close
今日要帶妹妹去母嬰健康院到check黃疸，但係我個心有好大的陰影，就係以前卓希豬好黃，要日日返東區醫院到驗血，所以今日臨出門口之前，我緊張到成個人都係咁震。手同腳都係咁震，陪月ee見到咁，叫我坐下飲杯水，同食粒塘！

好彩！妹妹額頭係18度，個身係19度，啱啱好，不過未來幾日都要返母嬰健康院到check住！

另一樣令我有少少煩的是妹妹的食人奶問題，我由昨天開始好谷奶，但係佢都只係食到面個d，最入面個d佢點都食唔到，令到我好痛！今日係咁pump奶，初初兩邊加起來只有安半，然後兩安。去到健康院，姑娘話係妹妹個嘴要再食大範圍d，嘩！只係佢幫一幫我，妹妹食咗十分鐘，就鬆咗d，所以晚上又pump奶時，明白個技巧，就可以pump到成四安奶！

我同妹妹都要加油呀！
arrow
arrow
    全站熱搜

    suklaic 發表在 痞客邦 留言(3) 人氣()

    E-mail轉寄