我成日都話我哋依間係豪宅(唔講又點會有得笑？) 不過又係真的，因為我哋屋企係可以睇 到煙花的...........
目前分類：靚太數生活 (646)
- Jul 02 Mon 2007 19:00
睇到煙花的豪宅
- Jun 23 Sat 2007 21:39
幾時先賺到$100美金?
今晚我係到做做下功課時，有一個舊同事同我msn，話我知原來佢都有用google adsense，問我已經有幾多錢？？？
- Jun 22 Fri 2007 22:16
變黑媽媽
繼端午節正日同卓希去咗沙灘後，今日又係一個勁晒日，因為係心光一年一度的水運會。唉！我都唔明，點解年年都要我做司令台，今年d班主任仲可以只係落嚟一半的時間，其餘時間可以係教員室到做嘢，但係我哋負責司令台的，就無依支歌仔唱，由頭帶到落尾(唔公平)
！！！！！命到無！！！！！我有同負責的同事事前反應過的，不過佢都唔係點聽我講嘢就一輪嘴咁自己講，見到咁的情形，連佢無講的我都唔想講，態度好差！
！！！！！命到無！！！！！我有同負責的同事事前反應過的，不過佢都唔係點聽我講嘢就一輪嘴咁自己講，見到咁的情形，連佢無講的我都唔想講，態度好差！- Jun 20 Wed 2007 22:14
空堂 = 做c
雖然今日係星期三，但感覺就好像星期一似的，因為剛剛昨天放咗假麻！
今日懷著開心的心情返工，因為今日係上星期五課節，逢星期五我沒有堂，所以全日空堂就係用嚟做我的文件。先先係要入平時分，我儲埋儲埋一次過入，原來都好“金”的。小學就容易好多，但係中學就煩到c，又要找哂佢哋的project出嚟，又要睇番每個e-mail所給的評分(心光中學部交功課係用e-mail的)，我本來諗住一小時可以完工，點知做做下又有電話，做做下又有人找我，足足做咗成兩小時零三十分鐘才做完！腰都痛埋！出年都唔好咁做啦，我今個學期諗住一次過，點知原來咁“金”的。
今日懷著開心的心情返工，因為今日係上星期五課節，逢星期五我沒有堂，所以全日空堂就係用嚟做我的文件。先先係要入平時分，我儲埋儲埋一次過入，原來都好“金”的。小學就容易好多，但係中學就煩到c，又要找哂佢哋的project出嚟，又要睇番每個e-mail所給的評分(心光中學部交功課係用e-mail的)，我本來諗住一小時可以完工，點知做做下又有電話，做做下又有人找我，足足做咗成兩小時零三十分鐘才做完！腰都痛埋！出年都唔好咁做啦，我今個學期諗住一次過，點知原來咁“金”的。
- Jun 19 Tue 2007 21:40
游龍舟水
我咁大個人，都未試過端午節正日去沙灘游水，但係今年就真的破例啦！(都係為咗個仔啫！)
一早，卓希就“倒塔”咁早，都未夠六點就起身啦！但係我哋未咁快可以出得門口，因為要等堂家姐先可以出得，佢哋又訓到成八九點先起身。
- Jun 10 Sun 2007 23:13
充實
Naughty相- Jun 08 Fri 2007 20:17
迷彩吉普車
- Jun 07 Thu 2007 21:41
又sick leave
繼上星期五血壓高事件的sick leave後，今個星期又要請假了。(我哋老細就最唔鐘意人請病假) 我昨天晚上都無乜點訓過，因為條氣好緊，hehehaha咁，訓唔得底。成晚都只係挨住係床邊，所以今日真的頂唔順，返唔到！
醫生就一定要睇的，本來想去九龍灣個間護理診所到睇，但係已經full booking。因為依個病都係長遠的問題，次次睇私家就真的好“溶”。本來已經book到觀塘的賽馬會診所晚上七時正有得睇，不過卓希爸話怕我要等成幾個鐘，醫生又會唔細心。是但地快些係樓下睇洪醫生(其實我想去旺角睇黃醫生，不過佢好難book同我好攰，唔想出去！)，等我可以有葯食，個人快些舒緩d先。另一方面，我都已經book咗東區醫院的耳、鼻、喉專科八月睇！
咁好啦，去睇洪醫生啦！佢一聽我的背部，就話：「日頭你都咁的聲，晚上你咪仲利害？」係呀，終於有人會咁樣問我啦，都算係體會到我的感受！佢話我要食五日的激素，無法啦，要廣張條氣管的方法係咁啦！我本來諗住請佢幫我寫張今日的請假紙，係我咪出聲之前，佢已經主動話一定要我休息兩日。咁好啦，好彩我昨天係心光拎哂夏令營及110感恩崇拜的files回家，因為係想昨天返學時，一路聽一路做，但最終都係無時間做！
所以呢，雖然今日係病假，不過我都好努力咁去整夏令營本營刋，都已完成80%，仲有最重要的分組未做得住！我今日係到諗，如果有份工，可以有依家的payment，又可以好似今日咁係屋企到完成的話，就好好啦！最主要係可以陪住隻豬隻麻，好似下午d葯力發作攰時，又可以同卓希去訓晏覺，而又唔會影響到工作的進度，你話幾好呢？(阿太，發夢都無咁早！)
醫生就一定要睇的，本來想去九龍灣個間護理診所到睇，但係已經full booking。因為依個病都係長遠的問題，次次睇私家就真的好“溶”。本來已經book到觀塘的賽馬會診所晚上七時正有得睇，不過卓希爸話怕我要等成幾個鐘，醫生又會唔細心。是但地快些係樓下睇洪醫生(其實我想去旺角睇黃醫生，不過佢好難book同我好攰，唔想出去！)，等我可以有葯食，個人快些舒緩d先。另一方面，我都已經book咗東區醫院的耳、鼻、喉專科八月睇！
咁好啦，去睇洪醫生啦！佢一聽我的背部，就話：「日頭你都咁的聲，晚上你咪仲利害？」係呀，終於有人會咁樣問我啦，都算係體會到我的感受！佢話我要食五日的激素，無法啦，要廣張條氣管的方法係咁啦！我本來諗住請佢幫我寫張今日的請假紙，係我咪出聲之前，佢已經主動話一定要我休息兩日。咁好啦，好彩我昨天係心光拎哂夏令營及110感恩崇拜的files回家，因為係想昨天返學時，一路聽一路做，但最終都係無時間做！
所以呢，雖然今日係病假，不過我都好努力咁去整夏令營本營刋，都已完成80%，仲有最重要的分組未做得住！我今日係到諗，如果有份工，可以有依家的payment，又可以好似今日咁係屋企到完成的話，就好好啦！最主要係可以陪住隻豬隻麻，好似下午d葯力發作攰時，又可以同卓希去訓晏覺，而又唔會影響到工作的進度，你話幾好呢？(阿太，發夢都無咁早！)
- Jun 06 Wed 2007 22:12
條氣唔順
條氣真的唔順，唔係給人激親個隻(日日都俾人激啦，我已經睇化咗好多)！係真的氣管收窄，好難呼吸個隻呀！
昨天晚上，我同卓希爸都輪流吸ventalin了，唔知係咪天氣成日轉嚟轉去，攪到身體咁差。我今日講嘢都唔係好夠氣，但係又唔想請假，因為我今日有成六節，仲有一節係同同事對調的，所以如果有人代我的話，真的好“金”！(第時代番課，仲“金”)而且今天有兩班中學要上，下星期就已經係最後一堂聖經堂，一定要趕埋又講埋d課程！
今晚我都好想唔返學，但係嗰d咁的“之”“乎”“這”“也”，好難，唔番就唔識，點知返咗都係唔識，考試點算呀？
昨天晚上，我同卓希爸都輪流吸ventalin了，唔知係咪天氣成日轉嚟轉去，攪到身體咁差。我今日講嘢都唔係好夠氣，但係又唔想請假，因為我今日有成六節，仲有一節係同同事對調的，所以如果有人代我的話，真的好“金”！(第時代番課，仲“金”)而且今天有兩班中學要上，下星期就已經係最後一堂聖經堂，一定要趕埋又講埋d課程！
今晚我都好想唔返學，但係嗰d咁的“之”“乎”“這”“也”，好難，唔番就唔識，點知返咗都係唔識，考試點算呀？
- Jun 05 Tue 2007 21:42
好咗少少
今日卓希又係單獨同姐姐一齊，表現好過昨天少少，喊都係少咗少少，不過都係試緊姐姐的界線！
下午我要外出開會，點知今日好快開完，就飛快咁返屋企，原來爺爺嚟咗！爺爺怕卓希訓醒後會喊，就一時多已經過嚟屋企，當佢入屋時，卓希剛好醒咗，可以同爺爺玩車車！
之後我就同卓希去咗新開的mega box，以為嗰個兒童天地開咗，原來唔係，八月先開！只有廖廖可數的店舖開咗，但我幾喜歡那間sportlight的店舖，有好多不同的貨物！尤其是有好多小朋友的物品，第時唔使週圍走找啦！
今晚要開工做功課，仲有兩個星期就要交啦！(另外一提，卓希爸入房見到我的樣都叫絕，雙手正在打功課、雙腳在浸 ，仲可以面上有水份mask，一個時間，做足三樣嘢，仲好過kinder出奇蛋的三個願望！)
後記：直到十一時半為至，共做了千七字，但已無靈感繼續那千三字，只好等下一次有機會卓希早訓，又唔使返學返工的晚上再做！
下午我要外出開會，點知今日好快開完，就飛快咁返屋企，原來爺爺嚟咗！爺爺怕卓希訓醒後會喊，就一時多已經過嚟屋企，當佢入屋時，卓希剛好醒咗，可以同爺爺玩車車！
之後我就同卓希去咗新開的mega box，以為嗰個兒童天地開咗，原來唔係，八月先開！只有廖廖可數的店舖開咗，但我幾喜歡那間sportlight的店舖，有好多不同的貨物！尤其是有好多小朋友的物品，第時唔使週圍走找啦！
今晚要開工做功課，仲有兩個星期就要交啦！(另外一提，卓希爸入房見到我的樣都叫絕，雙手正在打功課、雙腳在浸 ，仲可以面上有水份mask，一個時間，做足三樣嘢，仲好過kinder出奇蛋的三個願望！)
後記：直到十一時半為至，共做了千七字，但已無靈感繼續那千三字，只好等下一次有機會卓希早訓，又唔使返學返工的晚上再做！
- Jun 04 Mon 2007 22:33
個心痛到“拿住”
今日係卓希第一日同tunt姐姐係屋企，我同卓希爸昨天已經開始有少少担心，因為依個仔真的唔易湊！
今日返工，一上網睇隻豬仔，已經同緊tunt姐姐“玩過”，佢要幫忙拖地，但係姐姐就唔俾(因為dirty麻)！然後我見到就打返屋企，隻豬仔聽完電話後，我叫佢俾姐姐聽，佢點都唔肯，cut我線。咁我只好再打過，打咗成十次都有！次次都係豬仔希聽，我都見姐姐係電話旁，佢都唔聽，要豬仔聽完再交給她，咁豬仔咪扭計大吉囉！
好難先挨到隻豬仔訓晏覺，醒咗後，又扭過，今次我忍唔住，叫卓希爸請爺爺過嚟同卓希玩！果然，佢無再喊啦！其實唔係佢唔接受姐姐，係唔習慣兩個人單獨咁同姐姐一齊。我晚上返到屋企後，姐姐話卓希係訓晏覺時係咁叫：「ee、ee！」
學嫲嫲話齋，都要成十日八日先至習慣，聽到卓希喊，我個心痛到“拿住”。好無助，又好想幫姐姐，但係又幫唔到！唉！做亞媽真難！
今日返工，一上網睇隻豬仔，已經同緊tunt姐姐“玩過”，佢要幫忙拖地，但係姐姐就唔俾(因為dirty麻)！然後我見到就打返屋企，隻豬仔聽完電話後，我叫佢俾姐姐聽，佢點都唔肯，cut我線。咁我只好再打過，打咗成十次都有！次次都係豬仔希聽，我都見姐姐係電話旁，佢都唔聽，要豬仔聽完再交給她，咁豬仔咪扭計大吉囉！
好難先挨到隻豬仔訓晏覺，醒咗後，又扭過，今次我忍唔住，叫卓希爸請爺爺過嚟同卓希玩！果然，佢無再喊啦！其實唔係佢唔接受姐姐，係唔習慣兩個人單獨咁同姐姐一齊。我晚上返到屋企後，姐姐話卓希係訓晏覺時係咁叫：「ee、ee！」
學嫲嫲話齋，都要成十日八日先至習慣，聽到卓希喊，我個心痛到“拿住”。好無助，又好想幫姐姐，但係又幫唔到！唉！做亞媽真難！
- Jun 03 Sun 2007 21:18
個人wing wing下
食完d葯後，個人成日都昏昏欲睡！今日我已經點都唔起身，訓到成八點(卓希今早六點半已經起咗身，就由卓希爸去social佢！)我都成個人軟哂，不過都頂硬上返教會。下午卓希訓，我又訓，仲訓得耐過佢！！！
c啦！明天要返工，點算呢？食埋明天的葯就無啦，但係真的令人好攰同昏昏欲睡咁！明天仲係我講早會添，會唔會講講下都唔知自己講咗乜呢？怕、怕、怕！
激c我啦！卓希昨天成功地係廁所痾大大，但係今日又係番條褲仔到痾啦！點會咁架？革命仍在努力中！
c啦！明天要返工，點算呢？食埋明天的葯就無啦，但係真的令人好攰同昏昏欲睡咁！明天仲係我講早會添，會唔會講講下都唔知自己講咗乜呢？怕、怕、怕！
激c我啦！卓希昨天成功地係廁所痾大大，但係今日又係番條褲仔到痾啦！點會咁架？革命仍在努力中！
- Jun 02 Sat 2007 22:28
mormor 生日快樂
今晚我哋一班人預祝mormor生日快樂，因為mormor4號定5號要返芬蘭(我真係無乜良心，唔記得個日期)，所以我哋就係好早期約咗今晚出嚟食飯！我哋去咗依間YWCA的餐廳食嘢，又真係幾好味！依間嘢係又一村的男童院隔離(唔使怕，男童院已經關閉咗啦！)，上星期morfar同我講去依到食嘢時，我都話唔識去，係又一村讀咗書咁多年，都唔知有間咁的嘢！原來已經有成四十年！佢哋今晚仲笑我，我話又一村，我只係識返學同放學，同埋個時係搭校車，識鬼又去依到又去嗰到咩？
依個就係卓希的兒童餐，都好豐富的，卓希食到 
，到最後都係morfar同mormor的狗幫忙(帶返去給牠們食)，大家都好開心，卓希都乖乖地座到兩小時！(時間上已經短過上次食法國菜啦！)
- Jun 01 Fri 2007 20:29
原來係個鼻作怪
睇咗醫生啦，我都諗自己無咁快會有遺傳病啦！不過今早的血壓都有成146/91，係診所到量都係140/90，我book唔到旺角的耳、鼻、喉專科，只好睇樓下新開的洪正煌醫生。佢話因為我的鼻腔腫哂，影響到成個頭，所以又頭痛，又頭暈，不過應該唔關眼花事！佢話如果控制得好我的鼻敏感，咁d血壓就會自然地落番的，所以佢話唔使食降血壓藥。
所以依家最先要做的，就係日日都要spray我的鼻，然後又要check住d血壓，睇下係咪會好d！食完第一次葯之後個半小時，血壓真係底咗138/78！晚上食完飯返屋企後，一量 ，嘩！跌到落129/71，頭都無痛，唔通今次依個洪醫生真的好點？
今日又突然多咗一日sick leave，其實我都唔係好想放，因為枱面有好多嘢要做同跟，及之前幾個月我都無開，因為唔係出去開會，就係去咗聽研討會。不過我個鼻唔爭氣，係咁流鼻水，d敏感又整到雙眼都唔係點開到，所以都係乖乖地係屋企到休息下！
所以依家最先要做的，就係日日都要spray我的鼻，然後又要check住d血壓，睇下係咪會好d！食完第一次葯之後個半小時，血壓真係底咗138/78！晚上食完飯返屋企後，一量 ，嘩！跌到落129/71，頭都無痛，唔通今次依個洪醫生真的好點？
今日又突然多咗一日sick leave，其實我都唔係好想放，因為枱面有好多嘢要做同跟，及之前幾個月我都無開，因為唔係出去開會，就係去咗聽研討會。不過我個鼻唔爭氣，係咁流鼻水，d敏感又整到雙眼都唔係點開到，所以都係乖乖地係屋企到休息下！
- May 31 Thu 2007 22:23
血壓高
唔知係咪自己d眼攰，依兩晚d眼都好似見到萬花筒的影咁，完全唔能夠集中係電腦到睇嘢！今晚又係咁，我今晚係心光，想集中精神寫埋星期一的講章，都唔能夠睇到，只好去找一找崔姑。佢一聽到我的情況，就問係咪血壓高？E，有可能，因為我近來一個星期，日日都有量血壓(係惠康到換個嗰)，近來血壓比起懷孕時係高咗的。嘩！今晚一量，就嚇c人，157/104，同事仲同我講笑，係咪啱啱同班學生開完會，俾佢哋激親？咁我又唔知，只係知道自己成晚頭痛，頭暈，又眼花！明天一定要睇睇醫生先，不過都唔知睇邊個好，樓下啟業村嗰個我覺好無料到，柴灣又遠咗d，最好就係旺角耳nose喉黃醫生，但係佢好難book，未必可以即日book到！
講起血壓高，我家族都有依個遺傳病，爺爺嫲嫲都有，所有我爸爸、大伯、姑姐們，個個都有血壓高，我都諗自己一定走唔甩。不過又無諗過會咁快就有，我仲想生多個小朋友添，點算呢？
- May 30 Wed 2007 22:26
好味
話說我的blue berry cheese cake的賣相唔係咁好睇，同事們享用之前都評論一番！
不過到真係放入口食時，又真的好好味。唔係我自己一個咁講，連我的同事都係咁講，超開心，原來第一次整cheese cake都已經成功咗一半啦！等我日後有時間才再整過，不過下星期開始我要閉關做功課啦，所以都要隔一段時間才有得再食！
- May 29 Tue 2007 22:21
又整餅
返到屋企，好好好好想學人整cheese cake。以前係網到見到好似好容易整的，一直都好想整，但係日日返到屋企都好攰。有時間都係星期二，但係星期二芳ee早走，無人幫到我(尤其是洗碗)。依家有tunt姐姐就好啦，我整到幾亂都好，有佢幫我執手尾！
在網上所找到的藍苺芝士糕餅食譜！(人哋張相都靚好多，不過我怕落咁多jam會好甜，但係個樣就唔靚！)
我的手工如何？？？
在網上所找到的藍苺芝士糕餅食譜！(人哋張相都靚好多，不過我怕落咁多jam會好甜，但係個樣就唔靚！)
我的手工如何？？？
廚藝“棒” (5)
