目前分類:靚太呻工作 (150)

瀏覽方式: 標題列表 簡短摘要

今天校長來找我,說對方都是堅持要這個狀況是OK的,那便由得他們。但,我真的不想以學生的安全為試驗品,但負責的要這樣說,我也由他們吧。人總要從錯誤中學習而成長,但不改進的話,問題永遠會存在的!

我只希望能和現在的學生保持良好的關係,希望他們生生性性咁讀書,好好的過這幾年的學生生涯!

PS:今晚發現我的BLOG下面多咗一行,一定係PIXNET又改進咗,真係好,有改進才有進步麻!哈!

suklaic 發表在 痞客邦 留言(0) 人氣()

今日係星期二,好忙呀,又要上課,下午勺綜合課又要負責精兵團,然後黃昏家會時又要幫手睇大團,真係忙到團團轉,但係見到班學生的成長,心內充滿感恩。無論前途如何,都會努力前往!

剛才回到家,便看見老公在看星期二檔案,很感動,希望有一天,我也會為咗自己的興趣,去做一些另類的東西!

 第一節

 第二節

suklaic 發表在 痞客邦 留言(0) 人氣()

昨日和宿舍部的幾個頭頭開會,本來係想討論點樣安理置唔去晚禱的學生,唔使等個段真空時間出事,但係就引發到話晚禱唔夠內容,又話我無SUPPORT班學生!唉!我唔會吵的,因為我真的做咗好多嘢,佢哋只係見到單一事件。個個學生臨場的表現都唔同,又點可以一併而論呢?而且,幫依家晚禱改花命的同學仔,我一聽就知係邊個啦,佢由細到大都係咁,點都要將人哋講的嘢改咗好負面的,來引人注意,但係都要放上嚟講,無法啦,佢哋要抺黑我,由得佢,清者自清!只要新人事一問日日有去晚禱的學生,就會知事實的真相,所以我沒有動氣,因那是天父的工作。深信天父不會容許別人去破壞祂的事工。不過,真的對心光很失望,那麼多事非!

suklaic 發表在 痞客邦 留言(0) 人氣()

  • Sep 06 Mon 2010 22:34
  • 空殼

心光係一個空殼,好多嘢都只係虛有其表,求天父教我如何去面對!

今晚寫咗一封好長好長的電郵,將心裏的不快全講哂出嚟,舒服哂!

suklaic 發表在 痞客邦 留言(0) 人氣()

  • Aug 16 Mon 2010 23:17
  • 群組

今日一班恩福團的職嚟我屋企開會,連續開四小時,PAT PAT都無哂知覺!依家已經算好,我一定要佢哋拆開嚟開,以前?一日呀,陰公,腦都實啦!點會有諗頭!

係開的尾聲,同學們都有一個好好的提議,就係係FACEBOOK到開一個有關團契的群組,以前我哋開過討論區,但係後來失敗咗,個個都用假名,唔好玩!

依家用FACEBOOK,又可以UPLOAD短片及相片,超好,所以今晚我開咗依個群組之後,就係咁UPLOAD以前的相落去。因為我拎咗宗教部的外置HARDDISK返屋企,但係有好多相我都SAVE咗係學校到,要返去問IT同事拎先可以再UPLOAD,有興趣的可以睇睇!

心光學校青年恩福團:FACEBOOK

suklaic 發表在 痞客邦 留言(0) 人氣()

上星期覆診(哮喘內科),個女醫生話我條氣弱咗,近來有無特別事情發生,我就好簡約咁表示工作上有問題。醫生見我的情緒唔係好得,就立即寫封轉介信,要我返精神科到睇睇醫生,兩年前生完妹妹後,因為產後抑鬱,都睇咗精神科半年。而且當年個膽有事,都係精神科的醫生關心及要我驗血,先知個身體出咗咩事!

所以,都抱住再一試的態度,去睇醫生,原來下午係勁少人,我以前睇星期四上午時,等成兩個半小時都未到我,今次都只係一小時咋!以前個黃醫生無做啦,依家轉咗個女醫生,佢話我依一個星期的反應係好正常。醫生話,其實要睇一個人有無事,係事情發生後一個月的反應,而對我而言,就係要返到心光的工作環境後,見番個地方,先知個返應係點,所以叫我不要太膽心,如出現以下情況便要加陪留意:

1/ 不單在晚上想起那情境,連日頭都會時不時想起。

2/ 會否有突然被驚嚇的反應,有離心力個種。

因為我之前感冒,晚晚都要食藥,昨晚第一次無食藥就去訓,係張床到殿咗好耐先訓到!個腦真係不斷係咁諗,但今日聽到醫生咁講,知道自己係正常,個心都安心好多,開心的,是不用落藥!八月尾,再覆診!

suklaic 發表在 痞客邦 留言(0) 人氣()

今天我約了一班304號房的女仔嚟我屋企,除咗兩個嚟唔到之後,個個都有嚟!

大家食咗好好味的飯,然後都好開放咁傾有關今次的事件,佢哋真係比我想像中成熟好多。佢哋對那房間作出一個很好的提議,就係做聯宜房,有電視,收音機可以聽,又或者可以上網用電腦,有多D聲音的時候,就唔會有怕的感覺。尤其是不要做STORE ROOM,因為這樣還會形造一個害怕的氣氛。她們真的長大了,見到她們的表現,我的心真的放下了不少,真的要感謝天父,讓我們可以彼此的關心和照顧!

suklaic 發表在 痞客邦 留言(0) 人氣()

各心光親愛的學生及校友們:

首先,很多謝各位的關心,我今天的心情好好多了,只是每每想起穎璇的事情時,心裏便會有一陣陣的痛。

對我來說,這已不是第一次面對死亡,更親的人過身時,我也是這樣面對及難過,但今次的傷痛真的無法可比。曾問自己,和穎璇的感情真的不太深,近一年來的衝突還算多,而且她還誤會了是我記她缺點。所以,為何會這麼傷心呢?

 今天的信徒箴言正正的提醒了我,「風隨著意思吹,你聽見風的響聲,卻不曉得從哪裏來,往哪裏去。」約38。原來正正是人與人之間的感情是在無形中而建立了,腦海中斷想起當穎璇還是就讀幼稚園時,逢星期四晚我會去探望幼稚園的寄宿生。在與孖仔對話中,便會看見幾個同學仔坐在露台的石階,在那裏靜靜的偷聽大人們的對話,其中一個便是穎璇。

 到升上小學時,穎璇永遠不會在堂上多說話,只是靜靜的看書。到中學時,因往往要到多媒體室上課,很多時她也是最遲的一個,因要“搵書”!當討論到自我價值時,穎璇才會有意見,而往往只會看自己的負面,不會懂得欣賞自己。到她做外讀生時,見面的機會更少,這一年多,還在守宿生要到晚禱事件上有爭論。

 原來,這些種種的小時情,早已札根在我的心裏,令我更傷痛的是,她在沒有病痛,又或者交通意外的情況下,放棄了自己而突然離我們而去!

 我深信,穎璇已由天父接手,代為照顧。我們在世的,要更「當轉眼仰望耶穌」,把福音傳開去,令心光的同學們得到天父真正的平安與喜樂!

 心還是在痛,但相信天父會慢慢的安慰及治癒內心的創傷!

 共互勉!

 主內

周老師

suklaic 發表在 痞客邦 留言(0) 人氣()

為何這樣容易便放棄自己的生命?有人關心時又不接納別人,到別人忙於其他事情時,又想別人關心自己。到學期尾,暑假要開始時,便發生這樣的事情,真的真的太輕率!

我內心為日後那個人的生活而擔心,怎樣去和別人相處呢?

suklaic 發表在 痞客邦 留言(0) 人氣()

好感謝天父,感動一班弟兄姊妹奉獻,讓心光的一班同學可以到馬灣的挪亞方舟宿營,今次的經歷真的很特別,沒有十年前外出宿營的超辛苦感覺,帶著感恩與喜樂的心來參與。

我帶埋卓希和芍婷去,學生是由一位義工奉獻一大筆的錢,我把卓希和工人姐姐所需要的費用還給他(芍婷唔使錢),所以大家都很開心,卓希開心到三日兩夜都無搵過爸爸!

page.jpg 

page2.jpg 

page3.jpg 

page4.jpg 

 

suklaic 發表在 痞客邦 留言(0) 人氣()

今天下午開了SECTION HEAD的緊急會議,就有關正院長,副院長兼校長的人選。聽後心內全無驚喜,擔心的較多,因兩個都要高官出身,是否真的會體會到心光的需要呢?

也許近來心光被教育局迫得很緊,所以一提到官,我就反感,而且有點兒後悔無出外找找。理性上,我是不應該有這樣的想法,但感性上真的很難接受「官」。正所謂,「官」字兩個口,你點都唔夠佢講,日後真的有商量的餘地嗎?

suklaic 發表在 痞客邦 留言(0) 人氣()

今日係心光一年一度的水運會,今年我要求唔好係司令台,因真係想蔉下把聲,就做咗召集人,同一齊的同事平時最鐘意側側肩,唔知係咪因為同我一齊做,佢都算幾落力!

天父真係對心光好好,昨日還是下雨天,今天便陽光普照,相信心光前面的路不易走,但天父一定會帶領的。

下面回到家後,個人好攰,係咁訓,頭重重,唔通我哂親?

晚上左邊個鼻係咁流D好傑的鼻水,同一般的鼻水好唔同,唔知做乜事呢?

suklaic 發表在 痞客邦 留言(0) 人氣()

今日係心光的音樂比賽決賽,本來我返十二點,但係為咗答應班小一、二去同佢哋打氣,就一早十一點半都未夠已經返到去。不過一坐係禮堂到聽比賽的話,一聽就係全日,我枱頭個幾百樣嘢點樣做呢?所以昨晚已諗好要帶埋自己的notebook去禮堂,一路做嘢,一路聽!

但係我真的手腳併用咁做嘢,無奶由做唔哂,人就係咁,越心急就越做唔哂,好啦,到晚上我走時,都未完成得哂今日的target,咁明天有無得外出食飯呢?一個星期一次外出食飯,我唔想就咁miss咗呀!

btw,點解心光鬼咁多嘢做?真係唔明白,其他部門有大把人幫手,我哋就來來去去得三個,有時我又唔好意思請佢哋兩個做咁多,因為佢哋又要探訪,唔可以成日係心光的!唉!做到命都無!

suklaic 發表在 痞客邦 留言(0) 人氣()

今日下午去咗旺角帝京酒店聽研討會,嘩!我未試過好似TEA BUFFET咁多嘢食!但係真的唔覺得係酒店到舉行係特別好囉,如果可以入多次去挪亞方舟就會好D!

我先同老公及阿仔食午飯,放番架車係停車場,就搭巴士出去旺角,但係點知咁就中招!等等下巴士,D木綿樹的種子吹到週圍都係,居然吹到我隻左眼到,係呀,又係左眼,好STICKY,攪到隻眼到晚上除咗對CON都唔舒服。

我今日去咗研討會,原來都唔係好多人去,五圍中有一圍係佢哋分享個D人,跟著就得四圍係教育界人士,仲有好多都係校長。後來協同的校監出嚟分享,話點樣點樣做,改變哂所有人。我都好想,第一、我哋的校長同埋所有高層都唔係基督徒,無依個VISION,二、就算校長肯,都要D同事同心先得,心光呢?個個都好攰,個個都唔願付出多D,真係好難做呀!三、心光的時間表跟本同出面學校唔同,今日協同校監係到講會有幾多架旅遊巴一車一車咁去聽佈道會,我哋唔使一車車,但係啱啱係考試期間,其他中學都考完試,我哋仲努力緊,咁點ORGANIZE去啫?不過,聽下人哋點樣攪都好,知住先,睇下日後有無咁的機會去做!

suklaic 發表在 痞客邦 留言(0) 人氣()

故事真的好長,但係今晚有同事話我GIVE UP咗咁多年嚟爭取的晚禱時間,及心光的信仰風氣,我唔開心,也唔認同。只是心光的福音事工需要轉型!

幾十年來的宗教活動情況:這麼多年以來把團契放在星期四晚,是想就在外就讀的融合生,但還是住在心光的。

 

星期一

星期二

星期三

星期四

早上

週會

 

 

 

黃昏

晚禱

晚禱

晚禱

崇拜

晚上

 

 

 

青年/少年團契

 

今年五、六年試行的情況:為了使同學們有效地使用星期二晚禱的時間,把青年團的時間調到星期二,同一時間有晚禱及團契,今個星期試行第一次,反應良好,很多同學都表示這樣可充份利用時間。

 

星期一

星期二

星期三

星期四

早上

週會

 

 

 

黃昏

晚禱

小學兒童晚禱 /

青年團契

晚禱

崇拜

晚上

 

 

 

少年團契

 

建議明年新學年的宗教活動時間表:今天所傾談的,建議少年團可放在活動的時間表,那便可以有更多基督徒職員幫忙。

 

星期一

星期二

星期三

星期四

早上

週會

 

 

 

活動堂

 

少年團契

 

 

黃昏

晚禱

小學兒童晚禱 /

青年團契

晚禱

崇拜

晚上

 

 

 

 

 

但,就是青年團出事,同事表示我不顧及那些要補課的同學。告知已考慮了他們的時間,大多學校遠的同學自己都有返教會,及他們的學校自己有團契,是有機會接觸福音的。但同事表示對那些讀佛教學校的同學呢?家人不准返教會的同學呢?那便不是沒有機會給他們。

我表示不會,如果真的有心是可以晚禱時間趕得及回來的,就算這麼多年來,在星期四晚,他們也是不會到團契的。同事就表示,我的立場變了,把多年來爭取的宗教活動雙手放棄了。回家時,在車內細想,真的嗎?我沒有變,還時和以往一樣堅持著,只是時代改變,也需要轉型。希望日後大家有共識啦!

suklaic 發表在 痞客邦 留言(0) 人氣()

今日測驗週的第二天,全校的學生都在測驗,很多老師都併命的改卷,只是我沒有,因為宗教科是不用測驗的,那我好好的用來做夏令營的預備功夫,但係做極都做唔完!

下午有展能組的美勞堂,嘩!我雙腳攰到不得了!到最後十五分鐘後,我忍唔住,話一定要坐下來,猜唔到,班學生真係有進步,今日一個半小時內,做了三種唔到的練習!

suklaic 發表在 痞客邦 留言(0) 人氣()

今晚晚禱,如常的由學生負責,我只做佢後台的技術支援,點知去到第二部份,佢開始分享影响佢的人時,居然我係最後一個,仲係最長一個!整到我喊呀!

記得佢細的時候,好鐘意諗嘢鑽牛角尖,成日點極都係咁,但係今日成個大人咁企係台前分享,仲識得感恩,真係好開心!

依個就係我咁多年嚟走唔到的原因,班學生太可愛啦!令我諗起主耶穌所講過100隻羊的故事,要找回那一隻羊!百多個學生中,今天終於有一個企出來說感謝的說話,真的好感動,那感覺就像牧羊人找回那羊一樣!

咁我都有時會鑽牛角尖,那99隻呢?要好多心思與細胞,希望那99隻也回轉,但不領情之餘還這樣對我,心痛也!

所以楂車回家時,心裏禱告,求天父叫我廉卑,不是我手所作的工,是天父的聖靈所感動的工作!

 

suklaic 發表在 痞客邦 留言(0) 人氣()

放假都係到做嘢,無法啦,好多嘢都要自己去做!

預備緊星期一的週會!

 

 

suklaic 發表在 痞客邦 留言(0) 人氣()

今日青年恩福團去旅行,一早起身以為天氣唔好,會落雨,點知係新界就不知幾好天,太陽都出埋嚟!今日仲有好多草苺,依班學生食量真係勁,食足四小時的BBQ!

仲有呀,今次真係難找義工,因為係平日,所以我問准咗院長、副校、IT負責人,請咗幾個同事嚟幫手,好彩有佢哋咋,如果唔係我都唔使旨意有得食嘢!

page.jpg 

page2.jpg 

page3.jpg 

page4.jpg 

page5.jpg 

suklaic 發表在 痞客邦 留言(0) 人氣()

經過兩日好操勞的職員培訓日,我都散得七七八八,但係仲未放得假住,仲要帶埋團契仔去旅行,先可以放下心頭大石!

今日下午去咗天主教的:伯大尼修院,我一早聽講嗰到好靚,仲有以前嶺南的學生年尾會係嗰到結婚,所以重到不得了的單反相機點都要拎,如果俾多少少時間同空間我,相信D相會更靚!

 page.jpg

page2.jpg 

page3.jpg 

page4.jpg 

page5.jpg 

page6.jpg 

suklaic 發表在 痞客邦 留言(0) 人氣()