港楊回憶，樂趣無窮！

邊有人係咁的？成日唔聽人講，又認叻，又階級觀念重！我唔鐘意咁！超煩！

親愛的天父：

我這個星期感覺上好無助與無力，不單對同事的失望之外，對學生也是失望。天父，祢是知道這一段時間心光所面對的問題，無論人事人的擦鞋文化，還是學生利用傳媒表逹對學校的不滿，祢是知道這一切事的發生。但我真的自覺無力去面對，也許臨近放假，我只想快快的逃離現場，唔想去理！但係事實終歸現實，自己一日未走，就一日要面對。雖然我無力，但求天父禁住我把火先(我今晚好好好好想同人開火)，有機會就以理性角度去同別人傾事情。唉！為何心光係一所多事之秋的學校？為何唔俾我平靜起碼一年的時間？

奉主名求，啊們！

今天臨放工前，我收到一個消息，有同事可以說被害了！我好失望，自己到底係咪跌眼鏡呢？放工前，我都問個同事，之前我哋的決定係咪錯咗呢？係咪信錯咗人呢？

我完全好迷茫，唔知邊句係真，邊句係假。乜權力真係可以令到一個人完全改變，又或者佢本身就係咁，不過依家先露出嚟？我唔知，內心好唔相信依件事，但係所有的証明話我知佢係咁！咁樣做法，同腳子痕有分別嗎？

失望！失望！失望！好失望！今晚心情極之down！

    今日係2009年的新開始，祝“新年快樂，身體健康”

我哋一家人就下午先出動，先先去吉島的大減價行動，然後就上咗飛鵝山去行山！

 通常係半路放下他們，然後大家係山頂到匯合

2009年靚仔是我也！

嚟一張“yeah”

媽媽同妹妹的自拍相

高高的妹妹

做咗幾晚，終於做完功課啦！原來print同layout都整咗幾日，今晚整好啦！依個衰bu，仲要釘裝，明天實好多人排隊！唉！交咗就會放下心頭大石！

遲些才補這幾天所發生的事情，總之日頭係做唔到功課的，要到晚上個個訓哂先得！唉

不過今日妹妹開始叫我“媽媽”啦！我聽到有兩次，第一次係日頭，我唔係好記得係乜嘢情況下，只係記得都係對我有要求時聽到。第二次就係晚上，飲咗奶，大大咗又洗咗pat pat後，佢一個人坐係床仔到，我仲係房到同份功課博命時，就聽到佢叫“媽媽”，我立即獻身啦！因為晚晚佢都要我陪佢訓，佢仲要係大床到訓，嘩！開心c我啦！

嘩！原來我成份功課的格或都唔啱(我之前只顧住寫，無理到格式)，今晚做到無靈感時，心諗不如做吓唔使太用腦的格式啦，啍！改到我傻！睇番本專題研究指引，先知原來自己有咁多嘢未做好，好彩有時間改啫！

凌晨四點，終於可以上床，明天再要繼續改嗰d要用腦的地方，不過我無腦啦！

睇吓個鐘，凌晨一點啦！我仲係到同份功課博鬥緊，唉！仲只係去到“分析”部份咋！我想放棄唔改！

好想逃避，逃避我份畢業論文，到依家我都唔明點會當初讀HKIED時會選到讀中文(因為英文班無位)，現在讀BU到最後一年，自己都挨到可以畢業，但係我就一定唔會教中文，因為我D中文真係唔見得人。做依份畢業論文時已經入咗兩次醫院，又遇著一個超煩又咀妙妙的導師，次次都無好嘢講，只係識叫我廷遲畢業。所以係做依份功課時，真係超無靈感，又得唔到鼓勵，而且我已經將所有以前學過的修辭手法忘記得一乾二淨，所以係寫時真係有困難，當初真係無從入手！

唉！2/1/2009要交啦，所以今天點都要迫自己坐下來，改少少，都未改哂，要用腦諗嗰D仲唔想改住，只係改咗D容易先！唉！我都係唔想做，因為自己做極都唔識，點解當初我會入咗中文組嫁？？？

今晚返BU，真係如我所料，佢無句好，仲話我無哂d例子，算啦！我都係見佢最後一次，佢今 次仲話我成日遲寄俾佢，車..................寄咗佢咪又唔會改，又係要見面時“丙”，都唔係好人一個。

我幾日無寫日記,唔係無嘢寫,而係無時間寫.因為我係咁做功課,晚晚都做到十二點幾,有時都做到個腦無乜墨汁,也只好係咁改改改.

今日忍唔住,打咗個電話給課程負責人,問問是否真的需要係結論同建議到加例子,佢話唔使,不過一聽到我個題目的,佢話因為係一個特別題目,所以也許導師會特別要例子來加強認受性.好啦!我盡量啦,不過個心都係唔"据",我星期五最後一堂一定會問佢一d內心的問題的.

嗱!我昨晚趕到c咁send咗份功課俾個導師,點知佢一早send番俾我話星期五先同我傾,又係咁,睇住嚟,星期五又會"丙"我的,預咗,好無癮!

現在已進入我的畢業論文的倒數階段,但係我仲有做好,只因我有一個超唔好的講師. 由一開始,她知道我剛生完妹妹後,就話不如叫我defer,我都已經開始唔鐘意佢.跟著九月入咗院後,佢又叫我defer(嗰時我寫咗一半),然後今次手尾長的入院後,佢的說話真的好難聽.我次次都早幾日e-mail份功課給她,但她只會回兩句:已收到,下次再傾.跟著返到bu 就狂話我,每次我要返去之前都好大爭x,要做好心理準備俾佢"丙".所以我成日一早send咗俾佢,係想佢可以早少少話我知要留意的地方,跟著可以見佢之前改咗後再傾第二方面的嘢,但係佢次次都求其咁回我,返到去就係咁"丙"我.我好唔想返去,不過唔返又唔得,今次佢仲咁講:你唔俾多少少例子的話,我會俾唔合格你.

喂!大姐呀,你又唔一早講話要,到我依家咁的時間你先嚟講?????到最後嗰次,我一定會寫檢討的,衰到c,成日好話我病,所以d功課落後哂,你估我想的咩?????超煩!!!!

後記:今晚想改佢話我的錯處,但係個腦好實,一見到份功課就想喊,好唔開心.邊個可以幫我呢?????

昨天下午已經開始膀胱痛,晚上仲有少少血尿的情況,但樓下已經沒有醫生睇.今天早上又好似好少少,怎知下午又痛過,感覺如以往一樣,又係膀胱炎,我好唔鐘意自己成日病,好差!

今日上足八堂，當中有六堂係美勞，上完之後我條腰簡直想斷咁！返到自己個位到，想終於可以坐下時，望望ip cam，睇吓兩個小朋友係屋企做乜事，就見到咁的情境！

我唔知姐姐訓咗幾耐，又會訓幾耐(因為我跟著要預備晚禱)，但係咁好過份啫，已經唔次兩次俾我見到咁！唉！佢真係煩！

頭痛,今天由早上十一時開始,我已經好頭痛,但係由於餵緊人奶,唔可以亂咁食散利痛,所以係咁忍住.忍到返屋企,但係都痛到不得了.

攰,今日好多堂,尤其是有四堂連堂的美勞,今次的美勞作品又要我同羅姑娘週圍咁行嚟幫學生,雙腳直頭想切咗佢落嚟煲湯!上完哂所有堂,又要同德國差會新任主席嚟開會,一開開到四點幾,跟著又要處理突發性事件,所以放工時成個人都好似虛脫咁.

煩,返到屋企,臨訓前卓希豬又扭佢爸爸,我一直忍.係咁忍住口唔幫卓希爸,係佢自己攞嚟的,而且我正在生卓希爸的氣(佢居然預備24號同班同事去海浪公園,又係without me),一於唔理佢.不過卓希好長氣,可想言之真的好嘈,我只好走咗落街避一避.

唉!心情不佳!

今我覺得自己好叻叻，因為家有兩個姐姐，但係佢哋都放哂假，卓希爸又外出咗，得我一個人睇住兩個小朋友！其實唔應該放哂兩個姐姐，事緣上一個勞工假期係偷懶姐姐(t)放咗，咁今次應該係勸力的m姐姐放假。但係當我同佢哋講時，t姐姐話佢今日一定要放假，佢要去回教寺！氣得我！我話平時你又唔去，點解一定要嗰日去，你之前的勞工假已經放咗正日，今次應該係輪到m姐姐的，佢又唔出聲。其實我係知的，佢哋印尼人過年，但係我已經話哂得我一個人，而且無奶由成日都要m姐姐就佢！初初我點都唔放佢，後來我發脾氣咁同佢講：你放啦！不過我唔知你係出面識咗d乜嘢朋友，佢哋教咗你乜嘢，不過近半年你真的差咗好多！以前m姐姐未嚟之前，我都唔一定放你正日的，但係人哋嚟咗之後，你就成日諗自己有特權！

佢見我依兩日唔理佢，今早佢出去之前，就先同我講話不如佢早少少返嚟幫我！(我之前同佢建議話係印尼人過年，不如一人放半日先，幫一幫我，而佢哋兩個都有得放下見下朋友，佢死都唔肯)我好堅決地話：唔使，我去mormor到，最幫得手就係自己的媽媽！然後我行開咗，一d都唔再啋佢，免得自己又氣！

我帶著兩個小朋友，一早就去咗mormor到，好彩有morfar同卓希玩，我主力照顧妹妹，下午卓希爸嚟join我哋就先返屋企！其實一個人都點的，不過因為做過手術後，個人真的比較弱，所以一定要有幫手才可以！

後記：係到打緊日記時，係一路睇緊國慶煙花就一路打，因為我哋屋企係睇到嗰d高的煙花，第時舊機場發展咗後，都唔知仲睇唔睇到。

 我一話個仔,卓希爸就幫住,兩仔爺係咪想激c我?

 過唔過到星期一都唔知,咁樣樣對我,真係想喊.就算我真係有唔啱,都唔可以咁樣攬住個仔,日後我仲使有得企(仲有無日後都唔知),都唔同我合作.

後記：我好嬲，係未夠十一點時走咗出街，這是自卓希出世以來我第二次半夜走出街！我自覺是一個很失敗的媽媽，因為我好生氣地同個仔話：「媽媽星期一後就會死，以後就無人會教你。」點知換嚟的是卓希對著卓希爸話：「星期一媽媽死咗之後我以後都可以嚟大床！」再忍受不了，楂車無目的週圍去，係咁跟下跟下就跟咗前面的車去到西貢碼頭，然後又一個人上飛鵝山。個仔咁唔需要我，全都係因為我教佢時卓希爸係咁攬住，咁個仔咪覺得唔係自己的錯！我好氣憤！為何永遠都係個仔行先過我，點解唔顧及我的感受呢？

 睇吓，我返咗工後，就見到tun懶到咁！佢昨天才放完假，教我如何會同佢續約？