close
唔知卓希係咪知道我係屋企陪佢呢？佢由昨天晚上九時訓到今日八時，好好訓！


十一時我和卓希去了德福廣塲，一來去行下，二來，我要拿回對鞋！之後我哋去咗“和民”到食麵，我只叫了一碗麵，以為可以同卓希兩份分，點知佢一個人都差唔多食得哂，我只係可以食佢唔要的餸頭同餸尾！


返到屋企，卓希開始有少少扭計，我放咗佢係床到，跟著我自己訓(咋訓)，卓希就食住個奶咀自己又訓咗，前後都只係十分鐘左右，我只係訓咗十分鐘就起身，預備晚餐的食物，同上下網。到我又想訓時，卓希又醒啦！


因為我昨天晚上返學，所以卓希無洗澡，今晚係晚飯前，我就幫佢洗澡，佢係咁要潑水落我到，仲要我扮關個浴屏好怕咁，真的俾佢笑c！


本來卓希明天係預備去屯門小吉家的(我袋都執好啦)，不過事情有轉機，下午我同芳ee傾電話時，我表明現在未找到人，要六個星期後先至得，問佢可唔可以都嚟我屋企睇住卓希，不用做家務，但她表示都會做家務，咁我說我有所保留，因為如果佢有乜事起上嚟，我擔當唔起。晚上佢打給我，問我明一需不需要佢來(我不知幾需要)，我話一定要答應我唔做家務先得，今次佢答應咗。因為佢都好掛住卓希，我叫卓希同佢傾電話，卓希對答如流，令到芳ee開心到不得了。為了見卓希，佢乜都應承！我派了媽媽(mormor)做探子，明天來監視芳ee唔可以做家務，係咪好絕呢？
arrow
arrow
    全站熱搜

    suklaic 發表在 痞客邦 留言(1) 人氣()

    E-mail轉寄