今日帶著口罩做咗好多嘢，做會議記錄、執美勞室士多房、上課、放工、去搵又無貨的mascara、去深水埗批發商到買阿仔及阿女送俾同學仔的聖誕禮物、到九龍城拿餘下的80份報佳音禮物，成個人散哂！
英姑娘及紫勳教我去深水埗福華街，個到有好多嘢買，我都聽吉媽講過，但係真的一生人第一次去！好好彩，買到水樽仔(200ML)，但批發價都已經係$5，因為有公仔的，仲係海綿寶寶添！水樽就係卓希的同學仔，妹妹的同學仔係毛巾盒，好便宜呀，$3一個，仲連埋毛巾仔，超底！不過末買到我想要的貼紙，週圍都係人，個個都係一大批咁買，d人見我帶著兩個小朋友，仲差d唔俾我哋進去，話唔做零售！真係買得好開心，最底C就係俾我搵到位泊街邊，半小時半小時咁入錶，我留咗成個鐘！不過真係好多人，我考慮緊第時一開始就去個到買報佳音的禮物，唔使我走咁多轉，不過一定要帶埋工人姐姐，因為佢今日係負責一夠鐘就去入錶個個嚟的！
請先 登入 以發表留言。