今日卓希參加了一年一度的“獵蛋奇兵”,係愉景灣!由於有了上次去愉景灣的經驗,今次點都自己楂車去欣澳站,然後轉巴士,嘩!原來咁樣真係方便好多!

今早係屋企,真係好熱,等我仲同兩個小朋友著咗短袖衫,點知一去到就知不妙!好彩自己有第六感,幫佢哋攞咗長袖衫,妹妹仲有外套,咁先頂得住,但係我自己就…………………..唉!

page.jpg 

未去之前,我係別人的BLOG到睇到有乜嘢玩,原來和上次步行一樣有好多攤位玩的,一去到,各小朋友們已經第一時間玩最刺激的:滑盤!人太多,等都要等半小時!(上次因落雨的關係,最多等十分鐘)

 

因為肚餓的原故,我哋只係玩咗兩個攤位,就去M記醫肚,但係都唔簡單,因為好多人排隊!

到咗最緊張的時刻,就係真的挖蛋,5-6歲組,家長唔准陪!當我睇住卓希的背影企係到預備時,個心好感動,好有衝動想去攬住佢,因為佢已經大個啦,唔使爸媽陪住比賽!

page2.jpg 

一路都想影佢,但都只係得個“背影”,太多小朋友!仲有D小朋友特登整起D沙,我幾怕會整到卓希,好彩佢自己醒目,避開哂之餘,仲力保自己辛苦挖的蛋唔好俾人創走,因為我見到有小朋友就挖到隻蛋時,被其他小朋友拎咗,喊得好慘呀!

 page3.jpg

 

 

成績係:4隻,叻,叻!

 page4.jpg

妹妹未夠年齡去參加比賽,只好自己玩沙,但係都玩得好開心!

page5.jpg

感謝天父,一夠鐘挖完蛋之後,就落大雨,我哋怕兩個小朋友(尤其是妹妹)會冷親,所以就走人!但係其實我好想卓希可以繼續同朋友們一齊玩,好難得先約到出嚟,但係玩咗少少就走人,所以希望下次再有機會出嚟玩啦!

arrow
arrow
    全站熱搜

    suklaic 發表在 痞客邦 留言(1) 人氣()