港楊回憶，樂趣無窮！

我哋返到香港啦，好熱好熱好鬼熱呀！

一早起身無耐，我哋已經執好行李，然後去餐廳食飯，跟著就去機場啦！

點知去的路上，細老帶我哋去咗UPPSALA的城堡，小朋友又係一輪的開心！

係機場，小朋友真係好緊張及興奮，要返屋企啦！不過阿仔真係好鐘意瑞典，話好想係瑞典生活，我感覺是無奈，香港教育制度真的要改呀，害C小朋友！

去到荷蘭機場，因要再過海關，所以要急急腳，去到閘口都只要等多二十分鐘便可以上機，好彩我哋班機無遲到！

等待中的父子！

嚴格嚟講，我哋隨後幾日都係UPPSALA，無乜點週圍去，所以小朋友就最開心係到踏單車！

晚上我哋仲BBQ呀！

係咁要我影，羊爸都影唔少！

今日係我哋STOCKHOLM之旅的最後一天，我一定要完阿仔的心願，去看諾貝爾獎的地方，就是Högtorget！

不過去之前，決定先CHECK OUT，然後放哂所有行李係車到，才輕鬆的去遊STOCKHOLM。講真，依間酒店我對佢無乜好感，除咗位於巿中心外，真係無乜嘢直得我欣賞的地方！

由昨天至今天，我哋都係以步行為主要的交通工具，係地圖到睇落好似好近，但係原來都好遠的！

然後經過中央火車站，讓我好回味一下以前週未返屋企的情境！

去舊城的路上，會見到瑞典首相的屋企！

好啦！終於去到舊城，我真係好鐘意舊城的氣氛！

食咗午飯，就去拎車，又係漫長的行行行！

STOCKHOLM的最後一站，當然係我的母校ERSTA啦！

晚上六點前返到UPPSALA，表姐請我哋去佢哋屋企，去樓下食飯，到佢哋屋企食吓嘢！

去到STOCKHOLM，重頭戲係去ARMY MUSEUM，係我哋酒店附近，好方便！

都係嗰句，對瑞典歷史唔太熟識，所以好快就行完！(太暗，我手好震，D相影得唔好)

原來我哋所買的票係可以去埋對面的MUSIC MUSEUM，咁就去埋啦，又幾好玩，小朋友玩得最開心！

朋友知道我們會去VASA MUSEUM，專程係嗰到等我哋，我們見下面飲杯嘢，傾吓計，真係好耐無見啦！

跟著就去瑞典好出名的VASA MUSEUM，睇沉船！

之後，就去對面的SKANSEN，小朋友鐘意入去D舊屋到睇！

最後，就係GOTHEM到食埋飯先返酒店，以前覺得GOTHEM好好味，依家好似唔同咗，又無扒的號碼！

一早我哋便要由BRITTEN屋企離開，因為我仲要到另一個同學HELENE屋企去探望她！

早餐我和BRITTEN已依依不捨，自從去年INGRID過身後，我們只有兩個好朋友餘下，真的不知何日君再見！

來個不捨的合照，19年前大家是同學，19年後的今天大家還是好朋友，真的難得！

我都話GPS勁，連HELENE屋企咁鬼隔離，都搵到，超好！HELENE 係我20年前係SIGTUNA讀書時的好朋友，最好玩係我成日整鬼佢，到依家都仲記得！

一去到，佢就SHOW佢哋D動物給我哋，我就問可否俾小朋友試吓騎馬，又可以，真係好開心！

妹妹怕，所以錯失咗一個好機會，下次再嚟啦！

當我哋食完茶點後，我就繼續同HELENE雞鳴唔繼咁傾計，小朋友做乜？睇吓啦，去片！

兩個玩到傻咗，最後，梗係要同舊同學嚟一個大合照！

好，我哋又開車，去STOCKHOLM，之前我咪話瑞典改咗好多路的，我真係好怕自己楂入STOCKHOLM，果然，咁啱又係D同性戀的遊行(之前個個都無話我知)，攪到我預三點去到酒店，成五點先塞完車到酒店。

細老識人係NOBIS HOTEL到做嘢，可以攞到半價，不過我都覺得好好好好好好鬼！

由於酒店無提供免費車位，我哋要楂住架車，又係酒店附近搵位。由於是週未，如搵到車位就成個週未都唔使錢，所以都搵到離開遠少少，步行要15分鐘呀！

跟著就去醫肚，無法，大家都疲倦(尤其是我)，所以又早早去上床休息！

為咗阿仔，我哋又去睇飛機，不過係瑞典軍事的飛機，也許我哋對瑞典歷史不太認識，所以老公同阿仔都話：唔係好勁！(不過依個係去LINKÖPING重點之一)

之後，BÖRJE及BRITTEN帶我們去河邊午饍，唔係求其的河，係瑞典好出名的GÖTA CANAL，我哋真係可以等到有船經過！

  連大船我哋都有機會見到！好嘢！

天氣太熱，BRITTEN兩公婆話要去游水，我哋都無帶泳衣，唔游，但都去見識吓！

小朋友就係咁玩水，我？咪就係咁玩支長鏡囉！

PAT PAT癢的我正在玩境頭！

未返瑞典前，同小朋友傾好，瑞典芬蘭有好多主題公園，我哋只會去兩個，其餘時間可以去一些有意義的博物館到睇！

KOLMÅRDEN係全北歐最大的動物園，由UPPSALA楂車要成三個半小時，我嘛，三小時內已到逹！

真的不能不提用ANDRIO手機版的GOOGLE MAP，真的好用，在今次的旅程中，我真的用到盡，連細微到我同學的鄉下屋企都搵得到，超好用！

要先係停車場中間的位置買入場卷

跟著就跟D人一齊入去主題公園

真係好多種動物，本來我聽細老話係可以自已楂車入去睇動物，但還顧四週，真係無D咁的指示及提意，行下行下，就見到好大隻SAFARI的字，人排我哋又排隊睇吓，原來係坐吊車，在23分鐘內，坐在吊車裏面睇下面的野獸，免大家受到傷害，真的好！

唉！我無攞到長境帶係身(係車到)，所以影得麻麻地，只好求其啦！

之後就去搵地方醫肚，我居然係係到排隊排咗半小時，為咗幾個包，攰C我！

阿仔見到個年齡限制話七歲，初初C都高傲話唔去排依隻車玩，點知我同妹妹排隊時，佢又走過嚟睇，見到又好似幾好玩，就係我哋到打尖排隊。玩完後，係咁話：依個好好玩，仲想玩多次！

我哋梗係唔准啦，同佢講：今次無被人拒絕咋，再排的話也許唔准你玩的啦！佢先肯放棄！

我哋屋企係咁細的地方逗留咗差不多七個小時，玩到腳都斷！

然後又係我負責楂車，去LINKÖPING，要搵BRITTEN屋企，又居然被GPS搵到！勁！

佢屋企真係世外桃園，我自己覺得好靚之餘，係好整潔，整齊對我嚟講真的好重要！

BRITTEN屋企有養羊的，我哋一到，D羊係咁：咩、咩、咩叫！好耐無聽過咁好聽的羊叫了！

BRTIIEN的老公BÖRJE話四五天前，剛有一隻小羊誔生了，當我哋想走近些看它時，小羊害怕係咁走，我的小朋友開心到不得了，話簡直像“飄零燕”中的小玲！(卡通上腦)

我自己就好習慣住這些鄉下地方，但老公同小朋友太習慣方便，唔慣我哋的房間沒有獨立洗手間！唉！！！！！(更差的我仲見過啦！)

返到依個小城巿，我真的很不習慣，不習慣的原因得簡單，唔認得路返屋企！

咪笑我，瑞典為咗防止D人開快車，整咗好多迴旋處之餘，原本直直的路，居然整到佢九弓十三彎，轉到我自己都唔知去咗邊，好幾次出巿中心後，原本簡單的路，居然要用到GPS先返到屋企，真悲哀！

仲有微燒，不過都帶咗佢哋去玩行吓！

先去行吓巿中心，然後食個TEA(係巿政圖書館)，跟著就去咗UPPSALA大教堂，全北歐最大的教堂！

我哋其實仲想去睇SILVER BIBLE及UPPSALA城堡，但下雨下得太密，我哋只好返屋企！我係咁諗要去買番D家用品返屋企時，咪就試唔用GPS楂車返以前住咗五年嗰間屋附近的ICA超巿，大D又多嘢D。但，我居然搵唔到條路，要將車停在路邊再SET手機的GPS先搵到，簡直氣C我！我自已完全唔能接受依個事實，居然唔認得路返屋企！

返到屋企，雨下個不停，還看到雨中彩虹，係我的FB被香港彩虹掃版的同時，瑞典都睇得到呀！

返到UPPSALA，兩個大司機，我同ANDERS舅父都病倒了，我仲發燒，燒到我無力，係咁訓，MORFAR就同小朋友到外面玩！

然後又要做下功課啦！

雖然我仲喉嚨痛中，但為咗唔想浪費咗係到的時間，都只好頂住上同佢哋出去週圍睇吓！

今次去咗我讀咗兩年書的地方，SIGTUNA：

SIGTUNA FOLKHOGSKOLAN的教堂

誄室

學校裏的蘋果樹

當年行唔少的唯一大街

巿政廳

我哋仲去咗飲咖啡，我請(貴到嘔)

兩爺孫係胡邊睇...............................................;鴨仔！

依個小朋友銅像在做甚麼？

答案就係：

：

：

：

：

：

  攞住隻船者！

早上，到MORMOR的教會，她剛巧有一個“堅信班40年後聚會”，所以一點才開車到Åbo搭船返瑞典，要19:15前去到碼頭，真的好趕！

我同細老兩人合力輪流楂車，輪到我時，成車人又訓哂，我係咁踩行油，為的是可以準時到碼頭！

六小時的車程，小朋友係會好悶，咁佢哋做咩？我都係之後係車後座同佢哋坐時才發現，原來兩個小朋友係車尾玩自拍，笑C我！

好，都等我同佢哋玩吓先！

唔知係咪冷親，我喉嚨突然好痛，好怕會病呀！

在路上，經過柏牧師屋企，大家見見面，柏牧師仲請我哋食雪糕！

終於都係19:20到碼頭，真係有驚險，感謝天父的帶領！

又係同樣的房

不過我覺得回程的境係靚D！

唔知點解，我訓唔著，也許喉嚨痛，但最終係唔捨得，人大咗，就會重感情多咗，見到咁多親戚已不在，有時會有傷感！

MORFAR  預備咗要同卓希芍婷種嘢，估唔到兩個小朋友咁鐘意玩！

老公影的，話: 一村姑在收割農作物！

之後，LENA表姐係咁叫我哋去沙灘，佢同DAG表哥一家人都係嗰到，唉，去啦，橫點無嘢做！

D水好凍，好彩我C都唔帶泳衣，否則又唔知輪到邊個病！ 

邊有人咁樣洗手法

上車前，又要清潔一番！

返到屋企，又係落種籽的時間了！

今晚係我主場，整D好嘢大家食，十人一張枱，MORMOR話就好似佢哋細個每餐飯時一樣！

今天下午GUNKA E媽已來了WITIC，想和我們多團聚，佢真係好好笑，我同細老玩到笑到眼淚水係咁流！

飯後，就係我話咗好耐一定要去的地方，墳墓！因為有好多好賜我的E 媽、舅父，都已安睡了，勞碌了一生，現是好好的安息！

我的淚水又忍唔住，每到一個墓碑，就要解釋俾兩個小朋友知邊個打邊個，時光飛逝，他們已不在，只存在我的記憶中！

兩個小朋友好合作地幫忙，抺墓碑，種新花，仲有就係把泥地整花紋！

前幾年開始多芬蘭親人去世，令到我的表哥表姐們話要每年一次“老表聚會”，頭幾次都只是ANDERS及MORMOR做代表，我就一定走唔開啦！

今年為咗就我哋一家在芬蘭的時間，決定26/7在BODÖ依個地方嚟一個大聚會，我們15個老表中，影相時12個出席，影完相第13個都出現，只有兩個留在HELSINGKI嚟唔到，認真可貴！

大家都好開心，不過室內真的很熱，後來我們搬到戶外去！

ANITA E媽

依班表哥表姐唱歌叻到不得了，連我都唔敢同唱，我怕我會走音！(係心光唔怕)

飯後甜品

三姊妹嚟一個大合照，笑：ETHEL、GUNKA、ANITA(原本是八兄弟姊妹的)

嚟一個大合照！

全男班SANDSTRÖM，，現只有兩個未嚟過香港探我哋！

MATS表哥和表嫂(我哋之前就係去佢哋屋企住)

依個表哥現在是音樂學校校長！

小朋友就開心囉，係咁週圍玩，我唔話：食雪糕，都唔搵番大人！

攪到好晏才走，環境 好，但食物就.................................巧貴！

表哥提議我哋去一個好特別的動物園(toivonen animal park)，mormor話我以前去過，但係點解我無印象的呢？唔奇怪，去旅行的嘢，我一定要睇相先會記返的！

小朋友連大人都玩得好開心，不過睇睇吓又收到helsingki表姐的msn，話會嚟探我哋，所以又要急急腳咁返屋企！超............................................忙！

我哋最鐘意係草到坐、訓、及玩，不過我d皮膚咁多年都係咁無用哋敏感！

本來我要出城，要去電話店攪一攪個電話上網問題，但都係趕唔切，只好第二日一早出城啦！

昨晚太攰，無時間去細睇witic依間屋的改變，以前lisa e 媽在生時，會好整齊，依家多咗好多嘢，多到我日日向屋外走！

morfar同兩個舅父就係咁同佢哋玩，最開心嗰個就係楊卓希，玩到係咁笑笑笑！

我就去以前e 媽生前種花的花圃到，見到仲有些以前的小花，很掛住lisa e媽，佢係一個超鐘意種花的人！

依個千秋，我都不知玩咗幾多年！

我哋都不停有guest嚟探我哋，由我的朋友啦、由helsingki嚟的表姐一家啦，真係節目豐富！

一早起身，去食早餐前我哋已執好行李，小朋友還要和erik玩，那我們大人便到外走走，去拍拖是也！

終於要出發啦！先去醫肚！麥當當，巧貴呀！

不過，我哋去karleby路上要先去larsmo，去探一探我的e媽anita，佢好老了，但好好記性，一見到我，初時以為係診誠(johannes表哥香港老婆)。後來佢話：點解你識咁多瑞典話？就知道嗰個係我：a lai！我就好鐘意痴住佢，留底係到的e媽只有兩個，anita給我好多細時的回憶！

依個湖我當年都有被迫要游水，凍到我大喊！依家就咁睇，就真係好靚！依個老地方，好有親切感，就係我同anna karin表姐成日玩的地方！

係依到附近，有一個“聖誕老人村”唔係有真人的聖誕老人，係一個太太喜歡自己hand made聖誕老人，將聖誕老人的生活刻畫出來，johannes表哥想帶診誠去，希又唔肯去，變相我要同婷去！

然後，mormor話要趕住走，要去karleby的新market，咪就係喺廣場到，好多檔嘢咁囉，要買d食物返屋企！

karleby真的變了很多，多咗好多店，又多咗好多人，真係變化大！

話人多，要兩個粵父騎馬仔，希騎了五分鐘，我便叫johannes放下他，因他真的很重呀！

買完嘢，返屋企，食飯，沖涼，訓覺！

第一晚係依間石屋到訓，真係又大又凍，到第二日的下午，太陽出來了，但我哋大人唔准小朋友除d暖的衫住，因都係涼的！

早餐後，小朋友就到屋後的兒童屋到和表哥的五歲仔一齊玩，玩到成日都無入過屋！

我同老公就係屋企hea吓，又自行行去超巿，去買angry birds糖做手信，又去買晚上bbq的食品！

由於天氣太好，所以我哋決定bbq，芬蘭腸，好美味！

bbq後，我哋去咗散步，去巿的另一邊想去探一探另一個表哥，只得表嫂在家，表哥未放工！

然後再行返屋企，原來屋企後面係一條河，俾d屋阻住咗我哋睇唔到，黃昏好靚，但可惜無帶到單反相機，決定第二日執好行李後都要去行一轉！

早上芬蘭時間五時船長已開廣播，叫人起身，我哋05:40已齊齊整整咁坐係車裏面到等，早些係因為怕太遲的話，搭唔到LIFT，及開得車的話而我哋架車無人開就會阻住後面的車，大鑊ING！

到咗芬蘭，第一個地方唔係去MORMOR鄉下，而係去TAMPERE的Säränniemi，因那裏有一個ANGRY BIRDS LAND的主題公園，所謂順路過去玩幾個鐘先再起行！

細老楂咗一小時車，我哋就求其落車食少少早餐，跟著就係輪到我楂，好彩依家有GPS，唔使好似以前咁要睇地圖，全車人訓哂，只有我一個醒咗係到楂車！

到咗Säränniemi啦！MORFAR同細老無興趣，佢哋去搵朋友(攝牧師)，我哋就一家去玩，不過好鬼凍，當日只得13度！

依個都係芬蘭EVA表姐話我知，所以裏面大多是芬蘭人，真係無異國人！

我哋中間走咗入去紀念品店到，唔係買嘢，只係為咗暖吓個身！

老公同阿仔玩依個電單車，佢哋話好玩，我睇到就怕怕，好彩妹妹未夠高，唔使我陪佢玩咋！

我同妹妹去玩碰碰車！

我哋上咗個塔到，係上面睇落去！

暖咗個身後，又出去再玩過，其實佢哋有有關水的活動，但我哋怕凍親小朋友，無玩到！

依兩個刺激啊，要爬係到的過山車！無玩到，因為兩個小朋友唔夠高！

本來約咗細老下午三點接我哋，但太凍，14:15我哋就已走人，去咗約定的油店，去飲杯熱茶同食個包，希望身體有能量！

細老接咗我哋後，就繼續出發去NYKARLEBY，MATS表哥屋企，我哋會係到住兩晚，然後先去MORMOR的鄉下KARLEBY。

 我有十幾個表哥表姐，依個表哥係之前嚟過香港，幫另一個表哥影結婚相的，佢哋屋企就係相的店舖，好大，但也由於是大及石屋，好凍！

我哋住依間APARTMENT  

MORMOR帶埋另一個表姐，嚟接咗MORFAR先去KARLEBY，我哋就全自己啦！

係瑞典屋企休息咗兩日，又洗咗D衫，有足夠的衫去芬蘭，真係好凍呀！

今次為咗平，就JOIN咗SILJA LINE的會員，然後以半價可以買到來回的CABIN。19:30的船，要18:30到碼頭，但係我哋17:30就由UPPSALA出發，唔係好識個碼頭條路！

上船啦！

我哋BOOK咗兩間房，因我同老公都一定要有窗(否則我頭暈)，所以我哋間房係雙人床的有窗房，MORFAR和細老間房係四人無窗房！

對面佢哋的房

妹妹發燒，好難叫佢到食藥，攪到我心都煩埋！食少少嘢，訓一覺，就要落船！

係房的窗望出去，真係好靚！