港楊回憶，樂趣無窮！

今年的國慶，真的無節目，又係同張氏一家出去玩的好機會！

首先，就係去我哋樓下踏單車，個個小朋友都好型！

然後去咗啟業大排檔醫肚，跟著就係重點推介→去新娘潭玩水！

嘩！我未試過去新娘潭會咁多人，條石澗變咗做洗腳水，所以我哋行高小小的上游，小朋友最開心！

玩完，就快快換衫，免得凍親！

晚上又係我哋樓下椰林閣開餐去！YEAH！

今日是我作為全職媽的第一天，感覺良好，尤其是覺得自己可以做得到一個稱職的母親！如何稱職？就係照顧及帶小朋友去玩，話說婷婷妹妹明天才開學，在WHATSAPPS的一班媽媽們計劃今天去DISNEY玩個不停，我見成個暑假都未約過妹妹的朋友，就帶著妹妹同佢哋去玩啦！

婷婷好開心，因為今次班朋友係佢的同學們，玩到唔想返屋企！

以前卓希K1時我哋都去過學校的親子旅行，今年到婷婷，為了不偏心，都一樣去，但今年的行程真的較差！

北區公園→中文大學自助餐→錦田鄉村俱樂部

第一站，北區公園，落好大雨，我拎咗兩把雨傘，但兩個楊先生，居然無帶佢哋的雨傘，我只好讓婷婷及卓希一把雨傘，我同老公就係咁淋雨。

去到中大食自助餐，三年來都係無改過，今年我仲食得少過上次，因為成身濕哂，真係無乜心機食呀！好彩，一早REQUEST咗同卓鈞一家人一齊坐，都叫做有個伴！

食完飯後，我哋兩家人決定唔跟學校去錦田，因為真的落起雨來的話，嗰到無乜地方避雨之餘，仲週圍濕哂，所以我哋自行離隊。先返屋企洗澡，換衫，然後再約食飯及去玩！

嫲嫲病咗, 除咗我哋一家返去食飯之外, 個個家庭都唔返, 我同老公講, 不如俾嫲嫲休息吓啦, 就係咁, 我哋一家自己食自己.

好好好好好好好好好好想食米線, 我就話一家人去食米線啦, 初初隻豬仔希又話唔去, 後來食食吓, 話好味到不得了呀!

btw, 觀塘間雲南米線搬咗, 開咗一間更大, 坐得更舒服, 我哋六點就去食, 完全唔使等位. soooooo good!

妹妹講咗好耐的迪迪尼之旅, 今日終於成行啦, 要等卓希測完驗, 又要等老公後閒, 真係難約呀!

今天本來心情麻麻，因昨晚和老公吵架，真係無理頭到想死，所以今早頭痛+ 背痛(我成個暑期都背痛)，就真係唔係好想出席下午的沙灘活動。依個活動由卓希同學的媽媽所PLAN，成兩個月前已約好，真係抵擋唔到一班媽媽的熱情，只好赴約！

OF COURS，昨晚吵過，今日一定得我帶小朋友去街，好彩帶埋姐姐，否則人都癲！雖然曬，但好開心，基本上卓希都好乖(佢知我心情唔好，知道係邊個位要乖)，婷婷就由昨晚到今日都係到扭計，佢諗住佢爸爸睇佢，點知佢爸爸無去，就由早上到晚上，都俾我丙咗幾次，真煩，下次留佢係屋企！

晚上唔想咁快返屋企，唔想再吵，就同晞朗一家去食飯，三個小朋友一齊食得好快，佢哋應該肚餓的啦！

食完飯，我就去咗道聲，好耐之前睇咗「獅王 女巫 魔衣櫥」，好想睇番書，我細個的時候，爸爸第一本就俾中文我睇，之後所有的都要我睇英文，真係回味無窮！不過今次我全部中文，諗住第時卓希識多些字時都會睇麻！

係書室見到依本書，真係好想買，唔知有無用呢？我個麻煩老公，年紀越大，牛脾氣就越似老爺，我唔會似奶奶咁忍的，一定話鬼佢，唔出聲唔代表我同意，而係唔會係小朋友面前咁做啫！

仲有依本，但係我諗作用都唔大，一定要另一半肯同你合作先得架！

小機場大學問．職業探索之旅，去年已經想幫小朋友報，但往往有這樣的活動都會好FULL，所以今年我哋集合咗幾個媽媽的力量，終於都報到！

玩，都係一次好啦，多的話，小朋友唔會覺得珍惜的！

卓希同我都好鐘意去書展，有好多嘢睇，今年我哋一家四口出動去書展，仲帶埋姐姐幫忙，我無打算買好多嘢，但係見到雜誌咁平，唔買真係對唔住自己！今年無續訂到MARIE CLAIRE及COSMOPOLITAIN，因為我次次都一次過訂兩年，而且覺得今年的GIFT唔係好吸引，所以都係等多一年先！

兩個小朋友一見到有GAMES就話要打，第時點算？都係要LOCK機先得！

小朋友們的戰利品！

大人們忍手下的戰利品：

依D所有都係贈品，如果我有訂到雜誌，會仲多好多：

同班同事傾咗一段時間，終於去得成，真係舒服，坐四十人的船，我哋只得十二人，好開心！有成七至八斤收護！

今年天氣一直以來都頗涼，但近來天氣開始熱，今日老公突然話去沙灘，我就立即CALL卓希的同學仔們，只得卓鈞一家可以，不過我哋都玩得好開心啦！(銀線彎)

話說我同卓希係二月份佢生日時RENEW咗個ANNAL PASS，咁就有個優惠可以用COUPON住酒店，一張COUPON就六折，兩張就四折。不過佢最衰的一樣嘢就係五月三十一日到期，係無論你去年六月RENEW的話，又或是今年二月RENEW的話，個D優惠都係五月三十一日到期！其實去年已經係咁，不過我無時間去處理佢，今年打咗成三個電話去“嘈”，佢先俾到今次的優惠日期過我，算吧啦，都係為咗兩個小朋友！

不過我自己都好舒服，因為留底佢哋三個係房到玩安摩浴缸，自己走咗去SPA，好底，用咗張七折的COUPON，做足兩小時，全身，連FACIAL，尤其有一個係眼的TREATMENT！

間房好“正”，係CORNER房，一般都係要貴好多，但係我哋今次住一晚，都係$830咋！

我哋今次仲試埋佢的室內暖水池，好好玩！

ORBIS步行籌款！

由於無小朋友同卓希一齊行，佢今年行得差咗，婷婷就唔使講啦，佢成日都要爸爸抱！

今年有少許特別，就係心光的學校都行，不過只係去到第一個CHECK POINT，真係奇，心光的學生都應該行得好好的，為何只係第一個CHECK POINT？乜唔係最少都要6KM的咩？(第三個CHECK POINT)，乜唔係要人哋贊助行最少的6KM？咁樣做法係咪騙人的行為呢？我唔鐘意咁樣的安排，整到別人認為心光的學生好弱，連行石屎路都行唔到？唉！做乜要攪到班學生出醜？真係要不得！

早上一大清早，就被阿仔吵醒，原因只有一個，就係去佐敦谷到放車！唉！

學完普通話後，十一點便出發！(係啦！十一點先出發，晨早就叫我哋起身，同佢做功課，食早餐，仲話要睇電視，我哋仲忙過返工！)

今日天氣有太凍，而佐敦谷話明係谷，風就自然大好多！唔使一小時我哋已經走人！

然後，無乜嘢做的機會下，我提議去一去元朗大棠自然教育徑。如果去咗一次後，星期五我同義工去的時候就會識路，同容易D，二嚟就當係家庭活動。但係我哋一家迷失咗係元朗，想去大棠郊野公園，點知IPHONE的GPS點咗我哋去屯門，然後去咗掃管忽，跟著上咗無乜人的山！係地圖到睇，佢係無帶錯，因為真的係連著，不過實際係架車未必爬到過個山，所以後來都係調頭原路走人！

其實係地圖到睇，個GPS真係無錯的，不過................唉！攰到我呀，仲要俾隔離個個串我無做到功課！有做定功課的時候又無讚我，今次我都有做，但係網上無去依個地方的資料，問親人，人人都講唔到我知，真係好難做，返到屋企，成肚氣，走咗上床到靜思！當中我都有打電話問人，但係一嚟我楂緊車，二嚟一去到D我唔識的地方時，迷失係會令我好忟，無心機，返屋企！

今日崇拜後我哋又急急腳咁走，(真係唔好意思，我哋成日一崇拜後都急急腳走人，好多節目要去玩！)，趕住入愉景灣，參加PLAYRIGHT的步行籌款！

好好天，好好玩，真係好開心！感謝天父給我兩個寶貝，同佢哋去玩真係一件開心快樂事！

巨型保齡球

沙灘氣墊球

極速滑梯

卷卷滾滾樂

移動高樓

移動高樓

巨型沙灘球

今早崇拜完咗，我哋就急急腳咁走，為咗去豆b的生日會。今次好特別，去綿田的音樂農莊，初時去到真係好凍，但係bbq時圍住個火爐就暖咗好多！

真係好好玩，而且卓希又可以同班0502的小朋友一齊玩，好開心，真係多謝哂豆豆一家的安排！

(由於落雨的緣故，帶咗單反相機去，不過留係車到，怕整濕就大鑊，所以無影到相！)

今日係婷婷第二次去INTERVIEW，今次係去培正幼稚園。也許有咗上次的經驗，無第一次卓希的時候咁緊張，反而仲好輕鬆咁同妹妹玩添！

婷婷今日去INTERVIEW的造型：

返到屋企都成下午四時，卓希話想去M記，食食吓的時候，一家人突然心血來潮，話要去DISNEY到睇煙花，就係咁，我哋就楂車去玩，嘩！多人到呀！連平時好快的巴斯光年都大把人，我哋要攞FAST PASS，好彩我哋的票係年票，幾時再嚟玩都得，如果係一次過的話，真係極之唔底！

兩個小朋友係到睇玩具，我哋大人就玩自拍：

婷婷同卓希見到好大支的波板糖燈柱，話要大大口咁食，仲要我影相，超攪笑！

不過，婷婷都係驚煙花的聲音，我哋都差不多快完的時候就走人，從未試過自己一家人去玩，玩到咁夜的！兩個小朋友係車到訓哂，無洗白白就咁上床訓！

今早返咗教會之後，車直接到尖沙咀，為咗要買份生日禮物給老公！

點知老公聽到我哋三個去尖沙咀玩，佢唔返教會，係屋企整埋份卷後，就供咗出嚟，等我仲要將份禮物放咗係卓希個書包到，唔好俾佢發現添！

哈！最攪笑係我晚上才發現，原來太過緊張及太過早買，佢係九號生日，唔係嚟緊的星期四，係再多一個的星期四，我太神經緊張啦！

我哋一家人係尖沙咀供咗成三個幾小時，仲去埋換領FORTRESS的$500元現金卷，跟著返屋企，我先有時間同工人姐姐去買餸，攪得所有嘢後，又要去坪石村食飯，好攰呀！

不過一家人開開心心咁自己去玩，唔使帶埋工人姐姐真開心，小朋友開始大啦，唔使再拖埋個姐姐，真好！

卓希經我努力同佢係咁吸藥下，昨晚終於訓到，雖然今早五點醒過，又要吸藥，但係已經好咗好多，唔使行步路都咳又喘！所以決定帶埋佢及妹妹，跟教會去戶外崇拜，及步行籌款。

今日真攞命，教會戶外崇拜及步行籌款，去到山卡啦咁遠：沙頭角鳳坑家樂徑。卓希成日係郊外，條管氣無乜點喘到，最重要連咳都無，所以玩得好開心。但係返到九龍灣後，又勁咳，咳到嘔，又喘過，OHHHHH，NO！

然後趕著返心光家教聯大會(3:25PM開車，4:10PM到心光)，及聽一個TALK。

真係香港一日遊：

九龍灣→鳳坑→薄扶林，由一早八時半到晚上六時半先返到屋企，真係勁攰！

不過出面的天氣及空氣真係好好，日後要多D咁的外出，等兩個小朋友同我都要吸多D大自然的空氣，唔使次次去覆診都唔合格！

今日天氣真的很好，下午等妹妹訓咗醒後，就出去玩，要好好咁享受咁靚的天氣！

今日心血來潮，去咗西貢走轉！

好想明年幫卓希攪一個戶外的生日活，年年M記我都悶，所以係咁睇唔同的公園，心水係大埔海濱公園，今日睇依個佐敦谷。近就近，不過好少車位，搭車又唔係好方便，但係勝在夠大同個兒童遊樂場新，又多洗手間！
政府個網址：http://www.lcsd.gov.hk/parks/jvp/b5/index.php

得好少車位，所以我都等咗成四十分鐘才泊到入去(我之前有五架車)