目前分類:靚太呻工作 (150)

瀏覽方式: 標題列表 簡短摘要

依幾日心光測驗週,唔使好似平時咁趕住上唔同的堂,不過下午要負責展能的美勞堂,正好用這段時間預備十二月的中華文化週活動所用的帽子。

這幾天,覺得自己好似做咗尚宮局的人,係咁整整整,先整好兩頂帽。好彩班展能同學係手指運用方面有進步,依兩日係咁班兩位女同學的蒙古帽串珠仔。唔記得影相,等我明天返心光影下先!

我自己真係好鐘意做依D美勞,最衰就係自己係完美主意者,求其的話過唔到自己個關,所以又出錢又出力,係咁自己試試試。試咗邊個方法好的話,就可以教班學生,所以今日係美勞室備課咗成個幾小時,但係好開心!

我一定會影相,然後POST上嚟,因為會好容易散的!

page.jpg 

page3.jpg 

suklaic 發表在 痞客邦 留言(0) 人氣()

校友胡桐桐已經安息在主懷,今天是她的安息禮拜,看都牧師和一眾教友為她所作的一切,真的很感動,希望桐桐的父母也有機會多些返教會!

suklaic 發表在 痞客邦 留言(0) 人氣()

嘻,我今日無得楂車返工,個個都問我點解,我就話係“無私家車日”,個個都話我乖,笑到我忍唔住口話,因為架車壞咗咋!哈哈哈!

之但係太過耐無咁早坐公共車返工,唔係好知個d時間,所以6:40am已經出咗門口,等咗十分鐘巴士,去到佐敦好快又接到巴士,7:48am返到工!我次次一早唔楂車的話,都預唔啱時間,遲到,好瘀的,所以今日有咁早就出門口,好彩無遲到!不過,d 970真係好辛苦,因為佢哋d冷氣好差尤其是放工,d男人嗰d汗味嗅到我暈車浪,好想嘔!快快咁落車自己行好過,九巴就唔同,舒服得多!

suklaic 發表在 痞客邦 留言(0) 人氣()

本來是上星期開的全年檢討會,但因有些學生不在香港,所以今天才開,超赲!雖然如此,他們今年真的比以往獨立,因為今年很多時間我也不在心光(入咗醫院麻),所以好多嘢都要佢哋自己“執生”,不過佢哋都係對自己的要求高咗d,希望佢哋能學識凡事感恩啦!

suklaic 發表在 痞客邦 留言(0) 人氣()

同美勞科科主任傾咗好耐(乜係傾咩?唔係吵過咩?),我堅持一定要大執美勞室的store room,終於佢上個星期,將所有嘢拎哂出嚟,叫我可以入去,放吓常用的物品係"就手"的位置. 所以,我今日用咗一日的時間,幾佢double咗的嘢,歸納番,空咗好多位出嚟呀!(唔知佢可以維持幾耐呢)

成果:(依d只係我常用的,佢仲有好多垃垃雜雜的嘢,放係出面,唔鬼理佢,由得佢自己做!)

page.jpg 

page2.jpg 

page3.jpg 

suklaic 發表在 痞客邦 留言(0) 人氣()

我由星期五開始,就係咁執辦公室,咁啱arma又“打立”,今日就搬返哂所有嘢返入去。先將所有嘢入哂櫃先,然後再整齊咁執好、分類。

總之,我就成日一身臭汗,仲整到背脊d皮膚紅咗幾點!

page.jpg 

suklaic 發表在 痞客邦 留言(0) 人氣()

返到工,真係有好多嘢要跟,好多嘢要做,苦命的我!

下午係學校中華文化週的節目,雖然我對唱大戲無乜興趣,但係好欣賞同事的即場表現!

另外,我話過要係個blog到罵人,衰家俊,大大聲咁播我個blog的題目,真的找c!(我講得出,就做得到!)

suklaic 發表在 痞客邦 留言(0) 人氣()

今日係禮賢小學五十歲,九龍禮賢堂八十歲。我係心光做咗咁見年,去禮賢會到開會就開得多,都係第一次代表心光,以宗教主任的身份去佢哋的感恩崇拜,真的獲益良多。

坐係禮堂到,回想返二十九年前,小四時,我哋係第一班英文小學的班級同學,只得十八人,但就要負責二十五年慶典的招待,而且當年我還是詩班員,高高的站在紅地毯上獻詩。

今日,成班管弦樂團坐在枱上及枱下,氣勢如洪,連詩班員,都有成六行咁多的學生,可想禮賢的辦學真的很成功。而今天龐建新牧師講道時,提到禮賢初初辦學的目的,連我以前係禮賢讀時都未聽過。佢話,原來禮賢以前同心光一樣,周圍都係爛地,而係禮賢後面,就係一些臨時榙健的木屋。禮賢當時就係要成依班小朋友而有辦學的想法,想法一開始,兩年後就得到政府的批准,開始辦學。最重要,係讓一班無得返學的小朋友,建立一個讀書的環境及機會,讓他們能看見基督的愛在人群中發光!

最令我感動的是,校長係感恩崇拜中,頒發長期服務獎俾老師及其他職員,氣氛真的很好。每一個職員到枱上領獎時,學生都歡呼,見到他們是出自真心的,不過,最耐的職員我都唔識,因為,我都已經畢咗業成二十七年啦!(我只係識得所有牧師,因為佢哋成日嚟心光講道)今日,我真係學咗好多嘢,如果他日心光有120慶祝時,而我仲係到做的話,希望真的可以大派用得著。

感謝天父的慈愛,讓基督的愛,溫暖我們每一個人的心靈!

suklaic 發表在 痞客邦 留言(0) 人氣()

  • Apr 16 Thu 2009 23:05
  • 公義

在天父的手裏,才有真正的公義與平安!yeah!

suklaic 發表在 痞客邦 留言(0) 人氣()

今天晚上,在祈禱時,內心忽然記得一首歌,一首好多年前,我還是小女孩的年代。那時,mormor同morfar已經係屋企成日播詩歌,不過,如果唔係瑞典話,就係普通話(我嗰時唔知何謂普通話,以為他們唱歌所咬的字不準確)!

求天父加給我力量與忍耐,去面對所有的攻擊及困難!

G 調 4/4 我有平安如江河


56│1-1.2│33 32│1-1.1│65
˙˙ ¯ ¯ ˙˙
我有   平   安   如   江河,我有  平 安    如   江河,
我有   喜   樂   如   江河,我有  喜 樂    如   江河,
╭────╮
56│1-1.2│3321│2---│2-32│
˙˙ ¯
我有  平    安   如   江河在我   心,         我   有
我有  喜   樂    如   江河在我   心,         我   有
1-1.2│33 32│1-1.1│65 56│
¯ ¯ ˙˙ ˙˙
平   安   如   江河,我有 平   安   如   江河,我有
喜  樂    如   江河,我有 喜   樂   如   江河,我有
╭────╮
1-1.2│3 3 2 1 2│1---│1-∥
¯ ¯ ¯
平    安  如   江 河 永 在 我  心。
喜    樂  如   江 河 永 在 我  心。

suklaic 發表在 痞客邦 留言(0) 人氣()

今日我開始放假了,但有點兒無聊,因為老公和卓希都是下星期才放假,偏偏自己這個星期,又不能一起放了!

本來諗住等卓希放咗學後,又“共”入disney到玩,但落雨,又凍咗,所以都係留守係屋企咐近!

晚上,我去了上堂!又上堂?係呀,不過今次只係得六堂,每堂兩小時,相比起bu嗰d課程,真係輕鬆!

我今晚去咗上“方舟導賞員訓練課程”,無錯,係導賞員。我未諗轉工住,不過報名讀,只係想知多d方舟內的聖經理念,第時無論帶學生又或者其他人時,自己都會識得講解。

不過如期話係訓練,我話似奮興會多d,第一堂,時常提醒我們每個基督徒都是生命的導賞員,連主耶穌也是一個很好的導賞員,無論祂到甚麼地方,祂也能拿起身邊任何一樣東西來講解天國的福音。令我更能反思自己與天父的關係,多默想,多接近!今天晚上真的給我很大的鼓勵,因為之前有同事係咁鐖笑我要做導賞員(講俾佢聽我的原意,佢都唔聽),但我都堅持自己的理念去報讀,因為我有一對很好的父母,從小便教導我職業無分貴賤,大家都要忠於自己的工作。所以,如果有機會的話,我都會忠於天父所給我的知識及機會,把方舟的信息傳開去!

suklaic 發表在 痞客邦 留言(0) 人氣()

很多天以來,都是陰陰天,但天父的思典真的夠我們用。今天是心光的陸運會,居然天氣又唔太熱,又唔太凍,不過也許我還是抱病在身,所以覺得背脊涼涼的!

我用盡得回來的聲線,「做好我依份工」,就係負責係司令台到報告實況,本來真的打算向楊老師求繞,今年放我一馬。但在多天前,已經有很多學生問定是否還是我做播音員,為了不讓他們失望(一年一次的陸運會),只好頂硬上,全程都係靠“金桑子”。返到心光,完全唔想講嘢,快快回家。但也許抱病在身,楂車回家的時候好眼訓,在隧道內差點有交通意外,嚇到我醒一醒。

suklaic 發表在 痞客邦 留言(0) 人氣()

今日的校務會議真的超長,成兩個半小時,non-stop咁坐係到聽,骨都硬哂!

晚上返到屋企,係咁等呀等,等乜嘢?咪就係等我部新的 nokia 5800,都幾好玩,又要武一段時間先熟悉!

suklaic 發表在 痞客邦 留言(0) 人氣()

今日係文字上被人攻擊,我唔理,發揮天父所給我的阿Q精神,寄情於工作。另一方面,又會研究邊隻手機好!我唔知自己仲會係心光幾耐,不過如果唔阿Q d精神的話,會好上心同俾人用任何方法嚟攻擊!

天父,求祢加給我力量,力量去工作,力量去照顧家庭,仲有力量去教好兩個小朋友,做一個愛主、愛人的人!

suklaic 發表在 痞客邦 留言(0) 人氣()

  • Mar 11 Wed 2009 22:38
  • 查經

 已經連續三個星期啦,我都同學校某班學生查經,以聖經的說話來開解和教訓他們。起初有這構思時,係因為覺得他們現在太enjoy自己的頂皮玩兒,而忘掉了天父。而且懶也是另一個主要的原因,以前他們會早早的起身靈修,但做了外讀生後,就無時間,所以我要捉他們一起默想神的說話。

初初叫佢哋時,我都驚佢哋會拒絕我,天父真的好奇妙,除了放學趕不切的話,有兩次都有成六至七人到,今晚他們還傾了很多心事。天父,求祢引領我去教導他們,讓祢的說話在他們心中作工。

盛開的花

今日係心光影相,見到d花開得好靚,好耐已經好想去影,但都無帶相機,終於有機會啦!仲用咗photoscape去整d相,好好玩!

page.jpg

page2.jpg 

page3.jpg 

page4.jpg 

suklaic 發表在 痞客邦 留言(0) 人氣()

好攰呀,攪一次義工日就死好多細胞!

今日仲帶埋兩個小朋友返工添,第時五月後只得一個姐姐後,我諗要一次過帶哂兩個都幾難啦!不過今日卓希都算叻叻,佢係四樓的康樂室玩玩具都玩咗成三小時,芍婷就係辦公室到訓咗差唔多兩小時,兩個小朋友乖乖的訓同玩,令我可以安心工作!

suklaic 發表在 痞客邦 留言(0) 人氣()

今日下午係我哋宗教部的部門陪訓日,福音事工部,兩個部門主管同一個助理,就咁參加咗影音使團的:挪亞方舟異像分享會。

話明係挪亞方舟,就一定要入馬灣,馬灣發展咗咁耐之後,我都係第一次入馬灣咋!(我係十三年前膽粗粗咁帶住一班學生入馬灣宿營!)

好震撼,要完成這樣的工程,真的不是人的能力做得到,天父的神蹟也是在其中,今天的心情係,超感動!

室內唔准影相住,全部的相都只係戶外,最suprise的就係安排了簡單的下午茶給一班教牧同工,雖然我同光龍排最尾,攞唔到某d食物,但係無預期中有咖啡飲就已經好滿足了!

(1)正門

IMG_2245.JPG 

(2)船尾

IMG_2246.JPG 

(3)我哋都好似D動物咁出緊嚟

IMG_2248.JPG

(4)再嚟多張

 IMG_2250.JPG

(5)依張係影俾卓希睇的

IMG_2252.JPG 

(6)高高的天,與高高的長頸鹿

IMG_2253.JPG 

(7)方舟頭

IMG_2256.JPG 

(8)樣樣都好迫真的

IMG_2257.JPG 

(9)我自己最鐘意依張

IMG_2263.JPG 

(10)森林之王,但在萬王之王的天父裏,祂只是被保護

IMG_2266.JPG 

(11)香港裏的方舟,人心內又有沒有方舟呢?

 IMG_2267.JPG

 

後記:還有很多動物相,但唔敢UPLOAD咁多,怕個WEB PAGE開得慢!

當我身處180度大電影時,感受真的很大,那是模擬身在方舟裏,當門關上後,洪水來到時那處境會是怎樣。我看到洪水要臨到城巿時,內心滴著淚,很想大哭,正如異像會所分享的一樣,我們身處在方舟,但外在的世界就正和挪亞的時候一樣,如何能以人有限的力量來把福音擴傳呢?

 

當我想到這裏時,內心禱告求問天父,到底放我在心光工作的目的是甚麼?這兩年接種以來的是接二連三的發生好多事情,好希望天父能給我更清澈的指引,自己的方向是怎樣。而且,不單只為自己禱告,也要為心光禱告,越來越多人為了要上位,而去擦鞋,鞋王現在也不止一人,這風氣真的能教好我們的學生嗎?

 

所以,今天決定報名要上挪亞方舟導賞員的訓練,為的是可以引導心光學生以另外的眼光來看信仰!

 

suklaic 發表在 痞客邦 留言(0) 人氣()

今早返教會,由morfar講道,之後就係教會的家會,但係我哋無時間留底,因為今日我d學生嚟拜年 + 開會!

本來係諗住明天才嚟我屋企,但係d學生話返完教會後,可以順便嚟,咁好啦,唯有自己趕d啦!

本來今日開會的議程都好長,不過我提議今日只係講d好緊要同趕的事項先,留番其他時間大家傾吓計,難得聚一聚麻!而且我今日好開心,其一兩個舊校友都同佢哋嚟我屋企,雖然只係短短的時間,但係我都已經好開心的啦!記得多d嚟探我呀!

後記:我開心到唔記得咗影相,佢哋一入屋時,我已經同自己講要影相,但係因為我食咗粒piriton,好攰,佢哋走咗之後先記得,認真失敗!

suklaic 發表在 痞客邦 留言(3) 人氣()

親愛的天父:

今天我差一點做了約拿,想逃避祢給我的工作,但最終我有口教學生,也要學習順服,要遵行祢所交給我的任務。我完成了,感謝祢給我平安和口才,雖然我內心真的很膽心自己的脾氣,但也藉著今天的事情,給我看清楚很多的事情。

給我「看清」人的陰暗面,尤其是對權力睇得重的人。原來一些正面的說話,在別人的口中和腦中是不些歪理。天父,祢真的令我大開眼界,讓我更認識這人!

給我「看清」這幾年來在心光所得的磨練成果,一直以來,我都在禱告中時常問天父祢:「為何要放我在這位置?為何要我遇上這些KICK手的事情?為何每次令我心碎的都是我最信任的人?」今天,我看到自己的成長,原來這一切一切的磨練,是用來讓我更清楚自己的脾性,不容易發怒,要細心思想!天父,縱使在今次的事情中,我還未明白為何會有這事情發生,但我會冷靜的去分析,真的感謝天父!

給我「看清」要從心裏說誠實話,原來基督徒與基督徒之間都會有好好好好多的大話,不能担成相對。天父,在今天的事情中,我不會把所有的謊言打開,因為我仲想俾機會佢,但求天父的聖靈能再次感動佢,回頭行天父所喜悅的道路。

天父,放工時我簡直係虛脫,雖然令到我無時間做應做的會議記錄,但係所得到的結果係大家担誠面對!我能做到就是那麼多,求天父給力量大家,為祢的福音而努力加油,不要再在權力中打滾!

奉主名求,啊們!

suklaic 發表在 痞客邦 留言(0) 人氣()

IMG_2626.JPG 

今日係一年一度全院的聖誕聯合崇拜,一個字:忙!其實各位同事都已經對聖誕崇拜的運作很熟練,只係一人多,就會亂!同埋唔知點解今年個個部門都遲到,偏偏d校董又無遲到,好多嘢我只係臨時“執生”,當然,院長見到時又臉黑,又話我,但控制權都不在我手裏,我只好又係“uh”一聲食咗落肚!

親愛的天父:

今天在聖誕聯合崇拜時,內心真的很感動,縱使事前係幾咁“亂”,但我們都能聚首一堂來敬拜祢!在心光工作了十幾年,第一次在聖誕崇拜中不能以自己的歌聲唱出聖誕歌,但內心真的很享受心光學生及院友的歌聲,由我第一日來心光工作時,就被他們的歌聲吸引著,那是天使的歌聲,有著天父愛的歌聲,那也是給我動力繼續在心光工作著!

感謝天父安排了殷牧師的信息,讓我再一次默想天父的平安!天父,我不知還會在心光多少個年頭,願天父看顧心光每一個人,讓他們能終有一日打開心門,迎接福音!

奉主名求!啊們!

suklaic 發表在 痞客邦 留言(0) 人氣()