卓希由昨晚開始，條氣管都好喘，半夜要老公抱住佢先訓到，今早又咳醒，真係慘！我細個時，都試過咁的經歷，所以好明白佢辛苦。以前我試過辛苦到訓係張床到，阿嫲以為我懶，其實係我唔夠氣去起身，去做一些帶氧的動作，後來要抱我去診所到睇醫生，仲要打一技針，因為我連行都行唔到呀！
所以今早卓希的家長會後，我哋就只係係屋企，指示佢唔准走圍走，要睇書，休息吓！對咁細的小朋友嚟講，真的好辛苦，但係佢又唔夠氣時，佢又知大人的說話係真的，才會乖乖的坐好！晚上聽趙醫生所說，PUMP多幾PUMP VENTALINE給卓希，果然條氣順到可以訓到，不過都係要學我咁坐係到訓，因為怕佢喘，唉，我個仔呀！
希望明天好些，可以跟教會去戶外崇拜，吸些新鮮的空氣，對身體都好些。唔好講卓希咁細個，我條氣管近來都唔點啦！如果唔係就唔會次次去覆診都唔合格，嗱！下星期四又要去啦，超熕！我昨晚都同卓希一樣，半夜要起身吸藥，成兩次咁多！唉！超唔鐘意病！
全站熱搜
留言列表
廚藝“棒” (5)
