目前分類:靚太隨口up (214)

瀏覽方式: 標題列表 簡短摘要

今日係我同老公的結婚十三週年紀念,無大事慶祝,各有各返工,不過都會嚟一個SWEET SWEET的SMS,晚上係屋企同兩個小朋友玩!

我哋晚上都有諗返想當年依個時間做緊乜嘢,真係好似昨日似的,感謝天父,讓我有個好老公,處處支持我(除咗唔支持我唔做嘢!)

 

 

suklaic 發表在 痞客邦 留言(0) 人氣()

係討論區到有媽媽介紹這個親子十八式,我有曾有過一般父母的錯處,都要改改啦!

http://www.familycouncil.gov.hk/tc_chi/edu/edu_teach.htm

suklaic 發表在 痞客邦 留言(0) 人氣()

福島勇士短訊別妻﹕我不回來了 搶救核電站180人 七成恐兩周亡

(明報)2011年3月18日 星期五 05:05

【明報專訊】留守在福島第一核電站的「福島50人」(The Fukushima Fifty)拚死搶救核反應堆,牽動人心,一名成員的妻子收到丈夫的電話短訊,裏面只有一句簡短道別﹕「我不回來了」。一名核電站女員工在網上發文,為輻射    外泄道歉,她矢言盡力搶救,「以生命保護每一個人」。

東京    電力公司周三調高核電站員工接受核輻射的標準,並把留守搶救福島核電站的人員由50人增加至約180人,但他們仍以50人為一組輪班工作,故仍被輿論稱為「福島50人」,許多成員並非出事第一核電站的員工,而是從其他核電站調派支援,當中至少20人是自願留守,年齡多在50歲以上。

多人他站調派 至少20人自願留守

「時事通信社」報道,島根縣一名在地方電力公司工作的59歲男子,再過半年就可以退休,但他加入了志願者行列,正朝福島出發。這名男子的29歲女兒說,父親40年來從事核電相關工作,上周日他告訴家人:「這次事件的應對措施會改變核電站的未來,我抱著使命感,想要去(福島)。」他的妻子表示:「他18歲起就在核電廠工作,我認為他一直有自信,自己做的是最安全的工作。」她目送丈夫出發,對他說:「為了讓當地的人安心,你要加油。」

女工「用生命保護每一人」網誌瘋傳

日本    網絡瘋狂傳閱一篇署名「福島第二核電站電氣設備部門大槻路子」的網誌,作者透露,她自願留在核電站繼續工作,發表這篇文章的目的,是希望民眾了解,輻射外泄絕對不是他們所願,他們感到相當抱歉,核電站內所有人正盡全力,「用生命來保護每一個人」。 她透露,雖然海嘯侵襲核電站讓員工驚慌失措,但一聽到冷卻系統失靈的警示鈴聲,所有人就回過神來,盡力補修系統。

這支近200人的敢死隊正用自己的身體,築起保護福島第一核電站的最後一道屏障。周三核電站出現危急情况時,留守人員一度被強行疏散,但隨著輻射量下降,他們又再進入核電站,冒死進行灑水工作。

美國    傳媒報道,敢死隊以50人為一組,每10至15分鐘輪流進出廠房,一邊以海水降溫、一邊清理爆炸殘骸,15分鐘上限是為避免接觸輻射的時間太久。核防護專家指出,長時間在強輻射條件下工作,恐怕有多達70%人員會在兩周內死亡。

suklaic 發表在 痞客邦 留言(0) 人氣()

睇住電視的畫面,個心就好亂,見到D水夾雜住屋、車、雜物咁衡上岸,真係好嚇人!

天父啊,真的為他們禱告,雖然在歷史方面我不太喜歡日本人,但見到大自然的威力時,真的個心為他們心痛。

試想想,也許有人正在坐火車,預備和家人或愛人見面,但就一個大浪打來而藏身大海。也許一家人坐在私家車內外遊,一個大浪打來,會失去了一個家庭,所以真的好慘,有時真的不明白天父對人的PUNISHMENT為何會這樣做,但見到他們的情境時我又會心軟!求天父安慰他們,讓他們能認識你而得到平安!

suklaic 發表在 痞客邦 留言(0) 人氣()

我好想買麵包機,想咗好好好好好耐!老公應承買俾我做2010年的聖誕禮物,到我連廚房個櫃都執空咗個位,都未有機到手!

昨天去豆b生日會,同0502媽媽們傾開,原來佢哋好多都有買麵包機,讚不絕口,佢哋大多數人都係買象印。

我係依到睇到好多有機象印的資料!

本來呢,我係諗住要kenwood,因為我仲有五百元豐澤coupon,但係睇咗象印後,就覺得kenwood太大(成個微波燼咁大),相比起象印就只係高,無咁大,而且象印可以整果醬!(mormor的致愛!)

我真係好想要,以前係瑞典自己整麵包,爸爸一定讚不絕口,我一放假返屋企,佢就問我幾時整麥包,細路就問我幾時整叉燒包,成功感好大!但係依家?死貓就食得多,我好想好想有番自己興趣的空間!

BTW,今日係情人節,往年我同老公都唔會點樣慶祝,只係感覺想有少少自己拍拖的時間(依家成日都係四人行)。花...............我就無,不過老公請我到樓下的椰林閣食飯(近屋企,食完飯可以快快返屋企同小朋友一齊,我哋兩個都係仔女狂)!

suklaic 發表在 痞客邦 留言(0) 人氣()

今晚睇開書,一見到蜂王漿使基層細胞變得活躍,就好想食返,以前未有卓希前我成日食,仲係新鮮個隻,依家好難買到,也許要食藥丸個D!

營養學家認為,鮮蜂王漿是可供人類直接服用高活性成分的超級營養食品。醫藥界人士總結出蜂王漿有十大功效:

    一、蜂王漿含乙酰膽素,能使自律神經失調恢復正常,對治療心血管病效果顯著。

    二、蜂王漿富含維生素B和優良蛋白質,特別是含殺菌力強的王漿酸,因而為治癌良藥。

    三、蜂王漿有改善造血功能作用,可促進發育中少年兒童生長,提高抗病力。

    四、蜂王漿內的泛酸含有豐富活性物質,可改善風濕症和關節炎症狀。

    五、蜂王漿含胰島素,對糖尿病有良效。

    六、蜂王漿可強化腎上腺皮質機能,調節人體激素,促進間腦細胞復甦,有利於治療更年期綜合徵和前列腺炎症。

    七、蜂王漿能增強人的體力,使人體衰老組織活化,服後食慾好、長精神、氣色佳。

    八、蜂王漿所含肽與蛋白質類保健因子,可促進智力發展,因而服用可提高記憶力。

    九、蜂王漿含蛋白質荷爾蒙,服用後隨血液循環全身,有助於皮膚和肌肉組織機能恢復活力,對治療燙傷效果明顯。

十、蜂王漿所含多種無機鹽類,能促進肝醣元釋放、增加代謝,因而可美容消除皺紋。

suklaic 發表在 痞客邦 留言(0) 人氣()

近個幾星期,我都無乜MOOD寫BLOG。無原因,每晚坐在自己的書桌前,都只係想週圍遊,好快又上床訓覺。也許要事情處理後,才會有心情,求天父給我力量去行這崎嶇的人生!

今日真係好凍,我下午開始有些咳,千祈千祈唔好病住呀,仲有考試週要過,過完整哂D分先可以病!

suklaic 發表在 痞客邦 留言(0) 人氣()

今日係我的覆診日,早上真的很忙,又要同卓希溫PHONICS,又要執屋(我依個假期日日都會執一兩個地方),好遲才出門口去醫院,諗住今次有排等!但係出乎意料之外,放咗個名的紙入箱到後,十五分鐘就叫我個名,電腦都未開哂就見醫生!

今次條氣管都係唔係好得,醫生要我試新藥,係喺原有的分量再加藥,一支紫色的噴藥,因為氣喘係慢性發炎,要好好咁治好佢,如果唔係就會影響到生活!

IMG_0213[1].JPG 

走的時候,我係到諗,今日真係好少人,唔通個個都去哂旅行?(報紙話旅行團好旺巿),但係我又諗,聖誕節去得旅行的,又無需要睇公立醫院啦?唉!諗多咗!總之我就要加多隻藥啦!

晚上噴咗隻藥,手好震,哎呀,下星期點返工呀!

suklaic 發表在 痞客邦 留言(0) 人氣()

依個星期晚晚我都等兩個小朋友訓咗之後就執吓間房,費事佢哋攪住我,今晚執緊的時候,找到係瑞典SIGTUNA讀書時的同學記念冊,有些真的好好笑,係咁SCAN咗一些然後放上FB,睇吓佢哋有乜嘢反應先!

sigtuna 1.jpg 

sigtuna 2.jpg 

sigtuna 3.jpg 

sigtuna 4.jpg 

sigtuna 5.jpg 

sigtuna 6.jpg 

sigtuna 7.jpg 

 

suklaic 發表在 痞客邦 留言(0) 人氣()

今日卓希帶聖誕禮物返學校送俾同學仔,突然間,唔想佢長大,唔想佢離開禮幼,唔想佢離開班同學仔!

妹妹今年無羽絨,幾日都係著咗卓希的厚褸返學,長期落去都唔係辦法,昨晚突然記起成日係教協擺檔的龍濤。今日我返十二點,早上九時半打去時已有人,十時開,便上去幫妹妹買咗件翳絨,真係暖好多!

返到學校咪又係做做做,不過依個星期個月都唔係好舒服,成日要去洗手間,希望過咗下個星期,有返正常的生活後,我的身體會好番D啦!

今日終於可以準時4:15PM放得工,真開心!

suklaic 發表在 痞客邦 留言(0) 人氣()

放工時,天氣明顯的涼了很多,由停車場到屋企,也要走十分鐘之內的路程,感覺是....................好凍,真的所謂饑寒交迫!

其實今早一起身,我已經諗住今晚要執衫,但係又會知道自己的性格,返到屋企好攰,都係唔執啦!不過,咁啱,嫲嫲拎咗一袋堂家姐的衫仔嚟,咁我又真係要執吓兩個小朋友的衣櫃,因為佢哋大得快,有好多衫都唔啱,又要清一清!

橫點都執開,真係執開有條(引),點知一執到自己的大人衫時,個鼻同氣管就嚟料,不停咁流鼻水(手術後已改善了很多),條氣管係咁喘,唉!無法啦,唔靠得工人姐姐,印尼無冬天,佢哋唔識點處理唔同季節的衫,我只好自己做!所以本應係我去執衫,變成衫整到我病發!

suklaic 發表在 痞客邦 留言(0) 人氣()

屋企的病毒好利害,姓楊個三個都未完全好番,卓希燒就退哂三日,但係成個人好攰無力咁,妹妹就仲有微燒,老公就仲咳!而我?咪每日總有一段時間係成個人燒的,好攰,但又不至於要請病假(係唔可以請假,心光有班唔生性的學生就係我當年請產假後無規則,攪到依家將D說話打橫嚟講,而且仲唔去黃昏家會!)

suklaic 發表在 痞客邦 留言(0) 人氣()

我哋結婚後,用咗十幾年的櫃終於都要報銷,老公話係原位整張書桌,給兩個小朋友有自己的空間與天地,搵咗好耐,終於搵到一張啱心意,不過依張係台灣訂造的!

ap_F23_20080624021901197.jpg 

suklaic 發表在 痞客邦 留言(0) 人氣()

今日心光學校旅行,為咗可以幫麥太同班中三班熟少少,就同佢一齊帶中三班。跟我個兩個都係平時俾我罵到七彩的,所以初初都好怕我,後來見到我出咗嚟玩得咁開心,佢哋都放鬆咗好多!不過其實我好頭痛,早上食咗一粒散利痛,但係都痛,也許因為每月親戚剛來探我,所以成個人都麻麻哋咁!

晚上返到屋企後,收到禮賢小學的來信,得知卓希入到禮小,本應是應該高興的,但因為有些事情發生,我裏面正在忟忟地及生氣,所以高興程度不如我所料!但係我真的以個仔引以為榮,佢其實都幾叻仔。依家我訓練到佢要自己做哂功課,練埋PHONICS,我回家後只是對和改錯,聽佢練PHONICS的要點,然後就靠佢自己啦!這兩次的PHONICS默書都係錯得一個起兩個止,當然老師JO JO都提得唔少,但係佢係自己練都可以得依個成績的時候,我真的很開心!

suklaic 發表在 痞客邦 留言(0) 人氣()

依段時間我都無乜嘢,但係都唔知為何無心機寫BLOG,也許日日如是,返工,放工,返工,放工!多嘢做到嘔哂電,所以令到自己無感覺啦!係一個BURN OUT的危機!

幫婷婷買咗新睡衣,特登買大兩個碼,因為佢高得好快,好多褲都係啱啱好,但一訓就整咗上嚟,所以去到半夜我就摸到佢雙腳係凍的,橫點都訂嘢,咁就訂埋佢啦!

 page.jpg

IMG_1203.JPG 

suklaic 發表在 痞客邦 留言(0) 人氣()

今日要開校務會議,都有心理準備係會好夜先走得,但係真係攰到無人有,點可以有人咁長氣?佢哋大粒的都好似無共識咁,自己係到傾,唉!我當時真係唔想忟憎的,但係再係咁落去,會拖好耐,然後其他人又唔STOP佢,我只好出聲!所以,我個底花哂啦!前途係咁先!我就係我,要出聲時就要出聲,做人要乾淨利落!

所以,本來放四點的我,成五點四十五分先走得,跟著就成七點先返到屋企!OHHHHHH!攰C人!

suklaic 發表在 痞客邦 留言(1) 人氣()

  • Oct 26 Tue 2010 22:36
  • 覆診

今日哮喘覆診,一如我所料,又係唔合格!下個月又要見醫生!唉!我都知道,因為近來條氣管真的好差,日日都要噴幾次藥,一俾人激親後,諗住自己唔好去諗件事,點知都係唔得,條氣又開出喘,所以今日的唔合格都係自己攞嚟!

下午去見精神科醫生,平時的主診醫生唔係到,見另一個,點知佢問咗我幾個問題後,眼淚不停咁流!佢話我要放開D,我話理論上我係知,但實際上都未能做到!不過我話唔要食藥住,都可以的。本來醫生話一個月後再去,我唔想請咁多假,下個月又有骨科同哮喘科,再請的話,我怕又有說話要聽,到時個心又會UN住UN住的,所以都係兩個月後先再去覆診!希望我挨到啦!

suklaic 發表在 痞客邦 留言(0) 人氣()

香港人真係有SO就話要,無SO就立即話唔好!

話說依個鮎魚的超強台風,威力好強大,香港人一聽到後,就話咁就唔好過嚟啦!唔過嚟咪就要去第二D地方,咁個D地方有傷亡時,乜佢哋唔係人命咩?點解香港人的命就貴D,其他國家的人命就唔重要?真係CHEAP!唉!不過出面真係大風咗好多,心光有好多學生都走哂,明天也許每班得小貓三四隻,也許會合班!

後補新閒:

鮎魚為兩岸多處帶來暴雨料稍後登陸福建

(商台)2010年10月23日 星期六 07:47

颱風鮎魚繼續減弱,目前集結在福建廈門市以南一百多公里,預料下午至晚上,在廣東福建省交界,至福建廈門一帶沿海登陸,屆時強度可能是颱風或強烈熱帶風暴    。內地中央氣象台發出颱風橙色預警,預計在鮎魚及冷空氣共同影響下,福建沿海會刮起九至十二級大風,東部會有局部地區大暴雨,廣東東部、浙江、上海    及江蘇南部,亦會有大雨到暴雨,呼籲防範山洪及泥石流等災害。狂風大雨亦可能影響在廣東東部進行的亞運聖火傳遞。 受鮎魚外圍雨帶影響,台灣    多處落大雨,宜蘭蘇澳鎮有寺廟及民居被泥石沖毀,至少八人死亡。宜蘭蘇花公路有山泥傾瀉,多個大陸旅行團、合共約二百五十人被困,大部份已脫險,但仍有廿三人失蹤,包括來自珠海及北京    的旅行團團友。

suklaic 發表在 痞客邦 留言(1) 人氣()

  • Oct 19 Tue 2010 22:33
  • 鮎魚

今日真係好忙,晚上八時許才由心光走人,十二小時後的明天又要返工,真係攰到爆。

所以,今次依個風係超級強風,好多人都話好危險,唔係好想打風,但係我真的想打風,真係想休息吓!係心光工作好辛苦,完全無人會BACK UP,好似今日咁,係新人接咗個JOB,但係佢自己後來到咗後,又一個高高在上的樣,真係令人唔想同佢講嘢!佢超煩!

鮎魚呀!鮎魚!如果你可以行快少少,俾我哋多兩日假期的話,你話幾好呢!

suklaic 發表在 痞客邦 留言(0) 人氣()

  • Oct 17 Sun 2010 21:16
  • 心UP

一到星期日,個心就UP 住UP住咁,因為星期一要返工,以往我星期日晚都會失眠,怕星期一唔知醒起身,遲到的話,就全校都會知,因為我負責一開始的週會麻!

但係依家就多層阻礙,就係唔想返工,唔想面對個D辦公室政治!我到心光係教學生,做福音的工作,唔係同別人爭嘢,而且對我嚟講,都無乜嘢好爭,只係別人認為自己馬住個新人就好叻,其實就真的CHEAP到震!唉!今個星期仲多嘢做到不得了!不過,我的最佳拍檔JUDY返嚟代課,我哋又可以分享同一齊祈禱,仲有就係點都要有D時間TEA吓先!(最衰就係LUNCH仲要開交流會,真係慘無人道,日日食飯好似倒入個胃到咁,真係唔舒服!)

希望今晚訓到啦!

suklaic 發表在 痞客邦 留言(0) 人氣()