今日我補假,不過都係一早就起身,因為我家有隻麻煩友,楊卓希,一早五點半就起身,然後又話要出廳去玩。而又有一個大傻卓希爸陪佢,所以我唔起身接手都唔得!點知佢一等卓希爸出咗門口後,就返上床到訓,一訓就訓到十點。咁今日的節目就只係帶卓希去打針,終於決定打肺炎鏈球菌針,由於諗住係中環到食午飯,所以就十一點就出發。
去到中環後,卓希好開心,係置地廣場個水池都係咁週圍走。我哋找到一間中環好多OL都去的飯堂到食飯,原來中環食嘢都唔係好貴,一個飯連飲品都只係$25,比起我屋企樓下的平好多。
卓希認得趙醫生的診所,鬼咩!上星期頭先去過,點會唔記得!!!!仲好熟練咁走入去醫生房,然後係咁玩醫生枱上的玩具,一d都無驚的情況。醫生同我利用聲東撃的方法,係卓希一不留神的時候,就同佢打咗支針,佢咸咗五鈔,醫生話可以食糖時,就收哂聲。醫生仲開埋粒糖,餵埋卓希食,卓希立即笑哂(招牌笑容!)連醫生都話佢咁快收到聲又笑番。依個傻猪仔!
我好欣賞卓希今日的表現,佢就101落車後,就係咁自己行,一d都無扭過我或者芳ee抱,連佢眼訓到乜咁,都係自己係咁由萬邦行行去新的天星碼頭(我哋今日試新碼頭),不過係船上不敵睡魔急call,就伏係我的身上訓咗!可愛到不得了!但佢一同卓希爸一出街,都未上屋企樓下的大堂,己經話“好攰”,目的只得一個,“爸爸抱”!有時見到佢哋兩個係街到都攬到咁,真的眼火爆,不過唔係我抱的話,我唔理啦!
今晚我臨返bu時,卓希扭得好利害,唔俾我走,我猜一定係支針的原故,醫生都話係會有少少燒的,所以今晚雖然仲未量到有燒,但都給他食了退燒藥!我今晚又無得訓啦,因為要睇住依隻“嗅猪”!
去到中環後,卓希好開心,係置地廣場個水池都係咁週圍走。我哋找到一間中環好多OL都去的飯堂到食飯,原來中環食嘢都唔係好貴,一個飯連飲品都只係$25,比起我屋企樓下的平好多。
卓希認得趙醫生的診所,鬼咩!上星期頭先去過,點會唔記得!!!!仲好熟練咁走入去醫生房,然後係咁玩醫生枱上的玩具,一d都無驚的情況。醫生同我利用聲東撃的方法,係卓希一不留神的時候,就同佢打咗支針,佢咸咗五鈔,醫生話可以食糖時,就收哂聲。醫生仲開埋粒糖,餵埋卓希食,卓希立即笑哂(招牌笑容!)連醫生都話佢咁快收到聲又笑番。依個傻猪仔!
我好欣賞卓希今日的表現,佢就101落車後,就係咁自己行,一d都無扭過我或者芳ee抱,連佢眼訓到乜咁,都係自己係咁由萬邦行行去新的天星碼頭(我哋今日試新碼頭),不過係船上不敵睡魔急call,就伏係我的身上訓咗!可愛到不得了!但佢一同卓希爸一出街,都未上屋企樓下的大堂,己經話“好攰”,目的只得一個,“爸爸抱”!有時見到佢哋兩個係街到都攬到咁,真的眼火爆,不過唔係我抱的話,我唔理啦!
今晚我臨返bu時,卓希扭得好利害,唔俾我走,我猜一定係支針的原故,醫生都話係會有少少燒的,所以今晚雖然仲未量到有燒,但都給他食了退燒藥!我今晚又無得訓啦,因為要睇住依隻“嗅猪”!
全站熱搜
留言列表