今日同學校班校工一齊佈置聖誕裝飾，連續做咗三小時之後，手軟腳軟咁，我以為自己血糖底，快快咁食糖！
但係之後都無乜點好到，個心仲跳得急，但係又要快快咁去香港仔換西餅，請一眾工友食，佢哋都出咗唔少力水！
到上完堂，開咗會後，我真的好攰，好似無哂力咁，但係要預備聖餐崇拜，唔可以唔郁，係咁迫自己郁快快咁做！到咗禮堂後，一彎底身，條腰痛到火燒咁，哎呀，我發燒就係咁的啦，會腰痛的！
但係成個人都係？？？？又無喉嚨痛，又無頭痛，到底係身體邊到有問題呢？真的不知道，快快的食咗兩粒PANADOL，崇拜完後，走人！一路返屋企的路上真的好驚險，我好眼訓，係咁聽歌，拍打自己的腳，唔准自己訓，因為我楂ING車，好危險呀！
返到屋企後，快快的攪好自己，九時上床訓(自我隔離，去咗細房)，半夜一點成身都係汗，早上六點起身時好似好咗少少咁，就返工，因為好多手尾要跟呀！
全站熱搜
留言列表
廚藝“棒” (5)
