今日係手術前哮喘科覆診, 好重要, 因為要睇我條氣可唔可以做手術, 醫生加咗醫給我, 話應該可以的, 希望順利啦!
我的藥庫!
目前分類：靚太數生活 (646)
- Apr 19 Thu 2012 10:43
哮喘科覆診
- Apr 13 Fri 2012 10:56
馬騮仔
兩隻馬騮仔仲放緊假(再一次講, 唔公平), 晨早起身就玩, 真係可愛史 !
- Apr 11 Wed 2012 11:00
結婚紀念日
今日係象牙婚 Today is our Ivory wedding day !
不過, 無得慶祝之餘, 仲要返成日工, 真的很可惡 !
- Apr 09 Mon 2012 11:03
祝我生日快樂
今日我生日, 無特別大事慶祝, 去食自助餐 !
跟著帶兩個小朋友入公公婆婆屋企, 佢哋要去過夜, 我哋兩個就上咗飛篤山, 只希望我兩永遠都恩恩愛愛。
- Feb 16 Thu 2012 23:37
brother 退役
今日好忙，聽完個研討會會後返到屋企，婷婷妹妹就拎咗份功課出嚟，梗係又係家長做啦！係電腦到幫佢做做吓時，點知個brother printer無哂墨，唔肯郁，為有漏夜走去德福到配墨。
係卓希上咗小一後，由於我成日都要印練習過佢週未做，所以用咗好多墨，老公話我咁印法，其實最好就係用laser printer，我知，但部brother又郁得，真係唔想用錢再買，由得佢挨住先！
點知，去到德福到，問咗都係無哂墨，想挨住都唔得，把心一橫，點都要買過部printer，就買啦！係咁，我哋又由brother轉番做hp的客仔，真係print得好快及好靚！(不過就無得fax)
部brother我無浪費到，拎咗去俾校友部同事，佢哋部printer都係時日無多，希望佢哋配到墨後又可以郁得番啦！
- Jan 26 Thu 2012 22:56
初四
今日已經係龍年的年初四啦，但係我一點動力去寫BLOG都無，連最鐘意的影相，都無！依個假期都未拎起過部單反機，唔通我有問題？非也，係屋企芬蘭親戚到香港結婚煩到我不得了，晚晚都要同媽媽吵過先安樂，連年初一都吵過，所以我同佢話，我封嘴！唔好話我唔同個女仔建立好的關係，而係我唔出聲，免得話我句句都唔啱！
唉！無MOOD！
- Jan 23 Mon 2012 23:07
龍年大年初一
祝大家新年快樂，主恩滿溢！
- Jan 12 Thu 2012 22:52
消耗體力的一天
唉！自從卓希豬上咗小一後，我的世界就只有兩樣嘢，返工，返屋企跟功課、默書、測驗及考試。到自己可以坐到埋部電腦時，就完全無哂電，又點會寫到BLOG，但係個心成日都好掛住，真係好想有系統地記錄所有嘢！
本來今早我哋三個福音事工部同事要去開南區教牧同工會，但昨晚臨時收到電話，我開唔到會了，要返心光處理埋下星期115感恩崇拜事情。又係趕呀，趕！跟住我就約咗光龍，交嘢給他之餘，車埋佢過海。
我先泊番好車係九龍灣，然後要去做婦科CHECKING，近來小肚以下位置痛的次數多咗，都係時候要去睇睇，今日睇番RECORD，係三年前生完妹妹後睇過，跟住就無啦。
睇完醫生後，我才食今日第一餐，但就出事啦！
話說我由星期六開始，個肚都成日痛，然後又肚痾，唔多，每日兩至三次，昨天好些，只是一次。滿以為好緊，點知今日食完咁簡單又健康的一餐後，肚子在半小時後立即痛，係咁去洗手間，好彩，我係行慣街的人，洗手間方向立即知道！
返到屋企，都仲有痾，同埋今日仲有想嘔的感覺，唉，年紀大，機器壞，真係好離譜的話，請假都要去睇醫生！
今日我都有收穫，睇完醫生後，又去完洗手間後，去咗買一樣我諗咗好耐的嘢，就係美容儀器。我已經無去美容院做面部保養好耐，由有卓希開始，只是間中去一兩次，一嚟貴，二嚟真係無時間，三嚟有咗兩件小朋友後，都無乜多餘錢用嚟自己花，所以決定買！
la mente g7
藉人體耳朵聽不見的高周波震動，對肌膚進行有效保養。雖然聽不見，但係我每次做到個鼻時，都會感受到電流的，就像以前去美容院做一樣！
離子導出後，由部機幫助去除角質，以及殘留在肌膚的髒物，深層過peeling。
用咗白色的紙巾對比，嘩！真係好dirty！
依部機仲可以有紅外線，提升及收緊肌膚！我要多些做！
- Dec 25 Sun 2011 20:43
大收穫
今年聖誕節，兩個小朋友大收穫，有好多聖誕禮物，感謝天父，兩個小朋友真係多人錫！
我同老公，就只有以下幾樣嘢，真係越老就越無乜禮物添！
P.S. 好忙，返工又忙，放工又忙跟卓希功課同默書測驗，好耐都無寫BLOG，今晚要試追番寫，真係攞命！
- Dec 24 Sat 2011 21:48
平安夜
一如以往，平安夜都係去爸媽屋企，不過今年唔係咁開心，因為同媽媽有吵嘴，唉！真係難服事！
爸爸個樣係咪有孫就萬事足呢？
人人話如果我係埋依張相到就PERFECT，但係我寧願做影相嗰個囉！
兩個小朋友幫MORMOR手派禮物！
祝大家聖誕快樂！
- Dec 22 Thu 2011 21:58
冬至
今日冬至都要返工，因為超超超多手尾要跟，唔做的話，一月返到工就會死得，而且有幾個週會表想係下星期開會前整咗佢，開會時用的！
咁兩個小朋友又鐘意去心光玩，成個心光都無哂學生，連七日宿嗰D都走哂，兩個小朋友+工人姐姐成日都係四樓到玩，仲話唔願走添，激死！
┏┯┓┏┯┓┏┯┓┏┯┓┏┯┓┏┯┓♥(\ /)
┠大┠┨家┠┨冬┠┨至┠┠快┤├樂┨ღ( . .)ღ
┗┷┛┗┷┛┗┷┛┗┷┛┗┷┛┗┷┛c(”)(”)
…♪♫•.•°*°•.¸¸. ♡ ℒℴve ♡ .•°*° ♪♫•*¨*•.¸¸♪♫
- Oct 22 Sat 2011 22:48
路過
自從我學會用BLOG後，都未試過好像現在一樣，日日都沒有UPDATE！無他的，卓希升上小一，一放工回家，便跟功課，跟默書，跟測驗，然後便是預備兩個小朋友帶返學的茶點。到他們兩個真的睇了後，都已晚上九時半，我在網上走遊列國，十時或十時半便會上床，人老了，體力不足，就只好放棄寫BLOG，把一切深深的藏在心裏。
工作還是一樣，學生還是那樣難攪，尤其是外讀生，名乎其實的“無王管”，被我話一兩句便發脾氣，發囉，我覺得他們到了一個是非黑白不分的地步，他日一定會受到教訓！同事呢？這正是我近來煩惱的問題，我發現了有同事在工作時數上對機構不忠，已多番明示又暗示，真的望佢會“回轉”，希望佢會明白，大家都係基督徒，要有好的見證，為何要咁做呢？這個有關“正義”的問題，令我想起了“包青天”，以前剛從瑞典回來時，剛開始無記和亞記的包青天大戰，得益的咪我，因為問題困擾著我，我便上PPS到找包青天劇集看。原來2010又出咗一套新的包青天，係咁追追追，追完後，又有新問題，現代社會，還有沒有這樣“正義”的人？唉！只怪我係一個工作狂，事事都太上心，今年我已學會放開些，但，良心又在叫我啦！
另外呢，卓希上咗小一後，星期一至五真的與世隔絕，要跟功課，默書測驗接種而來，真係替他辛苦。但如果唔同佢溫，我又好有自責，無盡媽媽的責任教好佢，所以今日星期六，佢都係屋企做做做，溫溫溫。我好唔想，週未其實係要外出去玩，為何變成咁呢？咪就係香港的K型教育制度！卓希剛派了是次測驗成績，中文83分，數學77分，英文89.5分。真的不過不失，但也令到我不得不去書室買練習要佢做！POOR CHILD！
今日同卓希溫書，佢都好忟，但在小休時，佢突然寫張紙條給我們，佢真係好可愛呀！
晚上頂唔順，一定人去咗淘大食飯，溫書溫得多，要去見見世面！晚上係咁影練習給卓希，因為我明天要返工，同唔到佢溫書，只要用練習操佢啦！
- Oct 14 Fri 2011 21:27
眼瘡
今早起床，右眼劇痛，已換好哂衫，執好哂袋，預備送完妹妹返學後，自己就要返十點。但真的痛到連眼都睜不開，只好乖乖的去睇醫生，原來左眼有一粒(我一星期前已知，但唔痛，不過就載唔到CON，因為令到個CON係眼球到係咁郁)，右眼有兩粒，滴眼藥水時(濾固醇)痛到我係床到殿呀！
我成個人個底太熱啦，連眼都生眼瘡，以前從未試過，年紀大咗後，乜都有得我試！
- Oct 01 Sat 2011 21:19
FIREWORK
由屋企氣窗影出去，就可以見到少許煙花，希望啟德起好公屋企後，都仲可以睇到！
- Sep 24 Sat 2011 21:11
MEGABOX
卓希係學校的興趣班，選擇咗畫班及足球，星期四係第一次上足球班，回家後，他問可否買一對在草地上用的足球鞋。因為學校會到石埉尾的草地足球場訓練，咁又係的，在草地上跑又應該用有釘的鞋，所以我哋去咗MEGABOX到買。佢楝咗好鬼耐，佳因有魔術貼的釘鞋無佢SIZE，只有綁帶的，但問題在於他不會綁帶，無法啦，都係要一雙綁帶的，依幾日要加緊訓練綁架呀！
MORMOR MORFAR為咗要見兩個孫，就到MEGABOX JOIN我哋，一齊去食KOREAN BBQ，幾好味，但食完後好口渴，我返到屋企仲係咁“痾”，即是D嘢肥膩啦！唉！痾到我無哂力水咁上床！
- Sep 23 Fri 2011 21:21
淘寶精又出動
一早起身，有個小朋友一聽到歌，牙都未刷，臉又未洗，尿都未痾，就係咁敬拜，笑到我肚痛！一敬拜完心愛的詩歌，就再懶過床，服！
淘寶精今次淘到：鈦鈴、水潑、雨擋、沙板等！誇張！預備幫我的座架嚟一個小番身，用咗架車大大話話都十年，十年來除咗幫架車打立外，真係無理過佢的外表，都係時候整少少嘢，雨檔又壞咗，車鈦又開始光頭，機油又要換。唔整的話，我成日係公路到飛奔，怕有一日係公路到“死火”我就真係死火了！
- Sep 03 Sat 2011 21:37
廿四考阿媽
今日的時間，全都俾哂對仔女，無法啦，星期一至五全都俾哂心光，返到屋企佢哋八時半就上床訓，星期六及日係要盡自己本份啦！
卓希仲同豆B一齊學緊游水(九龍公園)，所以一早出咗去，不過今日我哋三個唔游啦！去咗中港城到坐，傾吓電話，睇吓街！跟住就去咗海港城同豆B一家食飯，天父的安排真係好奇妙，我哋兩家不經不覺都識咗六年，仲係六年友誼未變(兩個小孩)，真係好開心！
去到海港城，嘩！我都係咁大個女第一次咁近距離見到咁大架戰艦！
下午返到屋企，我同妹妹兩個倒頭就訓咗，我真係好攰呀！跟著又係整餅餅的時候，好開心，兩個小朋友一見到，就知係邊個位要幫手啦！YEAH！
Double chocolate cookies and Almond chocolate cookies!
同一個底(一雞兩味)，可以加兩種唔同的味道！
今次整依個係好容易，但係就整好後，要放入冰格到最少兩小時先可以拎去焗，妹妹成日問：D餅餅得未呀？真係煩到嘔哂電！
- Aug 19 Fri 2011 20:29
不停地出汗
未放假前，我已經成日成身流好多汗，係由頭直流到背，BOOK中環的婦科，幾次都睇唔到，唔係我突然有事，就係佢突然要做手術，今晚又係不停咁流汗，又係食唔落嘢，剛經過樓下的中醫，佢把脈之後，就話我係「陰虛盜汗」，肝火盛，唉，晚晚都訓唔到，點會唔心火盛呀，要調理身體呀！
陰虛盜汗
盜汗叫盜汗，是因為它總在你睡覺後出現，好像有個小偷把你的汗水盜走。它最常見的病因，是陰虛。身體最忌陰陽不平衡，陰虛的意思，是「陰」的一方弱小了，「陽」的一方相對地過於壯旺，這種病態， 中醫叫「陰虛火旺」。
火旺，身體裏的津液受熱，被逼從皮膚流溢出來，便成盜汗了。陰虛的人，也不難辨認，他們一般比較煩燥，手心腳心發熱，臉上兩顴發紅，甚至中午後會潮熱。醫治盜汗，中醫常常滋陰，效果也是藥到病除。
童來把脈﹕治盜汗須清熱
文章日期：2009年12月9日
【明報專訊】中醫將排汗過多的毛病統稱為汗證。一般來說，汗證可以分為自汗和盜汗兩大類。
自汗小童怕凍臉色青黃
晝夜皆不停地出汗的就是自汗。根據筆者經驗，小兒自汗的主要原因是過量用發散類藥物或是大病後耗損了氣，氣不足、虛了，便不能管理腠理毛孔開合而導致自汗；此外，由於氣還有溫煦身體的功能，自汗後氣隨汗液不停外泄，形成一種惡性循環，因此患有自汗的小朋友會較為怕風怕凍，甚至觸摸他們的皮膚時會覺得冷冷的。與此同時，他們的臉色會青青黃黃無光澤，而且胃口差，有精神不振等氣虛症狀。中醫治療自汗重益氣固表，牡蠣散便是一條專門治療此病的方子。
盜汗是指睡眠時出汗，醒後自動停止的一種疾病。雖然這是它的定義，但我們總不能硬邦邦的理解為只有睡覺時才出汗，日天一點汗也不出，這是不合現實的。 其實盜汗患者跟平常人一樣，白天亦會出汗，不同的是，他們在睡覺時比平常人出汗多。當然，在確診他們患有盜汗前，我們先要排除出汗的原因是睡覺時穿著過厚衣服或蓋厚被子所致。
衛氣與內熱相爭致盜汗
筆者相信很多讀者都曾聽說過盜汗，亦有不少朋友知道它是由「陰虛火旺」所導致。因為年長一輩又或是某些書本上也是這樣說的，但這個我們不能一概而論。由於在臨上，我們觀察到一些不屬「陰虛火旺」的人亦出現盜汗徵狀。雖然如此，大部分的盜汗仍是與體內有積熱相關。筆者便曾治療過一個因飲食積滯內停，日久而化熱所引起的小兒盜汗病例。早前我亦曾提到在出汗時，體內陽氣會隨汗液從內而外透發，因此排汗能調節體內陽氣的多寡。假如體內有積熱，身體便會通過排汗來調整，達到陰陽平衡，但為什麼有些內熱的人睡覺時才出汗？中醫學認為睡眠時本身運行在身體表面的陽氣（中醫稱之為衛氣）會進入體內，當內在的積熱與衛氣相遇、相爭時，便會形成體內陽氣增多的局面，這種熱能會蒸發津液外出，導致盜汗。
- Aug 07 Sun 2011 21:35
35度高溫下，我哋居然...............
今早返咗教會後，係35度高溫下，我哋居然由青衣碼頭，步行籌款，要行到去長發村個邊嗰個公園。LUNCH的時候，老公已經係咁UM UM UM UM UM 我，話我唔應該帶小朋友去行，捐錢就算，但係我又覺得要小朋友都可以參與麻，如果唔係佢哋都唔知發生乜嘢事！
真係好曬，唔係太多陰的地方行，妹妹又扭眼訓。行到一個有陰的地方後，仲有兒童遊戲設備，我便同牧師講，讓小朋友們在這裏玩一會兒，等他們返轉頭吧，太曬了！
就這樣，我們在陰地等他們，唉！原來係在長發那邊解散，好彩牧師師母都回來找我們(因為牧師個仔同卓希芍婷一齊玩麻)，跟著就一班人走咗入去青衣城到“過冷河”！
我好希望，係我能力可以的情況下，都多些參與教會的活動，尤其是現在是暑假，我的時間許可，一開始返工，星期日的下午是用來預備屋企的用品及食物，就沒有機會參與了！
另外，也想小朋友們多些參加教會的活動，真的，主要只是三個小朋友：牧師個仔、卓希及芍婷。希望他們能多些彼此的交流，一起成長！
- Jul 29 Fri 2011 22:33
預備去旅行
明天我哋一家就會去沖繩自由行五天，每日執少少，今晚終於要執好，但係唔知點解今年的行李少過去年的呢？
廚藝“棒” (5)
