close
先先祝我自己生日快樂!

不過今年的生日真的不易渡過，因為今天帶妹妹去健康院時，醫生話佢黃的度數過咗警界線，要去醫院。我千萬個不願意，上次的經歷真的太差，但今次不同之處是可以去聯合醫院，唉！為咗個女，頂住頭皮上啦！

去到醫院，登記咗後，妹妹就要去抽血，同卓希以前一樣，要係腳仔到抽血，然後係醫院到等成個幾小時才知道報告。醫生話妹妹的“黃疸”度數真的是高咗，平時250度就要入院，今天妹妹是253度，明天請早！

唉！我真的好攰，仲要日日都係咁走嚟走去，醫生話如果我唔夠人奶的話，就要補奶粉，我唔係唔想埋身餵，而係妹妹今天下午成日都訓。我叫醒過佢幾次，醒咗少少時間，食唔夠十分鐘又訓過。教我如何不擔心？佢咁樣明天我怕又過唔到個抽血test啦！

返咗屋企咁多日，今天下午終於可以俾我靜靜地休息二十分鐘，係訓著個隻。不過我個人真的震得好緊要，尤其是雙手。昨天健康院的醫生已經特別提醒我，唔好太緊張同要照顧自己的需要。我都知，隻腳腫脹、子宮位行路時痛、腰骨痛，我都想休息，但現實就不容我去休息，點算呢？

幾經辛苦才找到小小時間，寫番生產日記！

晚上mormor同morfar嚟我哋屋企同我慶祝生日，我都無乜力，只要大家開心就得啦！

註：卓希好鬼緊張又賜個妹，連下午我叫佢同姐姐去公園玩都話唔去，要係屋企同媽媽及妹妹一齊。而且每晚訓覺都要癡癡地望住個妹，又要係個妹身邊到先訓得著。希望佢哋兩兄妹第時都係相親相愛啦！
arrow
arrow
    全站熱搜

    suklaic 發表在 痞客邦 留言(5) 人氣()

    E-mail轉寄