close
今日好鬼忙，繼昨天去機場後，今日要去觀塘。我的回鄉証過咗期幾個星期，咁係兩個星期前就有人教我上網book定，諗咗一段時間去旺角定係觀塘的中旅社，最後都係決定去觀塘，近我麻！今日一去到中旅社門口，直頭嚇到我想返屋企，因為好多人排隊呀，仲係排隊攞book咗的籌(好似我咁)，嘩！真係人多到不得了，我又帶埋卓希同tunt姐姐(卓希爸叫的)！好彩，原來上網book定的籌係有唔同的，當我攞到籌時佢剛係c003的籌做緊，而我係c007，所以都係等咗二十五分鐘就得啦，如果唔係三個鐘都唔知攪唔攪得到。

跟著就去觀塘的運輸署，去攞國際牌，預備係布吉到租車。都好快，唔使二十分鐘就攪點！

然後就去咗德福，因為約了嫲嫲同爺爺飲茶。卓希開心到不得了，佢真的好鐘意食點心！近來佢的口味係奶皇包！

我下星期仲要返學, 雖然8月9日先考試, 不過我都已經開始要溫書啦, 因為我對古典文學真係唔識. 所謂佢識我時我唔識佢, 所以係分類上我真的比較吃力, 求天父給我力量吧!
arrow
arrow
    全站熱搜

    suklaic 發表在 痞客邦 留言(1) 人氣()

    E-mail轉寄