close
今日我簡直覺得自己好無助，先就係昨天晚上卓希咸咗最少五六次，咸到凌晨四點我真的唔想訓啦，因為一訓著佢又嚟過，不過都係又訓咗，然後又要照顧佢！返心光時就算有車都好辛苦，我好怕自己唔夠體力。
跟著頂硬上咁上早會，上堂，到最後放學前兩堂，簡直想走人算啦！小一的美勞堂，十三個人，有兩個特殊過特殊的學生，所以個助教會全力負責佢哋，跟著個十一個人仔，有成六個係全失明，其餘弱視的又每堂輪流出去上弱視訓練。我一個人要週旋係依d人仔中，真的唔容易。佢哋又係第一年上美勞堂，有好多手勢、用料、動作及課堂規矩都要教過哂。上完一次連堂的小一美勞堂仲辛苦過上五堂聖經堂，我做咗咁耐嘢都未試過要一落堂走去教務主任到要多一個人手幫忙，真的攪唔惦。但最快都要到十月才有助教幫到我，我快氣絕身亡啦！
卓希今晚要睇醫生，因為他的上下唇都有白色一塊塊的，今天仲特別多。醫生話係“真菌”。“真菌”是會存在空氣的，我們每天每時間都會接觸到，但因卓希前兩個星期病了，身體比較弱，所以便感染到，醫生話搽葯膏會可。
全站熱搜
留言列表
廚藝“棒” (5)
