close
由卓希出世到現在，我一放假就會親自照顧佢，尤其是好鐘意同佢沖涼。就算以前芳EE係到，我一放假，卓希都要我幫佢沖涼，更何況現在的TUN姐姐呢！所以就算我依家個肚成個籮咁大，佢都唔放過我，一定要我幫佢！
咁我就只好係洗手間放一張槢椅，前陣子個肚大得唔多時，而天氣又凍，都可以給卓希用盆沖涼，不過近來個肚大咗，就同佢用花灑沖。
晚晚我都要問同樣的問題：「老老實實啦！你要用盆定係花灑沖涼？」
(用盆就係TUN姐姐幫佢沖涼，用花灑就可以由我幫沖涼)
佢一定會話：「用花灑！」
兩天前，我就同佢講定，第時BB出咗世之後，媽媽有成個月唔同得佢沖涼，佢望住我之後，就話：「咁媽媽你教爸爸同楊卓希沖涼啦！」(咁都俾佢諗到)，我只好話：「爸爸學極都唔識的，以前都學過，不過學唔識，所以一定要TUN姐姐囉！」
今晚食飯時，我又問同樣的問題：「老老實實啦！你要用盆定係花灑沖涼？」
佢就答：「用花灑！」
我就趁機提佢：「媽媽生咗BB之後，成個月無得同你沖涼啦！」
點知佢諗都唔使諗，立即答我：「咁依家BB都未出世，媽媽仲可以同楊卓希沖涼！」
真係唔知好嬲定好笑啦！
越幫越忙
我哋都攞咗番張床仔一段時間，只係抺過下，不過隨著我個肚越嚟越落，就知道要快些預備張好張床仔。
所以今日卓希爸都係時候升番高張床仔，不過卓希一見到佢爸爸攞工具做嘢，又話自己要做bob the builder，又話要幫手，總言之就係越幫越忙！
全站熱搜
留言列表
廚藝“棒” (5)
