今日收到agent的電話，話新姐姐會係下星期三或星期五到香港。我個心就梗係開心啦，不過另一方面又會擔心，因為怕自己教唔點佢。

始終，佢嚟到的時候，係我返工的日子，仲係預備夏令營，忙到抽筋的日子。雖然芳ee丘會跟到五月尾，但係我怕芳ee的壞手勢教壞新姐姐。不過都無得怕啦，鬼叫自己無本事有時間教她！卓希爸話如果芳ee跟到五月尾都唔點的話，就連六月都要佢跟埋，七月我哋就放假，可以跟緊d。

唉！我的寶貝仔呀，我好怕佢唔識應呢！今晚係床邊陪佢訓的時候，就已經係咁同佢講新姐姐就快嚟，又話叫佢要聽話。佢又好似懂懂哋咁，真的好好笑！

其實我都有唔捨得芳ee的，不過最衰佢唔過夜，卓希晚上訓得又麻煩過人，如果唔係有番d私人的空間不知幾好。另一方面，卓希由出世到依家都係同我訓，下星期開始就要同我分開訓，我自己先有唔習慣的地方。算啦！大人同細路都要識應一下！

今日下午，淑金嚟探我哋，仲同卓希及我出外shopping。佢係我哋到幫手湊咗卓希四小時都唔夠，就已經話好攰，笑到我肚都痛。只係四小時啫，就已經頂唔順，咁我哋由卓希出世到現在，二十四小時咁跟著佢，咪要倒下？？？不過卓希真的有無比的精力，今日分別訓咗兩次，一次半小時，另一次二十分鐘，咁就已經义完電，又可以再玩過！對著佢都咪話唔攰！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄