港楊回憶，樂趣無窮！

七點幾我就醒咗，晚上執好大0急，早上才執細0急，十點鐘已經大家預備好，只係再HEA多一陣！我哋早出發，係因為韓國人CHECK OUT慢，而且搭車的地方(搭番6015機場巴士)要過對面馬路，最抵死係D路唔平坦，拎住D 0急咁推法，真係0急都會壞，所以預多D時間。好彩，到咗巴士站後十分鐘內已經有巴士，我同老公都係巴士到訓咗，兩個小朋友就精靈到不得了！

機場CHECK 咗IN，就坐埋一邊，飯埋水壺裏的水後，才入閘，早知早D入閘啦！入咗閘後，又要食嘢，又要去DUTY FREE到買嘢，那個幾小時，我真的不夠用！

今次的所有收穫：

同埋所有的FREE GIFTS

返到屋企，係無工人姐姐下，係咁洗衫，做家務，攰C咗！

為咗個仔，相信無乜自由行的人會好似我哋咁，去今日的地方，戰爭博物館。依個地方，係個個旅行團必去的地方，因為係FREE ENTRANCE，但係對於我哋唔熟韓國歷史的人嚟講，真係會有好多嘢唔明，所以其中的真正目的，就係為咗個仔！

卓希係到影的張張相，都係敬禮，真係笑C我！

輪到我同妹妹係到玩造型，尤其是攞個望遠鏡出嚟扮嘢，真好玩！(但係哂到燶)

跟著去咗文具批發街，真係無嘢睇，無買到嘢，去咗食尤魚午飯，暫時最貴依餐，全海鮮，食落好鮮甜！之後係明洞到又買咗少少嘢，我就堅持要返酒店放底D嘢，然後去LOTTE DUTY FREE，點知行到半路，大家都覺得好熱，不如去酒店泳池到遊水，跟著才去LOTTE DUTY FREE。

我哋係酒店泳池更衣室到換衫，個更衣室好焗，以為D水會好暖，點知一落水就知大鑊，凍水嚟的，一D都唔暖，我同妹妹玩唔夠二十分鐘，就上水去仲身。真好玩，我同妹妹學嗰D韓國人咁，坐係到，前面有一個盤，又有花洒，玩水玩得我哋好開心！

之後，我哋就去LOTTE DUTY FREE的九樓，嘩！原來係明洞所找的嘢，全都有，仲係免稅，唔使係機場又要整一番！

今次我發現，原來最好買MASK同護膚品的地方，最好是LOTTE DUTY FREE( FLOOR PLAN)，本身就免稅，唔洗係機場攪一輪，跟著就係我之前係韓國官方旅遊網頁到DOWNLOAD到一張COUPON，只要係LOTTE DUTY FREE到買嘢，就可以有5%-10% DISCOUNT，所以我真係唔想走，無奈佢哋三個係LOTTE DUTY FREE到悶到發羌，唔走唔得。張COUPON係機場到仲發揮到佢的作用，我仲買咗HAND CREAM給奶奶及雪花秀給我媽媽，平到我笑！

拎返D嘢返酒店(好近，只係喺隔離)，就出去搵食，個個都攰，我就見議坐的士去，行路返酒店，點知，差不多個個係的士到都訓哂，只有我一個無得訓，因為當時我坐車頭，的士司機係咁同我指手劃腳，我唔好意思！

今晚去的地方，就係好出名的：土谷村人蔘雞，我哋叫咗兩個人蔘雞，一隻炸雞，原來卓希都好鐘意食人蔘雞，湯佢都唔放過，妹妹就食人蔘雞裏面的飯。

食完之後，我哋就漫步返酒店，經過景福宮，講真，我就唔係好想入去，都唔明佢的歷史！

源途經過光化門廣場，同埋好多不知名的大廈！

快行到酒店時，俾我見到OLIVER YOUNG，  趕咗三隻羊返酒店羊圈後，留連Oliver yong，平過香港之餘，仲買一送一，叫我如何忍到手！  

今早行程，大學之旅，其實都無乜嘢好睇，第一、我拎住三隻嘢，去女子大學到，邊到shop到嘢，第二，我哋去到時，都未開門，第三，天氣太熱，個個都唔願行！

本著以上的理由，我哋hea得就hea！

坐地鐵→梨大 EWHA WOMAN'S UNIVERSITY (2號線，梨大站)

老公話，二十年前我哋嚟過，但係我真的唔係好記得，每次跟團的嘢，都唔係自己PLAN，無印象，真係要睇番D相先得！(當年仲係同嶺南班F.7學生，老公的舊同學，我哋一行十二人，好開心，仲記得最後一晚，個個訓過龍，唔知醒)  

點知，我一話要影相，全部四部相機齊齊出，妹妹用我十年前讀美術用個部四百萬象數相機，卓希用600元團購回來的相機仔，我用老公買的單反相機，老公用IPHONE影相，我諗D人經過都會話依一家人係咪有問題，咁多部相機？

真的無乜嘢睇，諗住行一個圈就走人，點知一路行，卓希就話：好熱呀，好哂呀，好辛苦呀，我好大汗呀！婷婷又跟著講：好熱呀，我要嘆冷氣！

我就快俾佢哋激死，佢哋熱，唔通我唔熱咩？咁我就話啦：係啦，咁熱，都係唔好去玩具街啦，嗰到又熱，又無冷氣，又無風，都係決定唔好去！

要咁樣，兩個先肯收聲，真慘！

行完一圈後，就去咗弘大 HONGIK UNIVERSITY ，我都唔知為何老公面黑，佢面黑時我咪又黑(也許真的太熱)，所以大家都快快腳，去搵傳說中的HELLO KITTY CAFE，一坐，便是一小時，我唔願走，因為隻腳真的好痛！

婷婷就硬係開心到不得了啦，都未入到去，又學我拎相機出嚟影，又楝要食乜又食乜！ 

跟著，就係卓希想去好多日的“信昌洞”玩具批發街，其實，佢都係給本地人平，外國人又點會平俾你呢？但佢哋見到我係一個精明的C9，都無得唔平D，因為我真係會唔買(香港乜都有，我唔去搵啫)

先坐地鐵到東大門站 DONGDAEMUN

然後找4號出口，

出咗地鐵站口後，向前直行，右手第二個路口轉，就會見到啦！

昌信洞文具玩具街是韓國最大的文具和玩具批發巿場，每家店都推滿了推積如山的玩具，好像香港的福榮街。

老公只准卓希買韓國出的品牌玩具，咁又係，香港乜都有，千祈唔好要我好辛苦咁拎返香港！

然後，我哋就去咗清溪川，它是棋穿都巿中心，為首爾的綠洲，小朋友見到可以行大石過河，就一定開心啦！

行行吓，見到原來好多本地的韓國人，係橋底到..................................洗腳！

我哋行到攰，就坐下休息，個三隻羊，就去玩水，仲係人哋的洗腳水！

本來想去文具批發街，但到地鐵時，我突然話天氣太熱，不如去樂天超巿入下貸，行下啦！

去完超巿，又係一大箱(食物)，佢哋三個係我搵緊咖啡給老爺時，居然去拎到一車都係食物，香港饑荒咩？唉！(由於相機都放埋係LOCKER到，故無影到相)

我哋決定先返酒店，放底哂所有嘢，然後才出發去搵食！

卓希都算乖，今次幫手拎好多嘢(佢自己的玩具及給朋友仔的手信)

晚上，我哋就去到明洞到搵食，柳家YOOGANE，一家人都話好好味呀！(我哋太餓啦，今天的第一餐，太熱，唔想食！)

  (我終於有得入鏡頭啦)

去得明洞，就係我入下貨的時間，但係太多人，我都唔係好迫到入去，勁！

今日只得一個行程，就係到愛寶樂園！原本我哋都有諗過，到底去樂天世界，定係愛寶樂園呢？後來俾我見到愛寶樂園有依張COUPON(click here)，外國人可以只給 32000 WON便可全票玩哂所有嘢，咁硬係去愛寶啦！話哂自己都未去過吖！(所以有時睇web site，真係要落足眼力，有好多so的)

今日真係辛苦囉，去愛寶，要搭好耐車先到，車程如下：

酒店→B1行去地鐵→乙支路入口站EULJIRO(2號，綠色線)→江南站222 GANGBYEON(2號線，錄色)→出咗閘口後去1號出口，到斜對面(左)的巴士分站，搭5800(點知見到1113，老公問司機，愛寶係總店，立即跳上車)→到愛寶樂園巴士總站→轉樂園接駁巴士到樂園門口。

真係用咗成兩小時先到，所以妹妹到咗時，都好忟，細路仔要坐咁耐車，又真係幾辛苦！

愛寶公園(EVERLAND)真係好大，如果讓我再選，我寧願去DISNEY，因為DISNEY多些玩兒妹妹有得玩，愛寶有好多佢都唔夠高！

真係好熱，我係咁叫救命！

睇真動物，兩個小朋友開心到不得了，初初妹妹怕到要我抱，後來佢開心到忘我，自己坐同睇！

之後我哋仲去玩激流，真係開心到不得了，我同妹妹濕咗個身，但兩位男士居然無濕到身，哼！唔公平！

一出到嚟，就唔少得玩吓車仔啦！

跟著就去玩我成日都嚷著要玩的：吊車！

都玩得七七八八，我提議早些出巿區，不用太遲食飯，大家都同意，咁就諗住原路返酒店啦，點知，大吉啦！

之前都提過，由於我哋無book到shuttle去，因諗住靠念力、意志力去搭公共交通工具。去的時候，搭地鐵去到江邊站（Gangbyeon)，然後轉1113（當時未有5800）去到總站。到咗時自信心大增，因為自己摸到去。點知回程就出事啦！本來想等5700，原路回去就包無錯，但見到輪好多網友講的5002，我哋係上咗啱的巴士5002，諗住去到江南站（Gangnam)轉地鐵，當時睡魔急CALL我，訓咗，醒時見好多人落車，但我哋唔知咩事，又唔識落車，原來係5002係循環線，返番去愛寶公園個站，要落車再等過另一輪巴士（今次死等5700），所以回程共坐了三小時巴士！婷婷仲成日問：到未呀？好悶呀！阿女，我都唔想，鬼叫D韓文認我，但我唔識佢咩！

好期待的旅程，因為可以SHOP SHOP SHOP！

昨天黃昏，我已打了電話，BOOK咗的士，晨咁早六點半便要到樓下了。如果不打的，五點半便要......出發，我得，小朋友都頂唔順啦，所以只好打的，又唔貴，$210全包，九龍灣到機場，都算係咁啦！

入咗關後，就去食早餐，咪又係大家樂，兩個早餐，四個人分！

我仲去咗DUTY FREE到買咗個新的太陽超，因為舊嗰個有少少花咗！

入閘啦！因為我同老公都係MARCO POLO會員，可以同FIRST CLASS嗰D一齊排先又入先！

坐咗三小時飛機，終於到啦，先先，我去租咗個WI FI蛋，因為隨街都可以用到D地圖APPS！唔貴，8000 WON一日，即$56元一日。(40號櫃位)

wibro EGG就是一個充電式無線網路基地台，充好電後可以稱4~5小時；

它會收韓國的行動網路，然後轉換成你專用的wifi讓你的行動設備可以上網；

最好的是，它不計流量，統一價格，上幾多都得！

我們租WI FI，是因為去年到沖繩時，那酒店有上網服務，但一定要插線在電腦裏，WI FI一定要到LOBBY才有。為免再次發生用唔到IPHONE及IPAD事件，都係租個WI FI。

然後又去埋隔離的HANA TOUR到，用PASSPORT囉咗兩張免費的T-MONEY，原來真係無乜人拎，所以我哋都好好彩咁拎到！(都係上網見到其他人的網有咁的東西，博一博，因每日有限制多少張的)

申請方式直接拿PASSPORT和登機證，就可以免費索取一人一張T-MONEY(只有大人)。(41號櫃位)

跟著，我哋就去搭機場巴士，好彩之前上網不停咁搵，原來有COUPON可以便宜少少，所以就用我哋預備好的COUPON(CLICK HERE)，去搭6015號機場巴士(在ISBI酒店門口落，過條馬路，便是LOTTE HOTEL了)！

終於都到咗酒店，今次所選的酒店，係貴，因為帶著小朋友，需要方便搭地鐵，老公的堂妹介紹這間酒店，因為只要到此酒店的地庫，就可連接到地鐵，天氣熱或落兩都唔怕！

執好少少嘢後，就出動啦，因為唔想浪費時間，就去咗最近的首爾搭！

小朋友開始肚仔餓，買少少小吃給他們填住先！

落山後，先在明洞找換錢，然後就去搵嘢食，太熱太攰，所以先試咸豐冷麵！好味，只有我一個食冷麵，其他三個都食牛骨湯麵！

返到酒店，好攰，但係小朋友都好開心，因為有得玩泡泡浴！