗一陣郵局，但係到晚上食飯時佢有少少燒，而俾佢激C又笑C係由昨晚開始：
刷完牙上床後：「我D牙癡咗D嘢！」經我同老公細看一輪後，係無事。
臨訓著前：「我LUCK咗隻牙！」(咁快？兩歲咋！)經我同老公再細看，都係無事。
今日下午開始：「我咬到條脷呀！」經我哋驗證後，條脷係無傷口。
總結：妹妹應該係生“飛知”，但係我哋係咁睇咗好多次，都搵唔到係邊個位，今晚只好快快的煲竹X水，希望佢明天會好少少。但係明天都也許無得返教會，老公唔鐘意佢係燒過後去人多的地方。而且明天教會下午係科學館的演奏廳有一個姊妹的綱琴演奏，我哋全家都有票，睇嚟又無得去啦！我好想去呀！
全站熱搜
留言列表
廚藝“棒” (5)
