今年阿女生日正日,我不單只由本來唔使返工,變成特然要返工,更加係晚上都要去食政治飯,成日都唔可以係屋企,好對唔住個女!

所以,預早一日同佢攪咗個小型生日會,為何小型?因為我唔識佢依家的同學仔,只好請家人及有玩開的隔離屋朋友仔!

唔知點解個個都選今日有特別節目,堂大家姐就有另一個生日會,嚟唔到,MORMOR、MORFAR教會有特別聚會要負責,又嚟唔到!

所以,都算係過咗個冷清的生日會,唔緊要,最重要係婷婷覺得今日自己係主角便可以了!

昨日去了迪迪尼,俾婷婷見到公主裙,平時我哋係唔會買,見佢今次生日,就破例一次,老公俾錢!WAKAKA!

點知佢今日著起條裙,我幫佢SET起個頭,載返上次金EE結婚時載過的皇冠,變身成個公主後,佢就板起塊面,點都唔笑!真係俾佢激C!

  page.jpg    

page2.jpg  

page3.jpg  

創作者介紹

港楊回憶,樂趣無窮!

suklaic 發表在 痞客邦 PIXNET 留言(0) 人氣()