卓希昨晚係咁咳，仲嘔痰嘔咗三次，攪到凌晨四點先停落嚟，我今日好頭暈，同埋........我都想嘔！
放工返屋企後，就要跟卓希的功課，逢星期二同星期五就一定有功課的。今日的功課超難，係要小朋友用剪刀沿黑色線剪一條條(咁都唔難)，然後 用剪下來的一條條做一個立體的物件。本來我諗住好似工作紙的提示咁做一把掃把，點知我個仔話：「整一架“車”“車”。」吓？用一條條紙條整“車”，簡直眼都凸。
後來訓覺前的傾計，卓希話：「媽媽，下次整大遊輪！李老師話可以整乜嘢都得，大船都得架！」我心諗，好彩整到車啫，如果唔係今次一定欠交功課。
依兩日我部電話sort sort地，打到出去，但係我聽唔到對方講，對方又聽唔到我講嘢。唉！點解我d手機成日都係一年多就壞的？上次又係咁，所以就睇吓d電話，諗緊iphone好唔好，但係我唔鐘意用「3」，我有d同事話係心光收得唔係咁好，不過d function就好吸引。不過我都唔係好鐘意佢係內置sim card，唔可以換第二間的sim card落去，鎖死一定要用「3」，衰到c！
第二部可以諗得過的係nokia的5800，不過我覺得厚咗少少，而且我成日放係褲袋到，好似有少少唔方便。不過最吸引係可以玩到好多嘢，尤其是佢可以用手寫板，唔使好似依家咁用筆畫輸入法，有時都唔識去搵d字！
睇吓點先啦！
suklaic 發表在 痞客邦 留言(0) 人氣()
唉！今日同卓希做假期功課，簡直係嘔血！我一見佢的活動冊有英文就頭痛，你話佢唔識ABC咩？又唔係，大楷A-G佢識睇(學校教到M)，但係一講到細楷，佢就傻傻哋咁！其實傻都唔緊要，係佢唔聽指示，我哋兩個大人係咁俾指示佢，但係佢唔聽之餘，仲d眼唔知望咗去邊，攪到我眼火爆！
我同老公一直以來都唔想迫卓希，因為自己都係教書，書真係可以讀好多年，又唔想俾壓力佢，但係以今日的情況，老公都話要開始貼d細楷的abc係屋企，等卓希睇多d學多d。鬼咩！我有成盒的英文字咭係到，都俾卓希玩到唔齊之餘全部都係大楷，激c！要同佢惡補英文先得！
suklaic 發表在 痞客邦 留言(1) 人氣()
今日卓希的學校舉辦了“溫馨夏日頌親恩”的活動，目的是讓兒童用不同的表演節目頌讚及感謝家人的愛護。
正在等待表演的卓希
送給媽媽的禮物
suklaic 發表在 痞客邦 留言(0) 人氣()
今日要返九龍塘禮賢，為的是幫卓希交第二期的留位費！一早嫲嫲就過咗嚟，幫忙睇住妹妹先，我就一個人出咗去，嘩！好free的感覺！
其實仲有好多地方好想去，不過個心諗住個女係屋企，嫲嫲又要趕返屋企時，就快快返屋企睇住隻豬妹妹！
繼續追劇中！
suklaic 發表在 痞客邦 留言(0) 人氣()
教育局話所有學生都係三月三十一日返學，就唔知點解卓希間幼稚園就係今日(3月28日)就可以返學，仲係開生日會添！所以卓希勁開心，因為以佢咁精力充沛的人，日日困係屋企就真的好悶，所以有得返學的話，就開心好多！
由於依家卓希係搭校車返學，所以我自己一個人帶佢落樓都無問題，佢不知幾開心我帶佢去搭校車。放學時又可以接佢，這樣的生活，正是我多月以來所响往的。卓希返咗學，我可以做乜都唔使擔心，先嚟過早餐，然後返屋企玩meromero pet，跟著開電視睇電影台，睇得嚟都係時候接佢放學。
返到嚟屋企，同佢食飯，然後兩母子一上床後唔使十分鐘就已經訓咗！依d生活認真嘆！
suklaic 發表在 痞客邦 留言(0) 人氣()
十幾年嚟都係我哋去見學生的家長，今次輪到我哋依兩公婆去見老師。
今日係卓希學校的家長日，我哋要好早返到學校，8：30AM就要去到。許老師表示，卓希係學校係由一開始到現在都是一個開心的小朋友，而且有時能帶動全組同學的學習氣氛，不過有時興奮時，都會帶動其他同學仔(作反)。
作為一個家長，願來聽到自己的小朋友學習情況是很開心的一件事。以前見過咁多家長，都無諗過，只係想將學生的真實性況講俾家長知，但往往會忘記講一些正面的資訊。
原來現在的幼兒班，真的好認真，連卓希豬都有上學期的成績表，很多方面都顯示很有進步，真的感謝神！
suklaic 發表在 痞客邦 留言(0) 人氣()
還未返到屋企，在電話內已收到卓希爸的消息：「培正收咗楊卓希啦！」
返到屋企，一睇嗰封信：「貴子弟 楊卓希(考生編號：xxxxx)經被錄為上午幼兒班新生。」
但係我一d都無好興奮的心情，因為培正只係我的第二選擇，第一選擇的禮賢要到星期六或下星期一才知結果，所以呢，仲係要等................................。
suklaic 發表在 痞客邦 留言(0) 人氣()
卓希兩星期多前拿回來的“一串紅”已長大了很多，近幾天還發現它預備開花，真的很美！
suklaic 發表在 痞客邦 留言(2) 人氣()
到現在為止，我只幫卓希申請了四間幼稚園，其中兩間都已經收他了，另外一間剛剛面試完，另外最後一間要在一月初才面試。
(2) 我們希望在自然、輕鬆的氣氛下與小朋友面談；面談前，家長切勿太擔心及緊張，以免影響小朋友的情緒，只須告訴小朋友往學校與其他小朋友一同玩耍及與老師傾談便可。無論屆時小朋友的表現如何，請家長都要接納及稱讚他們的表現。
都未面談就已經顧及到家長和小朋友的情緒，真的很warm！
不過為穩陣起見，我地兩公婆已決定都交鑽石山靈糧堂的留位費先，睇下到時上午班有無位先再作打算！
suklaic 發表在 痞客邦 留言(0) 人氣()
卓希上星期在學校拿了一盆花回來，“一串紅”的幼苗。將於十二月中交回校先作展覽，然後便會轉贈花給區內長者。
我一直都好想幫花苗換盆，但真的無時間到日本城買盆仔和花泥。所以在星期四晚要留夜在學校時，晚上要外出食飯便順便經過日本城，為的是買盆仔和花泥。
今早卓希豬返學之前，便在家把花移植，隻豬仔鐘意到不得了！
跟著最後的步驟就係放石仔係面，以防蚊蟲滋生！
suklaic 發表在 痞客邦 留言(0) 人氣()
是日卓希第一次幼稚園面試，也許是第一次的緣故，我一早被卓希吵醒後(早上“倒塔”六點)，就無心機再訓。起身後，係只有六百呎的屋企，左行行，右行行，都唔知自己想做乜嘢好？
好啦！終於出門口啦，又係一輪車輪戰先出得門口，我都已經忟過忟薑。感謝神，一路都無塞車，好快的十五分鐘就去到今天要去的學校：浸會大學附屬幼稚園。一路轉變入去大學的路時，就已經見到一輪警車，有好多警察落咗車係到抄牌。嘩！我當時心裏真的很很很很很感謝神我係浸會到讀書，所以有申請到泊車證，泊係大學到。
報到咗之後，就俾咗張紙，要卓希貼係身上，就好似d運動員咁，有個號碼係身到。
楊卓希
J1115(C)
Panel:7
Waiting Rm:W2
Interview Time:9:40
一報到咗之後，原來已經可以上去課室到啦，點知一去到waiting room，嘩！超多人，想找個位給卓希玩玩具都差點找不到，都玩唔夠十分鐘，就輪到我哋去見入學官啦！點知一入到房，嚇我一跳(得我一個嚇親)，原來個入學官係我晚上上課的其中一個講師，仲係佢好鬼好記性的，仲記得我姓周。一開始佢就話：咁今日我就叫你做楊太啦！
今天大都是問父母，問題大約如下：
入學官：為何選這所學校？
卓希媽：因為係自編課程，可調節給不同的小朋友。
入學官：你最想小朋友係這所學校學甚麼？
卓希媽：多些生活體驗，最重要是學習有好的人格。
入學官：但係這所學校是無功課的，那你們怎樣看呢？
卓希爸：我一些都唔讚成咁細的小朋友要做功課，好似佢(卓希)依家讀緊的幼兒班，一個星期做一次功課我都唔讚成。根本就唔係小朋友自己做，係家長做，所以失去咗做功課的意義！(卓希爸一講起這個問題就好激動，因為佢個個星期都係到um！)
入學官：咁你哋覺得你哋的小朋友長處又或者缺點在那裏呢？
卓希媽：長處係開朗的性格，缺點係無乜解決問題的表現，往往第一時間便去喊著去找爸爸。
面試時間都唔使十分鐘，咁就完成咗，但係我覺得好好笑！因為個講師真的好好人，去到後來佢都忍唔住叫咗我做：周同學，笑c我！
suklaic 發表在 痞客邦 留言(4) 人氣()
卓希今天要見家長，一早我便和卓希爸出門口，因為卓希見家長的時間係“倒塔”的八時四十五分。
卓希班主任許老師話卓希是一個好開心的小朋友，不而且好熱情，但係連小朋友也會有些怕了他的熱情。許老師也表示卓希真的比較“硬頸”，正如在家一樣。雖然如此，整體上的表現都是很好的。不過許老師表示要穿波鞋，因為佢現時的鞋好容易鬆。
為咗咁，我第晚上就去了hollywood plaza，去買對波給卓希！又要用錢！
suklaic 發表在 痞客邦 留言(0) 人氣()
今天收到卓希今個月的主題學習評估，哎呀！佢好多嘢都唔得，尤其是語文表逹，我都話要教多d啦，呀某人又唔信我！以下只寫卓希表現得唔好的地方。
語文：
能聆聽教師的說話和依指示進行活動(←即是唔聽話啦，同屋企表現一樣)
能說出誰送自己上學(←佢唔係唔識講，而係唔肯講)
能表逹想要加衣和上廁所的需要(←佢掛住玩的時候，就一定唔記得去廁所的需要)
能口述句式：「___老師/小朋友，再見。」(←佢又玩唔肯講)
藝術：
能弄紙花燈(←佢嗰段時間病咗，唔知要同佢一齊創作花燈)
科學興科技：
能聆聽搖鈴的聲音和音樂(→乜依樣嘢同科技有關的嗎？)
反而卓希係個人與羣體及體能與健康兩方面全部都幾好，真的奇怪！
suklaic 發表在 痞客邦 留言(0) 人氣()
昨天卓希的班主任許老師打電話給我，問我卓希的情況，是否仲有燒？我話燒已經退咗好多日，只是仲有鼻水同咳，個人好好好好好好好好怕又交叉傳染！(到時又有排我煩，今次卓希又發過燒，我就俾佢傳染到左邊喉嚨痛，痛咗幾日，到依家都未好！)
許老師話，如果唔係黃色鼻水及黃色痰都無問題的，咁我話，我只係怕佢咳到嘔痰啫！老師仲話好掛住卓希，以為佢昨天會返學，但係身為教師的我，乜唔係一班越少人越好嗎？尤其咁多病菌？
問過爺爺卓希日頭的情況，爺爺都話少咗好多咳同鼻水，咁我同卓希爸就決定俾佢返學啦，係屋企二十四小時都對著tun姐姐真係超悶的。而且在家養病其間，卓希的行為真的naughty咗好多，連mormor咁錫佢都話佢naughty咗，所以返下學，學下守規則係好好多！
今日我同tun姐姐送佢返學時，tun姐姐都不知幾開心，梗係啦，free time又返嚟啦！
suklaic 發表在 痞客邦 留言(0) 人氣()
上星期五，我懷啫好期望的心情，打開卓希的手冊，好想睇佢係學校的表現如何，及學了甚麼東西。點知乜都無，只是一個印表示正在學習生活知識份子。我忍唔住，係卓希手冊到寫咗一句，意思大約係想老師多告知卓希在學校的情況，以便家長在家也能協作教導。
今晚回家，係卓希的通告袋便有一張大大的便條，裏面寫了老師對卓希這兩個多星期內的評價：(黑色括住的是我自己的comment)
楊太：
卓希很適應學校的生活，能投入各項活動，常常表現出愉快的心情，與老師也有互動的機會，也懂得回應老師的提問，反應表現良好。
他與同伴相處亦有互動的交流，喜歡常常依在同伴身旁(←咁係男定係女先？)，表現得十分熱情(←咁即是過火啦！)，但有時候亦會使同伴感到不知所措(←佢咁“熱情”，就一定會整喊人啦！)，需要老師在旁協助調適。他又喜歡四處探索(←咪即是走出位？)，尋找不同的玩意(←一定又係衰多手攪嘢啦！)，當投入玩玩具時，動作偶爾比較大(←粗老！)，容易與同伴發生碰撞，需老師在旁多作提醒。
卓希是一位開心活潑的孩子，現階段表現作有很大的發展空間，我們會繼續培育他，讓他在學習中愉快地成長。
我睇完後，簡直係笑爆嘴，乜我個仔可以有咁高的評價？可惜，可惜佢明天又唔可以返學啦，因為又有微燒，已睇了樓下的洪醫生，希望佢的藥可以啦，如果唔係又要走出中環睇趙醫生的。
suklaic 發表在 痞客邦 留言(0) 人氣()
今天送卓希返學，佢好開心咁同我SAY GOODBYE後就入課室啦！
放學的時候，佢見到我係門口，都未等老師叫佢的名，就走出嚟(好彩老師無話我哋咋！)
suklaic 發表在 痞客邦 留言(0) 人氣()
suklaic 發表在 痞客邦 留言(0) 人氣()
終於預備好卓希要返學的事情, 而終於這個小朋友要開始佢無限咁多年的學校生涯!!!!
自己做教師的, 在孩子的開學日子不能陪伴上學, 真的有唔開心. 又唔可以請假(我怕老細話, 咁你以後陪仔啦, 唔使返工啦!!!!)而且我一請假, 就會全校都知, 煩!!!!
所以今晚好似洗腦咁, 係咁同卓希講係爺爺同tun姐姐陪佢返學, 同返學要點樣守規則(佢未必聽得入耳), 不過我做到幾多就得幾多啦, 連相機都教咗tun姐姐點用, 嚟影卓希返學入學校的情況, 希望影到啦!!!!!
我今日作悶作到想作死咁, 超辛苦!!!!
suklaic 發表在 痞客邦 留言(0) 人氣()
。
，仲眼啤啤咁望人哋係咁
咗，學校的魔力真大呀。
廚藝“棒” (5)
