本來，今天MORFAR生日，應該講下佢的生日會，但係我忍唔住，要大罵CY！
本來，我對CY真係無乜嘢，本著放長雙眼睇未來幾年，但係剛才睇到佢的偉論後，真係把鬼火。本著一個教師，唔應該咁勞氣，但我想問：咩叫做放番D決策權給學校？學校唔聽教育局話，係好快會無哂資源，有可能連開班信都變咗做縮班信。咁的話，你話學校會唔會開依一科？每間學校本著自身的危險情況，就一定會乖乖咁開國民教育依一科，又點會有決策權？香港教育，真的令我心淡！身為一個地區的最高領導人，點可以講D咁唔負責的嘢，令我無名火四起！
另外一個以前教書的朋友仲補充：仲要記住, 官校係政府話事......津校之中有唔少學校, 校董會都係商界背景 (包括東華/保良背後果D有錢總理; 包括果D獅子會/廠商會/布廠商會/順德乜乜或四邑乜乜等等......), 商界係唔會得罪政府的......簡單講, 即係交俾學校自決都係等於政府可以話事!
昨天是大石壓死蟹，今次係大大大塊石壓死千千萬萬的教師和校長！
全站熱搜
留言列表
廚藝“棒” (5)
