港楊回憶，樂趣無窮！

同老公約好今晚要去拍拖，卓希同學的媽媽介紹BABY BAMBOO的APPS給我，係無意間見到好似好底咁，$138食佢平時值$380的放題，咁咪兩個人去試吓囉！

好味是好味過松屋，但係限制多多，又唔可以一次過點多些，跟著就俾我哋發現有受騙的感覺！

原來我們所團購用的點菜紙和原價的大大不同。事緣我們快走時，隔離枱來了兩位小姐，侍應兩張點菜紙都拿在手裏，一聽見是放題而不是團購，便伸那張成五十多種菜色的紙給他們TICK。但明明廣告團購中是這樣寫的：「【洗心革面之作，絕不超賣】$138歎「乾杯串燒居酒屋」兩小時和風燒烤放題(原價$380)，數十款烤肉、海鮮、素菜任你食，加送特選拼盤1份。」寫明$138食平時$380的嘢，但居然係有咁的分別，雖然我未必食得哂五十幾道菜色，但他們這樣寫廣告便是有騙人的感覺。

卓希今次成績單全5，只有兩個4，妹姝成績單又係全5，兩個4。​所以係反嘔城選戰利品。老公又獎自己一個columbia背包，​不過唔知為要飲泡泡水。

今日雖然係父親節，但我哋過得出其地平靜！因為老公兩天前被我傳染，正在康復中，而我又啱啱好番，同埋經過咗昨天咁多節目，身體真的很疲倦，要休息休息！也正因為老公未好番，連平時會去爺爺家食飯也不去了，免得傳染給別人的孩子。

返完教會之後，就做我們平時一慣做的節目：食飯→買餸(係阿，星期日全家出動部我買餸的！)→日本城睇玩具→惠康幫屋企入貨→我同卓希去美心選咗一個父親節蛋糕給老公。

雖然今天過得平淡，但很開心一家人齊齊整整！

昨晚已經好唔點，食咗藥，陪訓(因老公洗澡)，自己走去細房到訓，唔知係咪飲咗支葡萄適EXTRA(因我覺唔係好有體力)，點知就慘啦，成晚訓唔到，身體係包藥物令到我郁唔到，但係精神就超精神。我係咁合上眼，但成日醒，最後一次睇鐘係半夜三時半，成晚到右邊個鼻好唔點，早上起來，左眼左鼻停哂水，輪到右眼右鼻，OHHHHH NO，要我病到幾時？

所以今日成日都同右眼及右鼻打過，最慘係口罩不離身，小朋友們今日下午開始在家，我一定要帶口罩。唔帶呢，個鼻就無咁痕，帶呢，口罩有好多毛毛，整到我個鼻好痕，係咁噴嚏，一噴嚏就眼水都出埋，今日“唉”咗好多次！

我要自我同小朋友們隔離，最好的就係佢哋係廳，我就係大房，佢哋係大房(妹妹就最鐘意係大房到懶床)，我就要係細房到自閉。係佢哋返屋企時，我已同佢哋講，唔好咁近我，未完全好番，但係小朋友真的熱情到不得了，尤其是卓希，佢由細到大都癡身咁同你講嘢。試過好幾次我真在打噴嚏或呻鼻水時，卓希一定要行埋嚟講嘢而被我一手推開或用腳頂住唔被佢過嚟，原因係我病好過佢哋病！我知道咁樣拒絕佢真係好慘，但我都要表明依家係一個好嚴重的事情，唔係講玩。妹妹就見到唔對路，唔會唔聽話，佢識得係同我一段距離後先傾計，都試過佢叫我KISS佢，但係我話媽媽唔舒服，唔KISS佢住！連食飯，我都由得佢哋食先，我做食最後嗰個。

下午老公來SMS，話佢都鼻水長流，死啦，雖然依幾日無對住佢KISS KISS，但係小朋友訓咗後，我會除咗個口罩係屋企同佢講嘢，唔通佢被我傳染咗？OHHHHHH NO，依家D菌真係好利害，連大人有抵抗力都真係頂唔住，點算呢？

今晚，我又自我隔離，訓係細房，希望在明天，我應該會OK的，但係老公同兩個小朋友同房又同床，尤其是佢又唔BUY我個套自我隔離的做法，隨時都會交义傳染，點算呀！

昨晚我在細房自己一個人訓，好耐無一個人訓，超舒服！

今早人好多了，眼水鼻水都少了好多，醫生給的鼻敏感藥真係超勁，半夜醒咗(我晚晚都會醒一醒)，想去洗手間，但都起唔到身，繼續訓到今早。唔怪得知醫生話食咗晚上個粒鼻藥個人會好攰的，一定要我休息，俾咗三日假我！

屋企好清靜，基本上係得我一個人，兩個小朋友上學去，早上工人姐姐打掃時我在梳化訓咗兩小時。卓希在昨天已約了爺爺，要到他的家去看影碟，所以今日他們放學後，直接去爺爺家，連工人姐姐都去埋，我真的一個人，訓完又訓，訓完又訓，連同事MSN我都唔知，遲咗成個鐘先知道。

希望明天會更好些，讓我可以養好身體星期六參加卓希的畢業典禮。我依家病到咁，本來答應今天放工後去醫院探MORMOR的，都取消了，也許星期日才可以探望她！

昨天下午已係鼻水眼水一齊來，今早已經唔可以帶癮形眼境，一路返工，一路做嘢，鼻水流過不停。上小一、二的美勞課時，我感覺到自己正在發燒，頂硬上。到午飯時間，無辦法，要請假去睇醫生。

見自己的情況都應該可以，就頂住去灣仔搵林思睿醫生，佢真的好好人，不過佢的診所咐附無乜停車場，有的錶位都只係半小時。幸好，今天真的半小時內攪點，醫生話我係流感，真的不知在那裏感染了，也許昨天到醫院覆診時冷氣太凍，週圍的人係咁咳，也許就這樣吧！我真失敗！

返到屋企，口罩不離身，連食飯都要分開食，真的不想傳染佢哋，希望我可以星期六前好番，去參加卓希的畢業典禮。

近來個IP CAM好有問題，成日都LINK唔到，應該係個WI FI壞咗，所以今日放咗工後，就去咗旺角買新的IP CAM，無咗IP CAM真係唔得，否則佢哋係屋企作反！

同個SALES講起(去年都係依個SALES)，佢話應該係：一、我哋依家個IP CAM的天線唔夠勁，二、個ROUTA接收得麻麻地。

咁好啦，為咗有得用，只好成SET換咗佢，好彩依家D ROUTA唔係好貴啫！不過換咗新的IP CAM，雖然一樣都可以係IPHONE到睇到，但係佢個APPS就唔可以雙向對話，只係電腦先可以，唉！為咗清D，無法啦！

好彩兩樣嘢一次過係佢哋買，佢SET好哂兩部嘢都通哂，我返到屋企只係SET通電腦同個ROUTA，咁就可以用個CAM啦！YEAH！

部舊CAM都用得，但係就要用上網條線，咪放係房到睇住佢哋唔好攪我D嘢啦！YEAH！

今日好大雨，大雨到我決定留係屋企，真係返唔到教會。

仲有另一件事，就係卓希一起身，隻眼腫到不得了，其實星期五晚佢已經有少少紅，昨日又好咗少少，但係今日就超級腄，所以要去睇緊生。只得卓希同老公落街，返到屋企變咗兩咗濕水雞！

早上真係好擔心，因為我係通常星期日買定一個星期的糧食，要去超市入貨，咁大雨，點去呀？去到買得到返到屋企都變咗第三及第四隻濕水雞啦！(我同姐姐)

天父真的好，下午兩時後無乜雨，我哋都走咗去又一城的TASTE到入貨。無法啦，希望可以一個近有蓋停車場的地方，又要有多D餸可以買到的！嘩！我都未見過又一城咁多人，一路行超巿，就聽到好多人都好似我哋一樣，特登走去個到買餸。返到屋企樓下，又無雨，快快要佢哋上樓先，然後我泊車，一入到屋，又大雨，你話天父係咪好鍚我呢？哈！

跟住係屋企無乜嘢做，咪試吓用麵包機整COOKIES，點知只差蛋，屋企連一隻蛋都無，姐姐係超巿都唔講！所以今日所整的COOKIES，我自己唔滿意，佢哋三個就好鐘意！阿華田餅！

以前未有卓希時，我已經食健康食品，尤其是葡萄籽，好耐無食，近來覺得自己的皮膚唔好，連粉底都唔係好上(所以近來無搽粉底)，都係時候要食番以前的健康食品！

嘩！D嘢真係貴到不得了，以前一樽都係二百多元，依家成四百幾元。好彩我係佢哋的會員，一路都有收佢的會訊，知道依幾日佢哋係SOGO到擺檔，買二送一，車錢貴都要去。

我只係食兩種，一、蜂皇漿丸，二、葡萄籽丸(依個係以前陳太EE介紹我食的)，希望到下個月有好轉啦！

BTW，近來我真係無乜動力去寫BLOG，明明日頭會有些事情我想晚上寫寫的，但到晚上人都散哂。我依家連最鐘意上的FACEBOOK，都要係床到用IPHONE睇咋，太攰啦！真係唔認老都唔得，真係無體力，要訓多D！

今日係教會的頌親恩主日崇拜，我覺得幾好，一次過慶祝哂父母，唔使係咁分開！

上星期已經唔開心，因為收到消息，在芬蘭的大E丈過身了，這一年來，大E媽和大E丈由自家起的屋，搬到老人院的APARTMENT，仲可以自己煮食(麥皮)，最起碼是可以兩個一起住在老人院。但這半年兩個的身體真的很差，出出入入醫院。上兩個星期表姐(嫁到瑞典，會過一段時間便回芬蘭看兩老)到芬蘭探望他們，E丈一度要入醫院，情況差，但醫院的醫護人院好好，特別安排他們可以住在同一病房(香港是不可以的)，而就在這情況下，E丈在晚上安詳地過身了。

媽媽和爸爸這個星期都在內地，探望內地教會，爸爸還幫他們有不同的研討會。昨天晚上媽媽致電給我，說表姐有電郵告知，醫生預告大E媽會挨不了昨晚，今天晚上媽媽告知，大E媽已在今早過身了。傷感！

腦海中不斷想起七歲時第一次到芬蘭的情境，大E媽家是我的致愛，只是和公公婆婆家隔一條繁忙的馬路，所以我時常去他們家。尤其是當時表姐已到瑞典讀書，所以他們對我就好像自己女兒一樣，時常帶出又帶入。E丈本身是純正芬蘭人，但為了和我溝通，便和我一起說瑞典話，可想言之，兩個半桶水講瑞典話的人會在一起傾計。而這個E媽也是整包高手，我有很多麵包及蛋糕知識都是她教落的，所以我哋感情好好！

可想言之我真的很傷感，但又要安慰，兩老過身時間都只是六天，感恩的是，他們應在七月慶祝結婚六十週年記念，六十年來只有這個星期的六天是分開的，現在又再一次在一起在天父的懷抱裏。另一樣感恩的是看到表姐的電郵，會舉行聯合FUNERAL，他們真恩愛，可以長埋都一齊！現在我擔心媽媽，六姊妹中，一年內走了三個，加一個姐夫，再加一個大嫂，真的很難過，求天父加給她力量吧！

今日帶隊外出，返嚟屋企後就見到又有新變化了！

今日帶恩福團契春季旅行，全家都總動員支持我。帶咗班學生去行大棠自然教育徑，用咗一小時十五分行畢全程，跟著就去咗屏山文物徑附近食屏山盤菜。返到屋企，婷婷妹妹玩角色扮演，由平時的許老師變成今日帶隊的周老師，一路自己玩就一路話：「嗯！榮順呢！」、「我哋就呢！」、「嗱！你哋要聽周老師話呀吓！唔做得自己走咗開去！」「嗱！施恩傑唔聽話，所以今日無得嚟，你哋唔好學到咁呀！」一路偷聽就一路笑到我肚痛，全部都係我今日講過的嘢嚟的，佢想記的嘢真係超好！

今次是我第一次參加道風山叢林的苦路崇拜，以前也聽媽媽講過，但真的沒有時間。

因為全個崇拜是用英語，我要一路翻譯給卓希聽，自己一路去反思，所以自己也很深的感受。(也許有一天心光有多些願意付出的基督徒時會願意和我一起做這苦路十四段)

然後就嚟今日的頭條新聞，就係卓希同芍婷係MORMOR、MORFAR屋企過夜！咪又係MORMOR一廂情願，佢哋兩個真係唔易攪的，所以ME姐姐要跟到實一實！

卓希芍婷自出娘胎以嚟都未試過晚上離開我哋，四個人一張床已變成家常便飯。五個人的屋企變番兩個人，總係有少少唔慣！

今日係我生日，不過成日的節目大都係滿足兩個小朋友及處理屋企的嘢！

一早起身就攞架車去打臘，雖然卓希話我部係老爺車，但點都要幫佢化吓妝，要同我襯先得的麻！

然後就係去佐敦谷公園到放車，卓希等咗好多個星期，終於今個星期唔係咁忙，可以去，所以佢開心到不得了！

跟著又係卓希想的嘢，就係去APM到食飯，是但啦！近近地就去啦！

返到屋企，我真係好攰，忍唔住同妹妹一齊係大床到訓咗，大約半小時啦，精神咗少少！

係屋企到HEA到黃昏，我哋一家就出發，去佐敦食放題！上次都係JASON及迪迪佢哋帶我去，今次我帶一家人去，個個都食到好開心，最好笑的係好似係卓希生日咁，因為佢話：嘩！我今日好開心，好滿足呀！勁攪笑！

跟著就去咗永安行街街，最主要係要買件有白色領的衫給卓希，佢星期一要影畢業班相，再下星期影個人的畢業相，然後六月再著嚟畢業禮。咁快就話幼稚園畢業啦！真係唔捨得佢咁快大個，有時真係好享受佢細細個的那一刻，也許，也許，佢細時我主要時間返工，無得同佢一齊成長，所以到現在我都係懷念佢細個時的樣！

SO， HAPPY BIRTHDAY TO MEEEEEEEEEE！( I AM VERY OLD NOW！)

今早一起身，喉嚨痛到好似火燒咁，唉！

好彩，今日要覆耳鼻喉，醫生話由於我的左鼻鼻骨移咗位，裏面係較容易受感染。如果影響到呼吸唔到，咁就要做手術。但我表示現在的呼吸深度好過以前好好多，連病都可以用鼻呼吸，我唔想做手術，咁就要繼續跟進！

返到屋企，同小朋友們玩麵包團，整唔同形狀出嚟，然後中間夾朱古力、芝麻、藍苺醬等，超好玩！

由星期五開始，PCCW條線好慢，唔知係咪地震震到其中一條海底線，所以日日上FB都好慢，我只好用IPHONE的3G上FB！

今日改良咗昨晚整的咖啡包，今次我加入咗朱古力。嘩！一整完，成屋都香哂，依個妹妹仲要食一塊個邊邊，食完仲話要食多塊，咁我明天咪無早餐囉！

我依家都會晚上整好先，放係到等佢COOL DOWN，因為覺得早上整好時，係好食，不過好難切，所以都希望晚上可以整到！如果無時間，就先會整一個係麵團的，然後SET一個預定時間做早上的早餐，無法啦，屋企人多，連嫲嫲都欣賞我的麵包，咁只好辛苦少少都無乜問題。其實依家有麵包機都已經唔算辛苦，用手搓的話仲要等就真係悶！

我今晚教咗工人姐姐明天黃昏時SET機整麵團，希望佢成功啦，因為咁樣我可以慳好多時間，返到屋企整唔同味的麵包都得！YEAH！

昨日兩個小朋友俾我帶埋去行山，今日又約咗教會兒童團契去香港公園到玩，晩上仲去咗MORMOR，MORFAR屋企，兩個小朋友俾我舞到佢哋攰哂，尤其是妹妹，返到屋企就話好眼訓，都唔使我叫就走咗上床！真係好！

係電視到見到有關日本的新聞，真係聞者心酸，核電廠仲爆炸，真係唔識講，繼續為日本祈禱！

今晚突發奇想，用咖啡整咗個包，明天教會姊妹們就會做我的白老鼠！

今天雖然是星期五，但沒停的工作，做到令我喘不過氣來！幸好，今天返晏，送了婷婷妹妹返學後，我便開始返工的路程，在地鐵內打給卓希一個同學的媽媽閒聊，原來她在太子，我便在太子下車。請她陪我去幫心光買假花(聖壇用)，我從未試過買得咁開心，太好了，可以在三月前做咗依樣嘢，因為如果唔係佢陪我去買的話，我一定早早就走返心光工作！

今天晚上約了一班好朋友，大家好開心，我特別開心，因為成家人一齊去同佢哋食飯，難得連老公都肯去！成餐飯，都係好開心，笑都笑爆肚，如果唔係兩個小朋友眼訓的話，我都唔會捨得走住！朋友，多謝你們！

今日係覆診日，及條腰做物理治療。終於，終於，覆咗咁耐診，我吹紙筒合格啦！YEAH！

上次加咗個隻紫色的藥，同我好夾，所以今次一吹，度數有成399，以前，只係百幾昨陰公！

不過醫生話依家天氣唔好，空氣又唔好，唔可以掉以輕心，一定要小心，我話知啦，點知應咗知後都有成五種藥，真係勁！

晚上老公返嚟，我真係超感動，佢放咗工攰到不得了，都去旺角教協到抬部麵包機返屋企！我2009年聖誕節禮物終於到手啦！

小朋友們去訓，我就快快的試機，用佢的食譜嚟整朱古力蛋糕，香就好香，唔夠鬆軟，下次落少D麵粉先！

明天會試麵包，我要超軟的麵包呀！

http://www.youtube.com/watch?v=dOr93mjvzxI&feature=related

今早的活動就係又係踩單車，不過上次MORFAR好有心機教咗妹妹後，佢都識咗，睇吓佢踩得幾神氣！

然後我哋就向新娘潭出發，因為四月有團契的新春旅行，我係要負責搵地方，所以要去探路，下返得屋企都成六點，可想言之第時如果團契真係去個到行時，我一定攰C！