close
由卓希開始識踩單車後，有時係公園佢見到d哥哥們踩有輔助wheels的單車佢就好想要。近來連堂家姐都換了一輪咁的單車，卓希試過又夠高，又好玩，仲係爺爺屋企樓下的廣場到係咁踩，所以佢成日叫我哋買俾佢！
其實係過年前，柴灣的謙謙表哥已經講好會將佢輪單車過俾卓希，不過佢亞媽我想屋企無位放，拖得就拖，諗住遲下等老二出咗世後睇定d先算。之但係卓希近來係咁“um”住，咁我就出咗一些條件要佢做到先可以得到，因為我唔想佢咁容易就得到想要的東西！
之前係香港電台到睇到一個節目，講有關教仔方法，話用貼子做獎勵計劃，當時我仲諗，卓希咁細個，唔使住啦！點知一年都未夠，就要用這個方法了！
計劃是好似惠康買嘢有印花一樣，儲夠五十個就可以有單車。原來效果真的很好，起碼卓希同我一齊的時間合作多過扭計，佢同卓希爸的時間就另計(因為佢哋會產生化學作用)！好似昨晚我哋話如果佢半夜唔嚟大床的話，就可以有印花(貼子)，佢成晚真的無嚟到，成凌晨五點幾先嚟，仲乖乖的由卓希爸帶佢去洗手間vv，唔使v係片片到！早知係咁，就一早出依招啦！
全站熱搜
留言列表
廚藝“棒” (5)
