港楊回憶，樂趣無窮！

今日返屋企啦！

沙巴，早晨！

不過，早上我哋仲有行程，就係去五大族文化村，D小朋友好開心，又有講廣東話的導遊，全程都明白，所以好玩！

先嚟過河

有酒，但我們沒有飲

玩音樂

生火

吹毒箭，笑c我，最無用嗰個係我個仔！

跳彈床，睇落好似好好玩！

 好啦，食埋個午飯就要出發去機場，依個AIR ASIA機場真係好唔惦，悶到我哋係咁玩自拍！

上到飛機，終於起飛啦！婷婷又訓咗，我又座係窗口，巧悶，個個都有訓到，我訓唔到，好無聊，上網又上唔到，又玩自拍囉！哈哈哈！

本來今日要去民族村，但早上好好好好好大雨，真係大兩到唔想出去，所以同導遊講明天才去！無法，唔想小朋友係泥漿到行，整到成腳都係泥！

點知去到九點幾，又鬼咁好天，真係估佢唔到！

我哋早上係酒店到游水，好鬼曬，仲係泳池邊食簡單午餐！

當然，大人就唔包啦！唉！只好挨住！因為..........重頭戲嚟啦！

張太正日生日，梗係要有生日蛋糕啦！我向導遊請求佢幫忙買咗個蛋糕，就係咁，係泳池邊開生日PARTY！

下午啲咗D細路去室內玩，去咗KIDS CLUB到玩兩個活動，佢哋話好開心，我就同張太去咗做SPA！

我舒服到訓著咗，也許幾晚都訓得唔好，好掛住屋企張床！

嚟咗咁多日，終於睇到日落！雖然唔係最靚，但我已好滿足，好靚！

晚上去咗酒店的中菜廳到食飯，終於有嘢好食！

唔知點解，今次去旅行我好想快D返屋企，真係無預期咁ENJOY！

今日要同張氏一家分道揚鑣，我哋決定跟LOCAL TOUR去神山一日遊，要我成日係酒店到HEA，真係怕自己頂唔順！學老公話齋，去沙巴點唔去神山呀，出發啦！

又係得我哋一家一駕車，正！

行咗個半小時，嚟到神山的正面！平時D人逗留成半小時，我哋駕車只得我哋一家，所以二十分鐘就上番車啦！

巿雜

去溫泉刺激之旅之前，先去睇唔係成日睇到的死屍花，聽聞每三小時就會發臭，但好彩我哋係到時就無臭到，但真係好大，直徑有成88CM。

順便睇吓其他植物

好，到逹神山溫泉，其實係去經驗如行神山的刺激！

買票地方

先先要行上一半的山

途中見到好多依D好高大的樹

之後就到最刺激的地方，行四條吊橋

真的好高呀！

落山後，就讓雙腳休息吓，浸下溫泉先！

然後就食午飯，食完午飯之後就去神山公園睇講解圖，好多都只係齋睇，因為我哋無申請到行上神山！

返酒店啦！好嘢，已訂咗枱，又係自助餐的時間了！(因為酒店無乜嘢好食)

食自助餐時，張生俾咗個驚喜張太，就係有生日蛋糕啦！

今日係大日子，因為要同HOTEL 63 SAY GOODBYE啦，佢個冷氣忍受到我幾辛苦，兩晚都熱到醒咗，真係難頂！

一早起身，又嚟個好味的早餐先！跟著就去行唔使一分鐘就到的SUNDAY MARKET，又係唔係好想買嘢囉！但係我哋搵到少許手信，又走咗入去導遊介紹嗰間買手信有八五折的手信店，我哋又發揮SHOPPING的本質，買手信LUR！(原來好多都係公價，所以有依個八五折真係好鬼抵)

之後就返酒店，訂咗兩駕的士，去SHANGRI LA TANJAN SPA AND RESORT，真係大到無得頂，但係佢裏面D食物就...................

係酒店到食個LUNCH BUFFET(因為諗唔到食乜嘢好)，我係咁食沙律，好熱呀！

之後小朋友去泳池游水，玩得好開心！

酒店大堂

今日依個行程係超、超、超貴，但係為咗我個仔及D男仔們的喜好，只好忍痛參加，就係水蒸汽火車，一星期只開兩班，逢星期三及星期六ONLY，成港幣六百大元一個大人！(小朋友就開心，大人就心痛)

先去票務部買票！

然後有人睇你的票及帶我哋去卡位到，原來係廚房後第一卡！

我們共有三張枱，小朋友有自己天地！

仲未開車，仲有時間，我哋係咁影相！

先嚟一個醒神包包早餐！(其實我哋係酒店對面食咗少少嘢，因為知道個早餐得好少，怕唔夠)

到中途一個巿雜，就落車去睇睇，但完全唔想買嘢！

又把握時間係咁同火車影相！

返到上火車，當然早餐已收好多，就有貼心的凍毛巾！

好彩我哋帶咗嘢飲去，居然依個時間有人買嘢飲！個個落過車都想飲凍嘢，梗係有生意啦，但係就做唔到我哋生意，因為我在網上爬文時就係知道會係咁，帶定好多凍嘢去飲！哈哈哈！

係時候到總店，就係火車頭要調頭的時候。其實調頭都唔耐，係調完頭之後火車頭要飲水耐咋！

好似THOMAS火車頭咁，依駕火車頭係到飲緊火！

我哋又開始影相，無法，因為唔會有下一次，太貴了！

返到火車，好靚咁鋪好枱布，要食午餐了，突然好有上流社會人士的感覺！

點知，跟住就大把折扣，因為我哋的午餐係咁出場！

我哋的午餐

快到站時，就嚟一杯美味的雪糕，正呀，因為個太陽曬到車廂好熱，到站都係好事嚟的！

返酒店，沖浪，換衣服，休息一會兒，小朋友又係我哋的廳玩足球！

晚上我哋去咗海皇宮到食晚飯，楝佢係因為有冷氣，都係嗰句，點解沙巴咁熱架？

先去睇要乜嘢海鮮，係嗰個位到落ORDER，然後返自己位到等，等呀等、等呀等、等咗好耐先嚟！(但嗰晚都唔多客人)

D食物真係唔好食，手工煮得好差，真係無下次！       

去年七月已訂機票之旅終於來臨，兩家人一起出發！

雖然係早上九點幾機，但因暑假又係CHEAP機，所以要一早去到機場，我的第一次去T2到CHECK IN ！

CHECK IN完就浩浩蕩蕩咁去T1到食早餐，原來就算係T2到CHECK IN都係要去T1到上機的！

食完早餐就係咁HEA到上機，落機時我以為自己去咗荒島，乜AIR ASIA個自家機場咁殘舊，個心大打折扣！

好彩係香港時已訂咗LOCAL TOUR，同埋佢哋會車我哋去機場，所以一D都唔使擔心！

到咗後，有一個小馮的來接我們，成駕車只得我們兩家人，超舒服！先車我哋去換錢，俾埋LOCAL TOUR的尾數，然後就返我哋要住兩晚的酒店HOTEL 63了！

睇落個酒店房好「正」，但住落就真係問題多多了！

第一、廳洗手間地面漏水，有人嚟整，都都整唔到！

第二、我哋個冷氣由第一日已經投訴話有問題，到第二日晚先通知我真係出咗問題，要我哋轉房，都就快走，仲要我轉房？NO WAY

第三、廳個電視要叫佢哋幾次先SET到有得睇，真係煩C人！

第四、張氏一家那間房直頭佢哋入唔到房，個鎖有問題，要轉間細房，真慘！

我哋房對住係沙巴旅遊局，但係三日內我哋都未入過去！

好肚餓，要去搵食，張家帶咗我哋去味雅到食海南雞飯，我自己覺得一D都唔好！

然後就WALK去超巿，去咗依幾日的行程入D貨，返酒店，小朋友玩下！

太熱了，晚上去咗小巴黎到食飯，我完全無預期過沙巴會咁鬼熱的！