話說我自己兩星期前就申請返個回鄉證,當時已經夠蠢,無一早幫卓希預約。咁今日我可以攞返證件時,就一早幫卓希係網上預約咗今日申請回鄉證。
好啦!去到1號窗時,先攞番自己的證件,然後個counter姐姐問卓希有無帶回港證or護照,我話佢都無,佢係跟我用北歐護照!咁姐姐話唔可以申請的,一定要有回港證,叫我快d去入境處申請,可以即日申請到的,咁個籌仲可以即日用!
但係我就無即是去東九龍的入境處,因為我要返東區到覆診(腰骨)。去完醫院後,就帶著卓希及tunt姐姐去東九龍的入境處!唉!今次大鑊,原來又係要上網預約,我又無咁做到,只好返屋企。一返到屋企,嗱嗱臨就上網,先先預約入境處,好彩8月4日仲有一個位(早上9:00),跟著就係麻煩的中旅社。要改今天的預約時間,點知佢未來兩個星期係觀塘的籌都無哂,其他分行都仲有,有d仲唔使等兩個星期,不過就遠到乜咁!咁只好選擇去旺角啦!
我依個阿媽真係無鬼用,諗住summer 就要做下依d文件上的事情,都做得唔好,所以今日覺得自己好無用!
arrow
arrow
    全站熱搜

    suklaic 發表在 痞客邦 留言(0) 人氣()