今早去咗東區醫院到飲糖水，目的係睇我有無妊娠糖尿。嘩！去到有成大約三十個大孕婦，我個肚係最細嗰個，因為我十幾週已經去麻！
 
上一次都飲過，今次一飲，簡直係甜到想嘔。快快的飲下後，個心口頂住又頂住，真的好想嘔。今次仲慘，上次有卓希時都可以去走廊到行行，分散下注意力，但今次姑娘唔准走出去，要三十幾人係間房到等，同睇碟。我簡直係悶c！
 
仲要抽成三枝血，我雙手都有針筒，整到我雙手都有少少麻痺！
好啦！又要等一個星期，睇姑娘會唔會打給我，希望唔好打給我啦，一打給我即是話我fail咗，又要立即入院食糖尿餐測試。
 
今晚上網找到這“生命的誔生”，很有趣！令我想起有卓希時的情況！
arrow
arrow
    全站熱搜

    suklaic 發表在 痞客邦 留言(1) 人氣()

    E-mail轉寄