今天攰到c，d眼直頭唔想張開咁樣，卓希五點幾醒咗，又要訓我個位，跟著係咁指房門口，我猜他要奶奶，但我真的無力，用個背部對著佢，佢就係咁咸，咁樣卓希爸先醒，抱住佢一陣就訓番。所以話，個仔半夜就只係會蝦我一個，因為我醒訓！
早上趕哂所有課堂後，下午便去銅鑼灣睇皮膚科醫生，因為之前我post咗出嚟有關我的腳指甲後，有媽媽告知我一定係有灰甲，叫我快些去睇醫生。咁我今天便去見醫生，佢話我唔係有「癬」，而係有真菌的「灰甲」。又話因為我生了小朋友之後，好可能身體比較弱咗，所以就容易俾d真菌入侵，不過都係輕微的，只要搽藥膏便可！咁我都安心些，希望快d好番啦！多謝孖b媽告知！
 
晚上返屋企之前就去了新屋到睇睇，因為明晚要返學，星期四晚又要工作，星期五晚又要返學，所以咪今晚去睇睇，只是鋪了電線，原來很簡單的，只是在地下弄一條路軌，跟著就咁放d電線落去再鋪返英泥！
 
卓希房的電制
 
返到屋企，預備同卓希一齊整蛋糕，因為明天要開學生輔導組，好似個個同事次次都有些貢獻，但我就未試過，所以咪橫惦都係，就齊蛋糕啦，都好，免得自己生手！卓希係咁玩我的用具，佢唔扭的話都算，但係今晚就真的扭好多，那是因為他食了藥，很睏。但我都無放過佢，佢扭計便捉他入房，只得我同佢時佢會冷靜下來，但一出到廳見到兩個靠山時，又會！佢今晚食飯都好naughty，卓希爸好惡咁望住佢時，佢居然會知，仲識得用眼咁“射利眼”望返卓希爸。所以事後我都同卓希爸話，唔好以為個仔細，乜都唔識，其實佢乜都知又乜都識，只係佢扮傻！
 
不過今晚都有見樹，就係整了蛋糕，希望入得口啦！
 
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄