自上星期產檢後，今個星期又要去產檢了！今日仲要見醫生添，醫生模肚，話老二已經好落，問我晚上個肚係咪好賓同重，我話有呀，都好多次，整到我一到晚上成個人都好唔舒服。醫生話就快係時候了，叫我好好咁執好個“走佬袋”，仲將我咁多次係母嬰健康院所有的記錄封好交給我，話如果一入院都有係手。
突然間，個感覺好緊張添！唔知今次要生時症狀會係點呢？因為上次我無經歷過任何症狀，係醫生要我入院催生的。但今次應該如無意外，係我可以係屋企直至有要生症狀先會入院，所以有少少緊張。
穿水？見紅？陣痛？唔知邊樣先呢？我就最唔想就係穿水，因為我好怕整到週圍都係，如果係的士到整到人哋的車，仲唔好意思添，所以真係要睇下今次會係點啦！
suklaic 發表在 痞客邦 留言(1) 人氣()
好耐無好似今日咁訓咁多次啦，一早卓希六點幾就醒咗，咁佢就一定唔放過我哋兩公婆啦！之但係真的好攰，早上十點幾係sofa到訓咗，下午係sofa到又訓多次，之後走咗上床到，居然又訓咗，雖然每次都只係半小時(已經好好啦，卓希係咁癡住卓希爸，起碼我有時間去休息)。
自從有咗老二之後，真的未試過好似今日咁訓得咁多，一來卓希爸係屋企，卓希豬的目標就係佢爸爸身上，二來近來真的好多嘢做，個肚又大咗，真的好好好攰，所以如果餘下的幾個星期都好似今日咁有得休息下的話，我想老二一定可以長到胎的呢！
suklaic 發表在 痞客邦 留言(0) 人氣()
今日係baby kingdom到睇到媽媽們對餵人奶的問題，令我想起上一胎唔夠人奶，聽同事話佢哋d人奶多到係咁射出嚟，但係我無，又無谷奶的感覺，所以都係要補奶粉(當時覺得自己好無用)。不過卓希埋身食時，又好似係食到的，不過就係pump唔出，當時已經預備好，返工的話，就要pump定d人奶，點知所有奶袋都無用武之地。但係我餵人奶都餵到卓希五個月，到最後係佢唔肯埋身食，所以我都無迫佢(鬼叫自己無乜奶咩)！其實上次已經飲同食咗好多上奶的食物(嗰時有陪月)，之但係都上唔到奶， 所以今次其實都係會有陰影。
今次去母嬰健康院，個姑娘係咁話我上次無恆心，今次要重頭再嚟過(講到我又開始無信心啦)。依家第二個就快要出世啦，我又怕會歷史重演，唉！都唔知點算好！
suklaic 發表在 痞客邦 留言(2) 人氣()
今日覺得老二重咗好多，因為我條腰好痛呀！晚上返到屋企，除咗條托腹帶後，個肚重到好似就嚟行唔到咁，後來卓希爸建議我著返托腹帶時，就好咗少少。哎呀！點算呀，仲有成個幾月先挨到佢出世，咁重我點頂得順呢？係心光成日要行嚟行去，點得呢？
不過，好彩今個學期開始，上小一聖經時有個助教幫一幫我，起碼可以睇住嗰隻周大少，我可以專心教導另外三位小朋友。雖然佢哋都係無乜大反應，不過我可以專注係佢哋身上時，情況就好好多，今日都答到我少少的問題！
好攰！要休息！
suklaic 發表在 痞客邦 留言(0) 人氣()
今日去覆診，又俾姑娘同醫生話我血壓高(點解我次次都要見醫生，其他人都唔使)。鬼咩！我依兩晚都訓得唔好，又點會唔高Y？我依兩日凌晨四點就醒咗啦，跟著係張床到look嚟look去，唔係條腰痛，就係個鼻塞塞咁。醫生話叫我食piriton啦，舒緩一吓個鼻的情況，等個人可以訓到，bb都舒服d。
不過我食咗piriton之後個人真的好攰，尤其是早上起身時，特別辛苦。咁醫生就提議我早少少食，等d藥的藥力時間唔會拖到早上。好啦！今晚就試下先啦，橫點明天不用返工。
suklaic 發表在 痞客邦 留言(1) 人氣()
今日去咗東區醫院到做妊娠糖尿測試，但係就唔舒服咗成日。事緣今次飲糖水，同上一次一樣都係咁甜的啦，不過今次甜得嚟令到我好暈，個人好唔舒服，好多胃氣。直至到晚上，仲有好暈的感覺，個口仲好似有糖水嗰陣甜味咁。真係唔知係咪年齡大咗呢？所以d反應有咁大，希望明天返工時會好d啦，因為明天有成三個會要開，仲要監兩節考試。
矛盾
人哋話要除始毒的話，六個月就要食涼嘢。但係我依家七個月，上星期日先去學人食龜齡糕，點知昨天(星期一)都係咁流啡，但係每次都係少少啫。不過食咗之後，依兩日去洗手間大又好順利。所以食就會流啡，但係又可以去到洗手間。唔食，就無事，不過就便秘。做人係咪好矛盾呢？
suklaic 發表在 痞客邦 留言(0) 人氣()
今日係我有生以來第一次要去母嬰健康院到產檢，由於我今次都係選擇係東區醫院到生，所以都係返柴灣的母嬰健康院到產檢。唉！搵到我成個傻婆咁，原來個入口都幾難找的。
我今早的堂認真係full到不得了，一放lunch就快快咁去辦公室到執嘢同走人，走得嚟都成十二時四十五分，但係要一時半去到健康院，那只好採行多少少油。泊得車嚟，搵得個入口，都差唔多一時半，原來咁早去到係要聽talk，唉！我話我第二胎啦，唔聽啦！個肚餓到cc吓，又咁趕，攪到d血壓係咁升，仲邊有心機去聽talk。跟著走咗去新翠商場到買個包仔咬住先，然後就去等見姑娘。姑娘同醫生都話我血壓高咗少少，要多加留意 130/80。
哦！原來我個老二已經係七個月啦？？？我成日以為佢只係得六個月添，真的對唔住老二。以前第一次有卓希時，我可以細心到有本書講bb係肚裏時每星期的變化，跟著就每個星期mark日期落去。但係今次真的無乜時間去做，只係照產檢的日子去聽聽醫生的advise。唉！所以我成日都覺得好對唔住老二，好似對佢的關注無對卓希時咁多，希望佢出嚟時我可以補償多d俾佢啦！
啍！啍！啍！至於性別！我唔想講住，因為今次想賣吓關子先！大家繼續猜吓啦！
| |
卓希豬 |
楊老二 |
| 頭三個月 |
嘔到cc吓，體重下降，一聞到油煙就嘔 |
都係嘔到cc吓，食嘢方面只係想食公仔麵 |
| 行動方面 |
好輕型的步伐，行路可以好快都得 |
“理盡”咗好多，肚皮鬆咗就成日long long吓 |
| 肚中間條線 |
係肚臍上下都有一條分界線 |
只係喺肚臍下有一條分界線 |
| 皮膚 |
額頭勁爆暗瘡 |
手腳的濕疹出哂嚟 |
| 睡眠 |
成日都可以隨時訓得著 |
試過失眠，訓得唔好 |
suklaic 發表在 痞客邦 留言(0) 人氣()
一到週未有得休息時，我個肚又好似大咗咁，因為晚上著睡衣時，感覺好似窄咗，連最後一粒衫扭都要開著透氣！
仲有幾個月，快啦！好想睇吓老二個樣係咪同卓希出世時一模一樣。因為卓希的契哥同契妹出世時，係好一個餅印咁！我又好想睇吓自己嗰個係咪又係咁，我想睇今次老二似唔似我咁靚！哈哈哈！
suklaic 發表在 痞客邦 留言(4) 人氣()
之前老二大約四個月到，就已經感覺到佢係個肚到“游水”，也許已經有了第一胎的經驗，所以一有個種好似有條魚係肚到游水，就知道係老二郁啦！
這幾天開始放假，去洗手間的次數都密咗，咁即是話，老二開始長胎啦！之前我好多同事都話我個肚都無乜點大，又話我唔似大肚，但係依幾日我真的覺得個肚大咗，老二壓住我個膀胱，所以去洗手間的次數多咗，但係量就少！
老二呀！老二！你大還大呀，千祈唔好令我咁辛苦，今胎我都覺自己“輪盡”咗好多，個身體好似重過上次好多，尤其是條腰痛c人。上次條腰都唔係咁痛，但係今次真的痛到我想大喊！
suklaic 發表在 痞客邦 留言(0) 人氣()
昨天收到東區醫院寄來的信：
茲通知閣下之胎水報告顯示出嬰兒之染色體正常！
咁都放下心頭大石，不過我自己都覺有時好對唔住老二，好多時又會個人好忟憎，話豬仔希時又會好動氣。又無時間休息，都唔知佢長唔長肉？唉！等我過咗個最忙的十二月後，就要好好咁休息，等老二食好d，又訓好d先！
仲有呀！我哋知道佢的性別啦！哈哈哈！
suklaic 發表在 痞客邦 留言(0) 人氣()
晚上約了一個陪月員來我家, 為的是簽合同. 其實佢都唔係別人, 係以前幫開我湊卓希第一個月的嚴小姐. 不過只是短短兩年幾, 價錢貴咗好多, 指定人選仲要加多一千大元, 真的好貴.
不過我唔會靠嫲嫲的, 因為佢仲要湊住堂家姐, 邊有時間理我呀, 所以我成日都話, 自己做到的嘢, 唔好指意別人會幫你, 自己做咗佢仲好啦!
suklaic 發表在 痞客邦 留言(0) 人氣()
今日星期二，係好多堂的一天，最後一堂聖經堂仲係班令我完全無成功感的小一，簡直就係勞氣。
返到辦公室，覺得好個人好似有少少唔妥，但係又講唔出邊到唔妥。咁就去一去洗手間，係洗手間到發現自己下體流出些“早”紅啡色的物體，突然有驚的感覺，因為上一胎都無依個問題，今次頭三個月只係嘔得利害，都無依個問題。第一時間便找judy問問意見，但係又剛剛找不到她。幸好卓希的契媽空堂，便找她商量商量，她說好少會過了三個月都係咁，叫我快些上瑪麗醫院的急政室，咁我只好又向校務處請假去瑪麗。咁啱係三樓又見到jason，佢就車我上去醫院到。我以為大肚婆會快啦，點知佢話唔係深紅色的話就要輪，要等成240min(嗰到寫住等候的時間)，即是四小時，我真是心急到不得了。
但就在這個時間，找到judy啦，佢幫我立即問佢個學生陳醫生，陳醫生建議我立即去佢的診所。其實我好怕要朋友咁樣搭上搭的，會欠人人情的，但今天事情來得太突然，不過不去中環。堂我去到中環時，judy為了我不去醫院探人，在中環等我一起去睇醫生，真的教我很感動，教.我.如.何.不.愛.她？？？
陳醫生真的好細心，一見到老二的心跳便叫我放心，然後就係咁照，一路照就一路解釋給我聽，仲講埋bb的性別給我知添！醫生話應該係字宮頸微出血，叫我不要操勞，要我休息幾天。醫生的假紙係由今天計起三天，雖然如此，但係我諗我只會請明天假，因為星期四有崇拜，晚上團契要外出，有義工幫忙，但係得我一個職員，所以星期四不得不返。而星期五又要請假覆診，再係咁請假落去的話，我怕心光好快會抄我！
不過我諗judy講得好啱，也許是我近來對個個不知所謂的新人好勞氣，成日講大話，又成日刷高層鞋。我都唔想勞氣，不過佢已經係我背後攪緊分化，消到我個啖。唉！天父，真的不知何是好？？？
suklaic 發表在 痞客邦 留言(2) 人氣()
昨晚頭“尺尺”，好攰，一逹落床就訓到大天光。雖然晚上都有起身兩三次去shu shu，但係整體上都係長的休息。所以今早卓希未夠六點就過嚟大床叫醒我哋時，我都無咁忟。有時真的攰到好鬼忟，卓希好似定時的鬧鐘咁，日日都六時至六時半之間起身，近來仲早咗添，激c！
今早唔可以懶床，因為要預備帶卓希返學，之後就同卓希爸去東區醫院，目的係抽羊胎水。今次抽羊胎水的感覺比較痛(比起上次)，不過緊張又無上次咁緊張，只係個針位真的有點痛。
照超聲波時，由於亞老二成日週圍走的緣故，醫生成日都要推我個肚皮去轉佢個身。到照背部的骨幹時，按得我個肚好痛，都無乜心機睇。醫生話，整體上初步睇到老二的身體結構好好，無乜事，都仲要等三個星期後報告出才知結果，咁好啦！又係等！
suklaic 發表在 痞客邦 留言(0) 人氣()
今日係開校務會議之前五分鐘，東區醫院打電話嚟，話我上次抽血驗唐氏綜合呈陽性反應。我即是好唔開心，又係咁？？？記得有卓希時都係咁，嗰時我同卓希爸仲抱頭痛哭添，因為以為個仔會有事。
卓希爸同卓希的契媽都安慰我，話上次有卓希時的機會率係四份一，卓希都無事，今次係二百六十份之一，都一定會無事的。不過話唔係咁講，做人點都要為那一份而有心理準備，所以咪唔開心囉！
依家約了下星期五要返醫院到，抽羊胎水，又要照超聲波！我都已經request咗卓希爸要請假都要陪我啦，我唔想自己一個人面對著醫生同護士。其實我係擔心抽的時候會整到小b，而且要等成三個星期才有報告，那等的時間才是最難受！
本來我係諗住今胎一定無事的，因為有了上次的經驗，諗住自己小心d，應該唔會要去抽羊胎水，點知又係咁！我同卓希爸話，點解我哋加起嚟的嘢，往往會有咁的結果？乜唔可以好些嗎？卓希爸安慰我話今次的比率已經係細好多，已經咪好過上次囉！
求天父加給我們力量去面對！
suklaic 發表在 痞客邦 留言(1) 人氣()
今早有好多工作要完成，因為下午要去產檢，所以早上處理得幾多文件就幾多。不過都做到眼花，因為係咁安排十二月聖誕節的節目，日日做到無停手！
下午去產檢，問醫生我的糖水報告時，佢話未飲之前係5度，飲咗之後係7.6度，啱啱好pass，如果超過7.8度就要捉我入院住一日，聽見都怕怕！
但係明年一月又要去飲過,我諗到時無今次咁容易過關啦!
依家公立醫院的醫生一d都唔會再咁容易開藥，今日醫生問我點解我咁重鼻音，係咪傷風？我話唔係，係鼻敏感，順便問佢要多少少piriton同panadol，佢話自己去藥房到配啦！乜咁兒戲的，自己去藥房到配？
乜唔係大肚要小心食藥的嗎？
怎可以這樣叫一個大肚婆自己去配藥？容乜易會配錯的？我知公立醫院要cut好多資源，但係都唔係找大肚婆開刀啦？？？唉！對依個政府好鬼失望！又唔放多d產假，但係又叫人生多d，唔使養咩？
suklaic 發表在 痞客邦 留言(0) 人氣()
今早去咗東區醫院到飲糖水，目的係睇我有無妊娠糖尿。嘩！去到有成大約三十個大孕婦，我個肚係最細嗰個，因為我十幾週已經去麻！
上一次都飲過，今次一飲，簡直係甜到想嘔。快快的飲下後，個心口頂住又頂住，真的好想嘔。今次仲慘，上次有卓希時都可以去走廊到行行，分散下注意力，但今次姑娘唔准走出去，要三十幾人係間房到等，同睇碟。我簡直係悶c！
仲要抽成三枝血，我雙手都有針筒，整到我雙手都有少少麻痺！
好啦！又要等一個星期，睇姑娘會唔會打給我，希望唔好打給我啦，一打給我即是話我fail咗，又要立即入院食糖尿餐測試。
今晚上網找到這“生命的誔生”，很有趣！令我想起有卓希時的情況！
suklaic 發表在 痞客邦 留言(1) 人氣()
話說以前有卓希時，我係baby kingdom到問一些媽媽要了bb會的forms，一填就填好多間，嗰時卓希爸仲串我，填咁多form嚟有鬼用咩？啍！就係好有用，初初係咁等佢哋寄嘢嚟，點知佢哋又唔寄，後來卓希出咗世後，就不停地有唔同的sample嚟。尤其是尿片，fitxx仲送咗成包初生尿片，seaxxx又可以以底於半價換到初生尿片，慳埋慳埋都唔少錢。其他奶粉sample就寄給有需要的媽媽們，真的幾好呀！
所以呢，今晚我係咁填(我之前save咗係電腦到，依家咪可以用番)，然後fax的fax，要寄的寄，等遲d細b出世時，可以有好的預備！
suklaic 發表在 痞客邦 留言(0) 人氣()
唉！楊老二呀，楊老二，你係咪咁naughty，已經夠三個月啦，仲係咁整到我嘔？
這個星期仲過份，依頭食完嘢，嗰頭就頂住個心口，一去到洗手間就係咁嘔哂出嚟！食咗即是=無食過！之但係食埋d無益的嘢(例如公仔麵)，佢就唔嘔返出嚟，係咪俾佢吹漲！！！
卓希爸話要我找個私家的婦產科醫生嚟睇(因為上星期去東區醫院時，醫生唔so我咁嘔法)，但係我怕個個醫生都會話嘔係正常的！咁睇嚟都無用啦，而且十月同十一月我有好多日已經要請假去東區醫院，唔想再請假！
suklaic 發表在 痞客邦 留言(0) 人氣()
今日係正式的產檢，不過有唔開心的消息，就係我兩星期後要去飲糖水。我問醫生，點解今次咁快就要去飲糖水，佢話因為上次我有卓希時，都係啱啱係邊界，有一兩次仲高咗少少，所以今次就要咁快就去飲糖水，到二十九週後又要去多次。即是話人哋可以只去飲一次糖水，而我就要起碼兩次，諗起都驚，好鬼甜，又好想嘔，但係唔嘔得，如果一嘔就要約過第二日再嚟過，所以上次我點都飲落肚到，唔俾自己嘔！
不過開心的係卓希爸同卓希都可以陪我去醫院，一家人的support好重要，佢哋兩個都聽到bb的心跳聲。一入到醫生房，醫生就問：「依個係咪就係上次係到出世嗰個嚟的？個頭有無一大一細呢？」嘩！醫生真的好叻，係咁短的時間已經睇咗我厚厚的file，仲知道卓希係吸出嚟的。我話：「係呀，係楊醫生接生的。」跟著我好自然咁望依個醫生的名，原來佢都係楊醫生，佢見到我望佢的名，就話：「係另一個楊醫生。」咁我都認得，上次嗰個楊醫生好後生的，今次依個係上咗年記的！
今次依胎真的比較辛苦，過了三個月仲係咁嘔，好似昨晚咁，嘔到我喘哂氣，無哂力！而且今次返醫院的次數多過上次，一開始就每個月平均去兩次，有時要去三次不等，真的超煩！
suklaic 發表在 痞客邦 留言(0) 人氣()
今日我開始感覺到個細b的動靜，就係佢係我個肚到move。感覺就好似一條魚係肚到游一樣，去完左邊又去右邊，好得意！以前有卓希時，都要成四個月先感覺到，但係今次真的咁早。卓希的契媽都講過，第二胎係會快感覺到的，希望佢係個乖乖豬！
suklaic 發表在 痞客邦 留言(0) 人氣()
廚藝“棒” (5)
