由星期五開始就忙到不得了，先是芳ee請假去睇醫生，我就一個人湊卓希。隻豬仔同我一齊時都算幾正常，早上一早起身後玩一陣，九點上床玩，我就所謂的陪他在床上，點知係我訓先，到時醒時就發現佢訓係我雙腳到，可愛到不得了！
不過可愛之後就係咁扭，佢訓咗後，我就係咁做家務，預備好哂佢的魚片粥，等佢起身就有得食，十一點到起身，食完粥都好正常，但係之後我要預備同佢出街之前要換片之時，佢就唔准我同佢除褲，又唔准換片，我一於唔理，係咁換，佢就係咁咸。我換完之後都無啋佢，今次佢知c啦，因為得我一個同佢係屋企，佢就係咁一咯咸住咁跟著我，我又一路唔理佢，所以佢又咸到嘔番粥出嚟，佢見到自己又做錯事後就走開咗。唉！鬼咩！平時佢一咸的話芳ee同卓希爸就第一 時間去幫佢，又滿足佢，我唔會的，咪由得佢咸，就算嘔都由得佢，佢肚餓自然會要餅食，無問題的。
之後我哋去咗屯門我個妹到，家姐生咗孖胎係醫院，佢幫家姐湊住傲熙，
卓希初初都係咁咸，但我哋所有人都唔理佢，佢見無癮就只好走去同傲熙玩，真的平時俾人縱慣。
星期五晚原來好攰，好唔想返學，但想下星期要交功課，也許講師會流一些口風習樣去做，點知好彩我有返，佢成份功課由頭講到尾！返到屋企，我諗諗吓都係要做埋功課先，怕第二日先做，自己會忘記哂佢講的嘢，所以一做就做到凌晨兩點。當時只差總結、目錄同參考資料未做。
星期六早上，卓希一如以往的倒塔咁早起身，攰到我cc吓。又要帶佢去playgroup，
之後我哋仲一齊去飲茶，佢依家食嘢係見到乜嘢係佢前面的話，就會用佢的spoon去拿，所以佢成碗都係食物，
依個仔真的有點兒自私，唔識同人分享。
下午嫲嫲帶堂家姐來我們家玩，兩個子朋友乜嘢都要搶一餐飽的，等嫲嫲他們走了之後，我哋去了apm，因為我係ceu的vip，佢有vip的特價日，想去入少少貨，主要係想返工有些好睇少少的衫，不過就失望而回，所有有我size的，都是casul look，可以著得返工的都無哂我的size，佢只係做了一天的vip特價日已經無哂我的size，有無攪錯，所以只得一件戰利品。
晚上等卓希訓了之後，我又開始做功課，一直做到十二點半，所有嘢都做好哂，只差較對，不過我太攰啦，所以唔做住！
全站熱搜
留言列表
廚藝“棒” (5)
