港楊回憶，樂趣無窮！

今日係無乜特別活動，因為我哋要回港啦！早上係酒店到HEA，HEA到老公都話走啦！

由酒店到BTS，原本係諗住自己推住行李行，好似到曼谷嗰日咁，點知到酒店大堂，個BELL BOY先話原來酒店有GOLF CAR來回酒店同BTS，等我哋仲日日行餐飽！

最失策就係我個鼻，係咁開水喉咁流鼻水，認真係熱親！

到咗曼谷機場，真的俾佢焗親，事關裏面好鬼熱的，要同個坐地冷氣拉近距離先叫做涼到少少冷氣，所以，我就係咁，焗到又病咗啦！

我希望下次仲可以嚟泰國享受，要SPA多D，同小朋友出去睇多D！

由於張家二少發燒，所以早上只係約咗張家大少去游水，都好，等小朋友玩吓！

今日有兩件重要的事情，一、就係我家婷婷生日，五歲啦！二、張宅先我哋一日離開曼谷回港。

所以早上游水，下午簡簡單單係SIAM PARAGON的FOOD MALL到食午飯，跟著就漫遊去SIAM DISCOVERY MALL，本來係想等張宅走咗我先行去，但係個個話食飯後要行下，咁我哋就一齊去過去SIAM DISCOVERY！我有一個好重要的目的，就係要去番NaRaYa到入多D貨，要買定手信去瑞典，送依隻手袋就係最好不過啦！(買到太開心，所以嘢都唔記得影相)

返到酒店，就係重頭戲，同妹妹開MINI BIRTHDAY PARTY。

之後，就係最SAD的一件事，張宅要去機場啦！我以為小朋友會喊，點知個個知道係香港會見時，都好開心！依個咪就係我哋基督徒成日講，日後可以係天堂再見的喜樂囉！

張宅上咗的士後，我哋楊宅都要起行，預咗要去新的夜巿Asiatique，這是新的夜巿，也是可以讓小朋友坐船去看的，為了達到我們HEA的行程，點都要去走一走！

為什麼標題要把Asiatique形容成”浴火鳳凰”呢？這是因為Asiatique可是有歷史的喔！話說在1900年，泰國五世皇為了提升暹羅在國際地位上的水平，所以決定在此興建碼頭，加強本國與其他國家的貿易能力，所以這個碼頭也象徵著泰國的主權與獨立！然而物換星移，原本的商業輸紐，也有衰落的一天，而附近因此繁華的Charoenkrung路也漸漸變成了所謂的舊城區。

可是，經過了精心規畫的Asiatique，把原本的碼頭和舊倉庫樣貌保留了下來，再重新設計包裝，搖身一變為集合吃喝玩樂於一身的觀光夜市，不但把原本的碼頭賦予了新的生命，吸引了人潮，也讓這個老城區注入了新的活力，就像浴火重生的鳳凰般能再次翱翔天際！這也是一個很成功的都市更新案例！

碼頭

在地鐵時才發現這小子正在發燒，俾粒藥他食，又精神哂！

兩岸的境色！

到逹時的地圖！

在入口還有這個方向指示的圓形

四週都是這些細少的店子

碼頭區的雕塑和倉庫訴說著當年的歷史

還有很多其他雕塑

風景無論日夜都很美！

我們只逗留兩小時，快快回酒店，要卓希快些休息！

晨早就醒哂，可唔可以訓多陣呀？我覺得自己完全無休息過咁樣！

兩家人一齊食完早餐後，就去游水，四個小朋友真的很開心！

卓希仲係到玩跳水多水花！

我就玩自拍！嘻！

太熱啦，又係上房換衫的時候，突然張家二少大嘔，要休息一下，所以我哋先先帶小朋友去KIDS CLUB到放生，然後聯同張生及張大少一齊又去咗SIAM PARAGON到食午飯。中間依段時間，我就上網BOOK下午的票，原來上網BOOK票係可以平好多，點都要試下，又俾我整到。但係要PRINT出嚟，點算好呢？就要去酒店的BUSINESS CENTRE到PRINT，佢仲話我只PRINT一張，FREE OF CHARGE，真係好好的服務！

等張二少休息咗，义足電後，我哋就去SIAM OCEAN WORLD，小朋友睇得好開心，我都係覺得台南嗰個好睇D！

我哋的FAMILY PACKAGE包好多嘢，其中一樣就係室內坐玻璃船，睇魚，剛剛又係餵魚時間，真係幾開心！

仲有就係包埋俾魚咬腳的死皮，好癢呀！

 婷婷仲影咗張美人魚相！

睇完後，我哋行咗去CENTRAL WORLD到找食，真係好多食巿，選咗好耐先選到間，都唔貴，真係好味道，好味到唔記得影相！

我見自己仲係CENTRAL WORLD，就打發佢哋先返酒店，我就去NaRaYa到出血。

其實我之前係無諗住去買，只係想見識吓，所以係依方面無做過功課，但真係好平，平到唔買真係對唔住自己，所以都博殺咗一輪！

自己返到酒店，先覺自己蠢，可以買多些在暑假返瑞典時做手信，高貴又大方！

睇佢哋的單張，先知原來有一間好近我哋酒店，EEEEEE，仲等我行到腳都起咗個水泡！

休息，明天又是新的一天！

依兩隻馬騮仔，放假就晨咁早起身，所以我哋8AM就去食早餐，依間酒店的早餐係半自助餐，MAIN COURS係要係餐牌到點的。

食完嘢，就去咗酒店的KIDS CLUB到玩，唔係太多嘢玩，但就有得打機，所以我D小朋友成日都話要去玩。依間KIDS CLUB仲可以有寄托服務，我見人哋真係放底D小朋友幾個鐘，但係我哋就自己睇住。仲幫小朋友報咗KIDS CLUB的一個活動，HOUSE TOUR，大人無得參加，只係小朋友咋！去睇酒店幕後的一班人，洗衣房、保安、及BAKERY，仲有得試食！

同小朋友係KIDS CLUB到玩咗一陣，就去泳池游水，依到服務真的很週到，你係到游水，仲有水及生果供應！

游到太熱時，便走人，沖身，換衫，去街街搵飯食，BANGKOK SHARK FINS，我哋無叫到魚翅，只係是但咁叫幾樣嘢，都成二千BHT，真係貴，無法，佢出名麻！

食完飯，一行出門口，就見到隔離有MISTER DONUT，介紹俾小朋友後就一發不可收拾，日日都話要食DONUT！

食完DONUT後，點都要等張宅來曼谷會合，我哋就週圍遊，遊遊吓仲去咗旅遊書介紹的MANGO TANGO，STICKY RICE同MANGO JUICE好味到不得了！阿仔仲話要日日食，但係要過一條大馬路，所以都係一次！

然後就係小朋友最開心，張宅係芭提亞來曼谷會合我們，一齊玩及食，真係好開心！

早上已幫張宅小朋友報名KIDS CLUB的HOUSE TOUR，所以佢哋攪點好行李後，就一齊去KIDS CLUB放底佢哋，小朋友開開心心的離開爸媽去遊歷啦！

係依個時間，我就同張太去換錢(昨天已換，但因SPA用咗大半，所以要再換多次)，5PM去KIDS CLUB執番D小朋友，佢哋居然係到玩緊WII，之後就日日吵著要去KIDS CLUB。

我哋決定近近地，係SIAM PARAGON的FOOD MALL到食簡單的晚飯，然後就浩浩蕩蕩咁行去BIG C到SHOPPING！

其實都無乜嘢好SHOP，只係最出名的香焦味百力支，真係幾好味！

一行人又浩浩蕩蕩咁行番去酒店，預備休息，第二日再玩過！

今次我哋好耐之前已決定要坐的士到機場，因為班機好早呀，而且我哋坐ORIENTAL THAI，CHEAP機，無得網上CHECK IN，一定要早到機場攞位！

入到禁區後，週圍行，又係玩電腦

今次依班機，真係殘到不得了！

正面看(希影)

真係要預備上機啦！

我選擇了自己坐，他們三人坐窗門位，由得他們作反！

我就自己繼續睇行程

   到步後，我哋決定唔坐的士，要真的自由行，自己坐機鐵，原來真的好容易，只要跟著指示就一定找到機鐵！

依個係入閘用的TOKEN(臨出閘前齊影張合照)

 然後就轉地鐵，基本上都係好容易，只係泰國地鐵無乜電梯，要拿喼就真的較“金”，好彩，我兩個喼有一半是空的！

終於去到酒店了，Siam Kempinski Hotel Bangkok，真係好靚，慳D機票錢，可以住依間酒店，值得！

  安排好房間後，我哋就去換錢，真係搵得好辛苦，尤其是帶著兩個小朋友，一定要入一入商場到過冷河先得！

一早係香港時，我已BOOK了SPA，THAI PRIVILEGE SPA，選這間SPA是因為有小朋友都可以做的SPA，貴就係貴過一般自由行人士去的，但可令我兩個大人安心，小朋友都有得做麻！

先嘆杯嘢飲，真係好舒服呀！

按完後，我哋仲有一張八五折咭，妹妹仲話要第二日再安，真係俾佢笑C，我心想，我都想，但係又要安排兩個細的，所以只有一次！

跟著就係番CENTRAL WORLD的FOOD MALL找食，免得週圍去！

返到酒店房，見到酒店已為小朋友預備小點及牛奶，真的很窩心，貼心的服侍！

快快去休息，义足電預備第二天的活動！