close
今早我的鬧鐘吵醒了卓希，他食咗奶之後的指定動作就係痾。點知我哋兩個返咗工之後，仲痾咗三次，一個早上共四次，聽到都心驚驚。便立即打電話話一定要睇趙醫生，本來今天趙醫生的booking已經full咗，不過佢都好好咁安排2:45pm給我們，但係卓希爸同我兩個都走唔開，點算呢？今次又係爺爺出動的時間，芳ee先帶卓希去爺爺家同家姐仔玩吓先(點知又搶咗一輪城巴玩具回家，唉！)然後就出發去中環，三點十五分便可以見醫生，醫生又解釋一次同我講的給爺爺聽，又打電話給我問佢所食過的藥，醫生仲同我講：昨天咪講好咗唔使睇，點解今日又要睇呢？我話：係因為佢一個早上痾咗成四次，真的有點兒怕怕。


醫生同爺爺話，check過哂卓希(爺爺都話依個醫生細心)，都無發現佢有乜事，都係一句，要等佢痾清痾淨先致得！仲有就係，如果卓希真的有何唔舒服，就一定無依家咁活潑(好聽係活潑，唔好聽係naughty！)其實今次由爺爺出馬帶卓希去睇醫生，都係好的一件事，唔使成日d說話好似我唔帶佢去睇醫生咁，而係由醫生講唔使擔心就係最好不過啦！


所以依幾日我哋都係要以“米田共”為伴！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄