港楊回憶，樂趣無窮！

唉！依兩日做到人都癲，好攰！攪到裏面個傷口有少少陰陰痛！(唔好又嚟啦掛！)

我已經唔去諗個傷口，但係一坐靜後，佢就會好似嗱住嗱住咁痛。老公話仲有無得覆診，我立即睇吓叠覆診紙，無錯，係一叠。明年一月先要睇外科，手術後的跟進，一係唔好睇，一睇就慘啦！原來寫明係要睇番上次好粗心大意嗰個張醫生，唔係掛，我好想睇OLIVA CHAN！不過睇外科之前，又要有一日去照胃鏡，唉！一係就唔理個身體，一理就百病癡身，病係超煩到C的！

今晚放工後返到屋企，攪好哂自理後，就預備上網打日記，點知上極都唔得，只好，一、打電話到PCCW，二、用NETVIGATOR條手指上網。PCCW話今晚九時半發生咗問題，依家搶修緊，又一次證明我隻手指好有用，因為依家有時我帶NOTEBOOK返學校，都係用隻手指上網，學校個FIREWALL BLOCK咗好多大用的圖，睇唔到，只好用PCCW的手指。

今早，送咗卓希上校車後，我帶著婷婷妹妹去德福幼兒園報名讀書。不過我諗今次佢無卓希咁順利，一定會哭到不得了，因為佢癡身癡到不得了。交完報名表之後，我帶妹妹去STARBUCKS食早餐，一份早餐兩個分，仲可以飲我致愛的咖啡，真係好開心呀！

星期五見完個校友之後，我就係咁打電話俾佢以前班同學，佢哋真係好，由昨天到今天，都不停咁有舊同學去睇佢，但係佢的反應無星期五咁好，佢隻手唔係好肯俾反應人。唉！天父，多謝祢安排依班同學認識，就像他們所說，雖然有好多次都吵架，但係其實大家都好團結的。今日我再陪佢哋一齊去(因為一開始返工的話，我就無時間)，大家一起唱詩歌，又一起回憶以往的一切，笑聲與淚水充滿了整個病房！

感謝天父，讓我們能彼些認識！

今晚mormor同morfar嚟食飯, 咁啱老公去咗飲. mormor仲要用我哋的scanner嚟scan係芬蘭找到else e媽的照片, 睇到後, 我真的很傷心. 一個又一個的不在了, 雖然那是很自然的事情, 而且mormor話佢上次離開芬蘭時, 和佢的大大家姐傾過, 話也許無下次見到面, 但實際不是這樣. 所以mormor今次一返到去, 見到大大e媽時, 大大e媽話仲以為係自己先去, 點知係尾2嗰個去先, mormor話今次走時, 都唔敢再講多次farewell, 因為真的很傷感.

 else e媽年輕時的樣子!

 kala兩個星期大時, 就已被else收養. 唉, 今次else唔係到後, kala都有講過話點解唔可以親手幫else著衫, 那是因為要解剖找死因, 所以唔想家人見到傷心, 就無得親手著衫. 跟著mormor就話俾kala聽, 當年kala親生媽媽係因為生kala時失血過多而死的, else第一次而又係最後一次見kala媽媽時就係佢垂死的時候, 而且, else仲親手幫kala媽媽穿最後一次衣服, 真係好感動, 我今晚個心un住un住, 眼淚不停咁流.

mormor走時, 叫我如果可以的話, 就要快d返去芬蘭, 見吓d親人, 因為好可能又無得見. 我個心真係好想, 但係點可以帶著兩個小朋友坐成十小時的飛機?真的不敢想像. 我離開了北歐十六年, 依十六年以內已經無咗三個親人, 我知他日係天父的家裏時, 我哋一定會再相見, 但係今晚個心真係好傷心, 也許由發生事情到現在我都未完全處理過自己的思想及情緒啦!

今日楂車回家途中,突然發現有一個燈著咗, 平時係開車時只著五seconds, 點知由東隧已經係咁著. 好快咁打電話俾屯門的阿毛, 佢又好快咁知道係乜嘢事, 即晚就出嚟攞我的車去整, 希望整到啦!

但係我好感恩, 因為都可以挨到返屋企, 真係嚇到我腳軟, 細想一個弱質女子像我突然車有事仲係highway的話, 我就慘啦, 又會唔見幾百元. 所以永遠都話天父的時間係最好的.

新學期開始咗三個星期，第一個星期四我病咗，第二個星期四去咗覆診請咗病假，今晚終於要返夜，好攰呀，唔習慣ing！

心光好多學生都有流感徵狀，到現今已經有兩個外讀學生確診咗，唔係我黑心，不過成日都好似覺得好快又會輪到我哋停課咁。今晚同外讀生傾起，原來佢個班連班主任在內有四個確診咗，真係傳得好利害！唉！希望依場病毒快d完結啦！

之前幫卓希上網買thomas火車頭, 跟著post咗係facebook, 好多媽媽都話想訂, 因為佢哋唔識註冊, 又唔識用支付寶, 咁好啦, 我就幫一幫.

嘩!今日d貨嚟到, 多到不得了, 好似成坐山咁, 執咗我成個鐘先整好(咁我又掛住睇電視呢). 依家又要睇點樣交收啦!

本來已有心理準備颱風巨爵明天才到，但係佢突然行快咗，十二時多掛三號，跟著就預告會掛八號。

本來四時十五分時，我仲忟忟地，天文台都已經出咗將會掛八號的警告，住離島的同事又走咗，我都好想走！但係以認識老細咁多年，唔真係掛八號的話，佢唔會放人的。忟到我無心機做嘢，但係d工作又多到不得了，所以只好係咁做啦！不過，都係facebook到“呻”咗一句。

點知，一"呻"完，老細秘書就打嚟(我個dep係最後知的！)終於今次我可早走得，仲車埋三個校友(全失明同事)去彩虹地鐵站，但係到新浦崗時，慢線有兩架車相撞，high花咗我架戰車。不過我無停下來要求賠償，因為係highway之餘，仲有好多車係後面跟著，根本唔容許我停下來。雖然今次high花得唔算利害，無深的痕，但係表面的黑色無咗！唉！心痛c我！保存咗八年半，咁都打爛我個齋盤！真係好怕d司機爭攝位，個兩架車就係爭ing而一個推另一架，就咁high花咗我，依家諗返，好彩我繼續行，如果真係停落嚟，也許唔單只high花咁少！算啦，打風真係想快d返屋企，用咗八年半的車，花咗，都算正常掛！

 臨訓前上天文台到睇，唉！睇嚟巨爵都挨唔到太耐，佢行得太快啦！趕住去邊呀？我同卓希整咗芝麻cheese cake，雪一晚明天才能食，食埋先走啦！

昨天講了食特敏福的後遺症，今天便講一講“豬流感”的後遺症。對屋企人而言，佢哋無乜特別的後遺症，只有婷婷，佢日日都扭計，證片如下：

我的後遺症就係引發到哮喘病發作，昨天到自己的家庭醫生處看醫生，他說我的氣管很弱，要休息多天！當天流感診所給我特敏福是因我是長期病患者，但沒有告知會引發一輪的哮喘，但今次是連ventelin 也沒法下，家庭醫生開了激素給我。嘩！那些藥是超眼訓！

另一樣的後遺症是週身骨痛，我是背脊位，好痛呀，好似成個人散哂咁！唉！真係唔好睇少依隻病菌，其殺傷力真的很大。

很多人都話，如果真的有豬流感，千祈唔好食特敏福，當時我都無諗過依個問題，認為會好似SARS咁，小心d就一定無事！

點知，今次自己bingo咗之後，醫生一開，我都無考慮就食落去，之後呢？一連串的後遺症就出咗嚟！

1/ 肚瀉：卓希同我一樣，個肚一有少少痛就即刻要去洗手間，時間好緊迫，完全唔到自己控制！

2/ 心跳加速：本身我食開氣喘藥都會有少少，但係食完特敏福後，感覺心跳加速的情況係好明顯，訓係床到，不動，都感覺得好利害！

其他紙上所寫的後遺症我哋就無，不過都唔係好想要，攪個肚瀉都攪到我頭痛！

今早九龍灣流感診所打電話嚟，話妹妹的報告出咗，係豬流感，要入聯合醫院啦！今次輪到我陪！惡夢又嚟啦！

去到急症室，乜嘢程序都唔使做，因為診所已經fax咗哂d資料，直接入院。妹妹因為唔舒服，又係唔同的環境，成個人都好扭計，扭到我用雙眼要“利”住佢。我都知佢辛苦，但係得我一個人，咁d嘢都係我要做，點可以下下都抱住先得？妹妹同我一樣，一有唔舒服含氧度就低，初初得96度，後來食咗抗生素之後，就去番98度，唉！依個女唔單只牌氣似我，連d病都似我，似我好咩？

醫生巡咗房，話婷婷的x-ray報告出咗，佢個肺有少少花咗，即是有肺炎，要食抗生素，請為我們代禱，我們需要力量。今次由我陪妹妹，好彩帶定部notebook，解解悶，我就唔知自己有無燒，因為唔俾大人探熱，所以都係continue哋食退燒藥！

好多日都無寫日記,因為真的發生好多事.

mormor家有八兄弟姊妹,mormor排最尾,對上的是一個姐姐,名叩else,佢哋兩姊妹好好感情,else係讀完護士後,便去了非洲宣教士,mormor就嚟咗香港做宣教士.上星期六晚,mormor臨嚟我屋企的gathering時,收到芬蘭的電話,else在家過身了. 對我們大家都很shock,因為想也未想到是輪到else,家族中更有病的,更老的大有人在,但就萬萬想不到是她. 而且當她從非洲退休回芬蘭後,除了mormor外,就成為家族中的活躍份子,往往負責去探望其他的家姐. 今次一別,大家都很難接受,尤其是當日是她的女兒, kala(非洲養女)發現她倒退在床邊的地上,我們大家都很膽心她.希望另一位e媽返到鄉下後,都可以幫忙做決定.

我們都很膽心mormor,因為依個家姐同佢最好感情,今天在忙中都去見見她,不會說安慰的說話,只能來一個長長的擁抱.

明天便正式回校工作,雖然在這假期中,不定時及不定日子的都在工作中,加上要負責兩個小朋友的活動,我可說是無哂力水,唉,我的暑假咁就過咗去啦!

天父的說話好比天降的甘露，在往往在我最需要鼓勵與支持時，天父會藉著信徒箴言來提醒我，就像這兩天的經文一樣：

「應當一無掛慮，只要凡事藉著廚告，祈求，和感謝，將你們所要的告訴上帝。」腓4：6

「人不要誇口說驕傲的話，也不要出狂妄的言語，因耶和華是大有智識的上帝，人的行為被他衡量。」撒上2：3

「小子們哪，我們相愛，不要只在言語和舌頭上，總要在行為和誠實上。」約壹3：18

今天晚上和mormor傾長途電話，很掛念他們三人，在我最需要家人時，統統在瑞典！兩個小朋友分別和mormor及morfar傾電話，他兩都很掛念他們，尤其是卓希豬，他問morfar是否在沙田，真的很可愛(唔扭計時！)

我的“生意”多咗好多人問嘢，又有一兩個落單，原來做生意真係幾得意！唔係賺好多(今次真係不計成本，仲有八折，已經係咁俾個堂妹話鬼我，本來只係七月，而家廷長到八月！)每樣嘢都只係賺十多元，但係最有滿足感就係別人認同我的選購眼光，那對我來說是很重要的！今天仲收到我電話，話我的相影得太靚，要嚟我屋企睇真實的貨才可以，開心到我不得了，因為影相係我的興趣！

今晚我獨自一個人外出，去了做facial，按摩，手蠟(屋企有得做，但係我唔想兩個小朋友係到攪住我)，老公好好，佢話可以照顧兩個小朋友。雖然最後都同卓希兩個係咁睇電視，但係我已經係無後顧之憂的情況下出去！多謝你，老公！係我最需要一個人好好咁冷靜時，你就出嚟幫我睇住兩個小朋友！(很感動...........)

本來已平靜咗的心情，又泛起了漣漪，此地只是給我寫出心情，給我多一點空間吧！

天父的安排真係奇妙，係我依排為咗個仔返唔到自己教會時，今日得知自己教會有一位青年人仲咗豬流感。真係唔知自己的感受係點？一嚟就好膽心教會其他人，二嚟又會為此感謝天父，唉！天父求你保守其他人啦！尤其是我教會有好多老人家，千祈唔好俾佢哋受感染，仲有牧師個仔，細細個就已經體弱多病，希望佢無事啦！

依幾日比較忙，等我有時間先UPDATE個BLOG！

今日去教育局到聽工作坊，嘩！我真係覺得自己好“老”，原來新高中嗰d課程改咗咁多！今日我聽個科係健康管理與社會關懷課程，原來依家的課程，包括咗好多方面，而且教方面也好彈性，但係今日未能知道評估的準則。也許，我可以將依d資料放入埋聖經科教學到，加強學生將信仰滆入社會生活中！

我昨晚努力咗成晚，攪到半夜一點幾，終於幫個店舖整咗個logo啦！用住先，等我有諗頭先再整靚d！

話說我咪話有個外國人想訂我d貨，好彩我有個堂妹係美國，係咪問佢d information啱唔啱，佢叫我唔好信嗰個人！之但係我未找到堂妹之前蠢咗，應承咗，又俾咗information佢。今日我打去銀行，佢哋話完全無咁的服務，香港所有的銀行都無咁的服務。咁我就知係100%假的，等嗰個人online後，同佢講我打咗去銀行，無咁的服務，如果佢真係仲想要貨，就要直接入錢到我到或paypal，點知佢就話：the deal is off。我就覆佢： fine, just for your attention。希望日後我唔會有事上身啦，都係自己之前蠢咗！

我今日早上攰到c，平時個鐘一响我就立即起身，但係今日起唔到身，攰到我想繼續訓！唉！攪一次function就攪到咁，放工後，同卓希話下次我唔攪啦！佢話點解？(因為佢好想攪多幾次係咁玩)，我就數俾佢聽有幾嘢要做，佢都有份幫手買材料，又有幫忙拿材料，所以佢知係好重的一回事。佢話：咁我希望下次輪到晞朗媽媽做攪嗰個啦！唉！我個仔真係大脾，你話想邊個攪就邊個攪咩？我就話俾佢知晞朗媽負責book場地同埋之後的收捨，卓希大大隻眼咁望住我，然後話：係咩？點解我睇唔到？唏！佢當時的眼中只有班男同學，又點會知道大人做緊乜嘢！激c！

今日返東區醫院骨科覆診，booking係早上十一點，我以為會好快，但係等呀等，等呀等，等到十二時四十五分先有得睇！一睇完，就快車返心光，個頭痛到爆，唔知係咪缺水，好唔舒服！

醫生話我今日隻腳睇落去好好，週圍都痛少咗，不過要繼續著嗰隻socks(好熱呀！)，同有時間，就用冰按一按佢。我問，咁會唔會平番哂的？因為依家依個樣都幾“肉酸”，醫生話好難講，要視乎內傷嗰“la”，原來裏面傷的話，都會有“la”的，我都係第一次聽！半年後先再覆診，又係一月？一月我要照胃鏡，又要外科覆診，又要骨科覆診，我死啦！！！

妹妹今早都係高燒，一早六時半打給趙醫生，他說要十點帶妹妹去見佢。所以老公一早就帶妹妹去睇趙醫生，醫生話表面病徵係玫瑰疹，但係也許會係其他的virus，會持續發燒到星期五，唉！就係由今日開始到星期日，老公要帶隊返大陸，我又一個人作戰。

記得三年前，卓希一歲時，又係同一個時間老公要帶隊返大陸，卓希又係出疹！嗰時仲慘，芳ee唔過夜，只得我一個人，所以做到其他人都唔認得我的樣！

剛剛老公來電報平安，原來有一個學生有發燒，要啲佢去驗，唉！d學生真係無乜公德心，唔舒服就咪鬼去啦，連累其他人！明天才有結果，唔知佢哋使唔使隔離呢？