目前分類:靚太嬌嬌女 (121)
- Jul 07 Mon 2008 21:39
妹妹識爬係到啦
- Jul 02 Wed 2008 22:04
好動寶寶(妹妹)
妹妹成日一醒就係成身都郁,好似無時停咁!超可愛!
近來自己好無用,郁少少都想喊,卓希爸話我都唔知為乜喊,我都唔知,但係有時又好似知,超無用!
近來自己好無用,郁少少都想喊,卓希爸話我都唔知為乜喊,我都唔知,但係有時又好似知,超無用!
- Jun 30 Mon 2008 23:16
多奶茶定係回奶茶
一路以來,我都會留意bk裏的媽媽們講點樣去增多d奶,知道依個良方好耐,不過都未試過,昨晚才第一次試,但係今日覺得奶量少咗.晚上開bk嚟睇,作c,又突然有媽媽話係回奶茶.咁到底係多奶定係回奶啫?????我都係唔好再試啦,萬一真係回咗奶,咁我咪好對唔住個女?????
上奶藥方
上奶藥方
黃耆 10 錢
赤小豆 3 錢
杜仲 4 錢
王不留行 3 錢 (要種子, 不要果實, 附圖)
桔梗 3 錢
當歸 3 錢
麥冬 5 錢
注意: 心悸不可服, 因有活血散瘀
不要用木通, 中醫話傷腎
赤小豆 3 錢
杜仲 4 錢
王不留行 3 錢 (要種子, 不要果實, 附圖)
桔梗 3 錢
當歸 3 錢
麥冬 5 錢
注意: 心悸不可服, 因有活血散瘀
不要用木通, 中醫話傷腎
- Jun 24 Tue 2008 22:15
扭眼訓
- Jun 17 Tue 2008 20:19
拮拮哋
之前坐月時試過乳線炎,以為已經係過去式,點知近這兩個星期,個孔頭成日都好似有針拮的痛法,我一路都無為意,直到昨晚在媽媽網站見到有人post同樣的問題時,才知自己有可能有真菌.
今日打電話返健康院,佢哋依家的服務真係一流,下午就已經可以去睇.原來真係有真菌,唔怪得知上次帶妹妹去打針時,趙醫生話妹妹個口有菌,要滴藥水.依家都唔知邊個傳染邊個?總之就係我要搽藥膏,妹妹要滴藥落口到.28號要返健康院見醫生!
不過人奶照可以飲,醫生話無問題的,仲好鼓勵我多d埋身添!
今日打電話返健康院,佢哋依家的服務真係一流,下午就已經可以去睇.原來真係有真菌,唔怪得知上次帶妹妹去打針時,趙醫生話妹妹個口有菌,要滴藥水.依家都唔知邊個傳染邊個?總之就係我要搽藥膏,妹妹要滴藥落口到.28號要返健康院見醫生!
不過人奶照可以飲,醫生話無問題的,仲好鼓勵我多d埋身添!
- Jun 16 Mon 2008 21:38
十安
昨晚飲完鱆魚蓮藕湯,今早一起身泵奶時,嘩!一邊都有成五安,兩邊加起嚟就係十安!不過我又無谷奶的痛的感覺,只係覺得個胸重!所以十安就已經夠妹妹兩餐,勁開心,我仲擔心返工會影響個奶糧添!不過都係睇定d,也許遲些再忙時奶量會跌!
妹妹已經有成六日無大大,所以今日開始個人有少少忟忟哋,姐姐們話佢飲奶情況不理想,下午打給趙醫生,但佢忙緊,其實又唔想為咗少少嘢就打給他,不過妹妹就真係細,我怕作咗錯的決定就慘啦!但係楂車返屋企的途中諗諗下等都唔係辦法,去藥房買咗小童用的油甘條,幫妹妹塞咗後一小時,嘩!勁多,仲係好軟的,都唔知點解佢唔痾出嚟?(之前只係喺咁放......)佢成個人輕鬆哂,飲奶個人又唔忟,又乖乖地自己訓!
唉!依幾日都唔想寫日記,一放假就想同對仔女出街玩,玩到好夜先返屋企,攪點哂佢哋兩個時大人都散哂,都無乜心機再坐下來寫嘢!
妹妹已經有成六日無大大,所以今日開始個人有少少忟忟哋,姐姐們話佢飲奶情況不理想,下午打給趙醫生,但佢忙緊,其實又唔想為咗少少嘢就打給他,不過妹妹就真係細,我怕作咗錯的決定就慘啦!但係楂車返屋企的途中諗諗下等都唔係辦法,去藥房買咗小童用的油甘條,幫妹妹塞咗後一小時,嘩!勁多,仲係好軟的,都唔知點解佢唔痾出嚟?(之前只係喺咁放......)佢成個人輕鬆哂,飲奶個人又唔忟,又乖乖地自己訓!
唉!依幾日都唔想寫日記,一放假就想同對仔女出街玩,玩到好夜先返屋企,攪點哂佢哋兩個時大人都散哂,都無乜心機再坐下來寫嘢!
- Jun 12 Thu 2008 22:07
奶量
- Jun 07 Sat 2008 21:18
無心機
近來幾天真的無乜心機寫嘢,因為好傻哋倒數要返工的日子,睇住對可愛的仔女就真的好唔捨得。
尤其是個女,近半個月食人奶食得好好, 好到唔肯用奶樽食,吓吓都要埋身。這兩天用盡辦法要她用奶樽都唔得,連針筒都出嚟餵佢,佢都係喊到拆哂天,一定要埋身先肯食。以前卓希出世時,用開“白鴿”牌奶樽,食到成肚風,然後先轉咗用b-free,好好用(不過d配件就洗到cc吓!)。所以今次唔理三七二十一,一早決定妹妹都要用b-free,由初初出世到兩個星期前都肯用,但係突然又唔肯用,今晚攞番d“白鴿”牌的奶樽出嚟用,佢又肯食????真係奇上加奇,我都唔知下星期我返咗工之後佢哋四個係屋企會點算!(無眼睇!)
另一方面,我都擔心個奶量,唔知可唔可以食到六個月人奶呢?盡量啦!
鬼馬妹
我近來真的連影相都無乜心機,幸好卓希爸幫妹妹影了一係列的相!有幾張係幾“鬼馬”的,好攪笑!
尤其是個女,近半個月食人奶食得好好, 好到唔肯用奶樽食,吓吓都要埋身。這兩天用盡辦法要她用奶樽都唔得,連針筒都出嚟餵佢,佢都係喊到拆哂天,一定要埋身先肯食。以前卓希出世時,用開“白鴿”牌奶樽,食到成肚風,然後先轉咗用b-free,好好用(不過d配件就洗到cc吓!)。所以今次唔理三七二十一,一早決定妹妹都要用b-free,由初初出世到兩個星期前都肯用,但係突然又唔肯用,今晚攞番d“白鴿”牌的奶樽出嚟用,佢又肯食????真係奇上加奇,我都唔知下星期我返咗工之後佢哋四個係屋企會點算!(無眼睇!)
另一方面,我都擔心個奶量,唔知可唔可以食到六個月人奶呢?盡量啦!
鬼馬妹
我近來真的連影相都無乜心機,幸好卓希爸幫妹妹影了一係列的相!有幾張係幾“鬼馬”的,好攪笑!
- Jun 05 Thu 2008 22:38
返健康院評估
由於妹妹係私家診所到打六合一,所以今日返健康院都只係評估。姑娘話妹妹係屬於大碼b,咁佢係食全每乳時我都好自豪!
- Jun 04 Wed 2008 21:45
打針日(妹妹兩個月人仔啦!)
好耐之前幫妹妹約咗今日打,一係唔打,一打打兩支:1./ 肺炎鏈球菌, 2./ 六合一, 3./ 仲食埋輪狀病毒的疫苗.妹妹真的好大聲,係好大聲咁喊,卓希以前係唔喊的,但係今日妹妹就不停咁喊,直至到過嚟我手上先唔再喊.
不過到晚上妹妹真的有少少發燒,又唔肯食奶,只好由得佢休息,睇下明天會否好轉,唉!明天又要去健康院,真的節目豐富.
不過到晚上妹妹真的有少少發燒,又唔肯食奶,只好由得佢休息,睇下明天會否好轉,唉!明天又要去健康院,真的節目豐富.
- Jun 01 Sun 2008 22:07
全人奶
眼見仲一個星期就要返工,真的好唔捨得對仔女.尤其是唔知返工後,會唔會仲有咁多奶水,所以依兩日都係咁餵人奶,不過晚上臨訓之前個餐都係要奶粉,想佢可以訓耐D.
哈!出乎我意料之外,我又夠奶水,每次個女食完人奶之後,都會幾滿意咁望著我,個心真的好甜.以前諗住可以儲得幾耐就可以多幾安奶俾個女,原來唔使的,佢都可以好滿足,只要餵密D就得,所以未到夠鐘時,個女一嘈我就會自動獻身.
講起晚上訓覺,基本上妹妹係可以由晚上十點訓到第二天六點幾,不過要係一個條件下先得,就係開冷氣!!!!依個正一冷氣妹嚟的,之前兩晚因為天氣涼番少少,咁卓希爸就話唔好開冷氣,點知咁就慮咗我,因為第一晚個女就四點幾叫我,昨晚仲C,一點幾就叫我,然後五點幾又叫我,真的辛苦C.依個無冷氣的夜奶幾時先可以戒掉呢?
哈!出乎我意料之外,我又夠奶水,每次個女食完人奶之後,都會幾滿意咁望著我,個心真的好甜.以前諗住可以儲得幾耐就可以多幾安奶俾個女,原來唔使的,佢都可以好滿足,只要餵密D就得,所以未到夠鐘時,個女一嘈我就會自動獻身.
講起晚上訓覺,基本上妹妹係可以由晚上十點訓到第二天六點幾,不過要係一個條件下先得,就係開冷氣!!!!依個正一冷氣妹嚟的,之前兩晚因為天氣涼番少少,咁卓希爸就話唔好開冷氣,點知咁就慮咗我,因為第一晚個女就四點幾叫我,昨晚仲C,一點幾就叫我,然後五點幾又叫我,真的辛苦C.依個無冷氣的夜奶幾時先可以戒掉呢?
- May 29 Thu 2008 21:53
癡身膏藥
妹妹真係癡身膏藥,兩個姐姐抱佢都唔肯,係要大大大大聲咁喊,引我出手抱佢才收聲.咁我返工後點算?????無眼睇,只好有時係ip cam到睇下佢哋攪成點.
第二樣令我有些擔心的是妹妹好鐘意埋身餵奶,近幾天開始唔肯食奶粉,連我好辛苦先泵到出嚟的人奶(一日三次,每次都泵到最少三安),放係奶樽到佢都唔肯,一定要埋身.其實我好鐘意同佢埋身食奶,個感覺好好,不過長遠嚟想,佢一定會係屋企到喊到拆天,唉!點自算呢?
第二樣令我有些擔心的是妹妹好鐘意埋身餵奶,近幾天開始唔肯食奶粉,連我好辛苦先泵到出嚟的人奶(一日三次,每次都泵到最少三安),放係奶樽到佢都唔肯,一定要埋身.其實我好鐘意同佢埋身食奶,個感覺好好,不過長遠嚟想,佢一定會係屋企到喊到拆天,唉!點自算呢?
- May 20 Tue 2008 22:39
二對一
兩個姐姐晚晚都想攪得點妹妹,之但係我個女又點會咁容易攪呢?到最後咪又要我出馬!
- May 11 Sun 2008 15:42
洗禮
- May 08 Thu 2008 21:28
改名
妹妹就快四十日啦!係時候要改名,我哋會用“芍”字係中間,因為堂家姐都係用依個“芍”(芍藥,白芍)。
爺爺俾咗d選擇我哋:
芍昕:黎明,明亮
芍芬:芬芳
芍蓓:蓓蕾
芍婷:娉婷,婷婷玉立
芍莛:麥莛兒
芍芙:芙蓉,芙蕖
不如都請大家俾d意見啦!星期日前一定要決定到,因為妹妹星期日洗禮啦,到時就要有一個決定性的名,下星期仲要去拿出世紙!
爺爺俾咗d選擇我哋:
芍昕:黎明,明亮
芍芬:芬芳
芍蓓:蓓蕾
芍婷:娉婷,婷婷玉立
芍莛:麥莛兒
芍芙:芙蓉,芙蕖
不如都請大家俾d意見啦!星期日前一定要決定到,因為妹妹星期日洗禮啦,到時就要有一個決定性的名,下星期仲要去拿出世紙!
- May 06 Tue 2008 21:48
近照
很多朋友都話我好少放妹妹的相上網,真的無時間,一有時間我都走上床到訓。所以日特別影咗少少相!
飲緊人奶時的“林”樣
換緊片片時的舒服樣
由於我哋屋成座樓做緊大維修,今日仲好似“四面楚歌”,廚房位的天井又有人係到做嘢,睡房外又有吊船,廳外又有另一架吊船,真的吵耳,所以下午決定入一入沙田mormor,morfar屋企,走開吓都好!咁啱,anders舅父的電單車係到,卓希就一定唔放過咁的機會!
天若有情的最新做型照!(哈哈哈,新一代的牛德華!)
mormor抱住妹妹的滿足樣
後記:
今早妹妹返咗健康院,重4.69kg,所有黃疸都無啦!
仲有呀,今日泵奶放入冰格時,見到一個壯觀的情況,就係save咗好多人奶呀!
猜猜有幾多袋?
答案係:15袋,每袋最少有五安,有d有成六安的!希望返工後可以保持啦!
飲緊人奶時的“林”樣
換緊片片時的舒服樣
由於我哋屋成座樓做緊大維修,今日仲好似“四面楚歌”,廚房位的天井又有人係到做嘢,睡房外又有吊船,廳外又有另一架吊船,真的吵耳,所以下午決定入一入沙田mormor,morfar屋企,走開吓都好!咁啱,anders舅父的電單車係到,卓希就一定唔放過咁的機會!
天若有情的最新做型照!(哈哈哈,新一代的牛德華!)
mormor抱住妹妹的滿足樣
後記:
今早妹妹返咗健康院,重4.69kg,所有黃疸都無啦!
仲有呀,今日泵奶放入冰格時,見到一個壯觀的情況,就係save咗好多人奶呀!
猜猜有幾多袋?
答案係:15袋,每袋最少有五安,有d有成六安的!希望返工後可以保持啦!
- May 05 Mon 2008 16:01
我真係發燒呀!
昨天發現右邊胸痛,今早起床就發現連左邊都痛。快快拿奶泵出嚟泵奶,但係中間最入的都係泵唔到,只係鬆到外面的範圍。要妹妹幫忙啜,佢又顧住訓。早上我還去了一趟銀行,在途中已經覺得自己唔妥,腰好似燒的痛,喉嚨又好熱,我知自己發燒了,快快返屋企。
唉!燒到39.4度,想去睇醫生,醫生又落咗場,成個人都無力落樓。上網找有關乳線炎的資料,見到原來好多餵人奶的媽媽為咗個小b,忍痛同發燒,一定要小b埋身餵!有一個仲食粒panadol,突然俾我諗起,懷孕時醫生給了些panadol給我看門口,都無食過,快快找它出來。然後用奶泵先把前奶泵出來,然後就要妹妹幫忙埋身食,果然鬆咗好多,個頭都無咁重。不過都係有痛的感覺,所以其實一日有三餐食奶粉的(要預備我返工後無咁多奶水麻),便放棄一餐,全面要妹妹埋身!
下午訓咗半小時後,燒退咗少少,但都還有燒,要努力泵奶!
到晚上基本d燒都退咗,不過有部份都係未通得哂,妹妹要幫我呀!
- Apr 30 Wed 2008 15:41
提早攪滿月酒
- Apr 27 Sun 2008 20:22
小親親
- Apr 26 Sat 2008 21:47
未有時間
妹妹返咗屋企咁多日,我都好少同妹妹影相,個人真的好攰.
今日妹妹著咗一件粉紅色衫仔,嘩,原來著番女仔顏色的衫仔又真係似多咗女仔.(嘻!佢亞媽我係屋企全部都係俾以前卓希哥哥的衫佢著,所以咪仲似男仔頭) 連陪月ee都話原來妹妹幾靚女.所以個心好想同佢影相,但係一有時間我就走咗去訓,到晚上的時候就因為光線的問題唔想影,希望明天啦!
今日妹妹著咗一件粉紅色衫仔,嘩,原來著番女仔顏色的衫仔又真係似多咗女仔.(嘻!佢亞媽我係屋企全部都係俾以前卓希哥哥的衫佢著,所以咪仲似男仔頭) 連陪月ee都話原來妹妹幾靚女.所以個心好想同佢影相,但係一有時間我就走咗去訓,到晚上的時候就因為光線的問題唔想影,希望明天啦!