close
唉！點算呀？我到今日為止都只係讀咗一半咋，明晚就考試啦！今次一定會好似我身形咁：肥！
我都已經好落力咁，一有時間就係咁睇同讀，不過就係有好多突發性的工作要處理，昨晚我仲好自豪咁同老公講唔讀住，今日上星期五堂，可以有時間讀。鬼咩！攪個relocation的計劃書都攪咗成個早上！今晚要盡力而為，睇得幾多就幾多。讀的時候，成日都同自己講，啊！依個好容易啫，到時一定識，但係當我睇番d模擬試題時，又會好似乜都未讀過咁！個心好亂呀！
今晚係兩個團契合團的聖誕聯歡會，由青年團的學生負責，其實佢哋已經做得好好啦，不過仲係經驗淺，未能好好的控制場面，都係要我依個老薑出馬先得！不過係儉討會時，我都過咗幾招佢哋，教他們要負責大場面時應有的技巧，希望他們能慢慢的學習吧！
好掛住小卓希，由今早見到他十分鐘後，就成日都無見，返到屋企佢又已經訓咗！好彩依家我有ip-cam，可以睇到佢的一舉一動。今日連卓希爸係到改緊卷時都上網望吓卓希，佢話好似睇緊直播咁，真的好好笑。我話尤其睇到個仔扭計時，好似有d事不關已模樣，湊住隻豬仔希真的不容易！
全站熱搜
留言列表
廚藝“棒” (5)
