今日係試驗期,一大早爺爺就六時三十分嚟到我哋屋企,卓希都未醒。到我差唔多要出門口時,佢就醒啦,咁梗係我要處理吓佢先至出得門口,成七時十五分多少少先至出到門口,為了唔遲到,只好晨早就用西隧。


八點我打電話返屋企時,問爺爺有無問題,佢話無,卓希指住個電視話要睇電視,咁爺爺就開咗我哋預備好的叮噹佢睇。


之後我成一點先有時間打返去坪石棧,問嫲嫲卓希有無扭計,嫲嫲話無,好乖,仲乖過平時星期日返去食飯添(梗係啦,有卓希爸係到就一定有化學作用,卓希爸教乜科Y?化學麻)佢食完粥之後,就走去訓覺,只不過當堂家姐返嚟時,就肯定被吵醒,都算啦,兩個小朋友係埋一齊就一定係咁的啦!


今晚同卓希玩,然後要佢飲水,之前佢自己揀的個隻叮噹杯已經唔係好肯用啦,咁今晚我就俾combi的水杯佢,無蓋的,好似大人咁飲水,仲有一個鐵蓋給他。我都話卓希自己會成日自創玩意啦,就係咁玩個杯蓋,笑都笑到你肚痛。       


卓希訓咗之後,我同卓希爸開始真正要面對搬屋的事情啦,摺好d紙箱然後就係咁執,二十五個紙皮箱都已經執咗六個,全部都係書同documents,都未到戲玉!衣服都執咗兩個大的紅白藍袋,所以話唔找搬運公司係唔得的!


p.s. 卓希爸終於同我哋兩母子say sorry啦,我哋兩個都好受落!

arrow
arrow
    全站熱搜

    suklaic 發表在 痞客邦 留言(0) 人氣()