close
一放工返到屋企，工人姐姐話妹妹塊面有好多紅色一點點，我立即檢查佢手腳，手有幾點，腳有一點，舌頭就好似無點點。但係為咗安全計，都係落樓睇醫生，我怕係手足口病，原來唔係，醫生話應該係學校有嘢咬，真係虛驚一場！
不過話時話，頭先落樓下睇洪醫生，只係七點咋，佢話已經唔再收症，因為太多人睇。嘩！真係多人到咁？所以只好行去啟業村，去睇個個所謂的兒科醫生，佢講兩句，同埋一小小藥膏已經大拿拿二百五元！係醫生唔收症時我都有打俾趙醫生，但係佢當時無立即覆我，係我哋返到屋企後先打嚟！趙醫生聽咗妹妹D紅點點情況後，就話應該唔係手足口病，不過都不可以掉以輕心，因為有可能係另一種過濾性病毒，希望唔好啦，小朋友病仲煩過大人病的！
趙醫生話，就算真係手足口而睇佢都無用，因為係無藥醫，都只係要小心唔好發燒，要有定退燒藥係屋企，所以我咁鐘意趙醫生，佢係唔會令到家長好緊張的，只會俾多D放心！
全站熱搜
留言列表
廚藝“棒” (5)
