今日一起身，牙都未刷，就要上中旅社的網址，幫卓希book時間整回鄉証，我依個亞媽，之前都只係諗到自己要換，都無諗到個仔都無！所以咪今日一起身就book定，8月2日先有得去整，咁啱我個日可以攞番個回鄉証！
跟著同卓希及TUNT姐姐去咗超巿到買餸，回程時，居然見到一個好熟悉的臉孔，就係心光以前的麥姑娘！佢一見到我又認得我，佢都無乜點變，佢話今日搬嚟麗晶到住(麗晶係好嘢嚟的！)，佢原來係住我以前的座數，仲係我哋的樓上！嘩！世界真細少，佢一聽到話我以前住C室，而且仲未賣時，佢話佢都好想要C室，不過要咗H室！我都識好多人住麗晶，嗯！果然係一個好地方！

下午我負責帶卓希去坪石棧到同堂家姐玩，玩到我成身都係臭汗，返到屋企又同卓希一齊沖涼，超好玩！
arrow
arrow
    全站熱搜

    suklaic 發表在 痞客邦 留言(0) 人氣()

    E-mail轉寄